ވެއްޓުނީ އިމާރާތެއްގެ މަތިން، ވެންޓިލޭޓަރަށް ލާންޖެހުނީ ފުލުހުންގެ އިހުމާލުން: އާއިލާ

ފުލުހުން އެހެން ސީނެއްގައި ހަރަކާތްތެރި ވަނީ: ފުލުހުންގެ ޕްރޮފެޝަނަލް ސްޓޭންޑަޑްސް ކޮމާންޑާއި ކަމާބެހޭ މުއައްސަސާތަކުން އަންނަނީ އެ މައްސަލަ ބަލަމުން -- ފޮޓޯ: މުހައްމަދު ޝާބިން/އަދަދު

ފުލުހުން އެހެން ސީނެއްގައި ހަރަކާތްތެރި ވަނީ: ފުލުހުންގެ ޕްރޮފެޝަނަލް ސްޓޭންޑަޑްސް ކޮމާންޑާއި ކަމާބެހޭ މުއައްސަސާތަކުން އަންނަނީ އެ މައްސަލަ ބަލަމުން -- ފޮޓޯ: މުހައްމަދު ޝާބިން/އަދަދު

ފުލުހުންގެ ބެލުމުގެ ދަށުން ޑްރަގު ކޯޓަށް މީހަކު ގެންދަން އުޅުނު މީހަކު އިމާރާތެއްގެ އެއްވަނަ ފަންގިފިލާއިން ވެއްޓި އަނިޔާވުމުން، ފުލުހުން އޭނާ ހޮސްޕިޓަލަށް ގެންދިޔުން ލަސްކުރުމުގެ ސަބަބުން ވެންޓިލޭޓަރަށް ލާން ޖެހިފައިވާ ކަމަށް އާއިލާއިން ބުނެފި އެވެ.

އާއިލާގެ ފަރާތުން "އަދަދު" އަށް އެނގިފައިވާ ގޮތުގައި ހޯމަ ދުވަހު ހިނގި އެ ހާދިސާގައި އަނިޔާވީ އަޒްމީލް ޖަލީލު، 38 އެވެ. އެ ހާދިސާ ހިނގީ އެ ދުވަހު 2:15 އާއި 2:30 އެވެ. ނަމަވެސް ހޮސްޕިޓަލަށް ގެންދިޔައީ އޭނާ ޕޮލިހަށް ގެންދިޔުމަށް ފަހު، ހަވީރު 4:20 ގަ އެވެ.

އަޒްމީލްގެ އާއިލާއިން ބުނީ އެ ހާދިސާގައި އަޒްމީލްގެ ބޯ ފަޅައިގެން ގޮސް ސިކުނޑިއަށް ލޭ އެޅުމުގެ އިތުރުން، މައިބަދައިން ތިން ތަނެއް ބިންދައިގެން ގޮސްފައިވާ ކަމަށާއި ހާލު ސީރިއަސް ކަމުން މި ވަގުތު އޮތީ ވެންޓިލޭޓަރުގައި ކަމަށެވެ.

"ވެއްޓުނުކަން އެނގުނީ އަވަށްޓެރިޔަކު އައިސް ބުނީމަ. ވަގުތުން ތިރިއަށް ގޮސް ބެލިއިރު އޮތީ ބިންމަތީ ތެޅިތެޅި. ފުލުހުން އޭނާ ނަގަން މަސައްކަތް ކުރުމުން ބުނިން ނުނަގައި ފުރަތަމަ އެމްބިއުލާންސަށް ގުޅަން. އޭރުވެސް އޭނާގެ ބޮލުން ލޭ އާދޭ،" އާއިލާއިން ވާހަކަ ދެއްކި މީހާ ބުންޏެވެ.

"އެކަމަކު ފުލުހުން ބުނީ އޭނަ އޯކޭއޭ. ކިޔާފައި ކޮޅަށް ނަގައި ވެހިކަލްއަށް އަރުވައިގެން ގެންދިޔައީ،"

ފުލުހުންގެ ބެލުމުގެ ދަށަށް އަޒްމީލް ގެންދިޔަތާ އެތައް އިރެއް ފަހުން، ހަވީރު 5:00 ޖަހާއިކަށްހާއިރު ފުލުހުން ގެއަށް އައިސް އާއިލާ މީހަކު ހޮސްޕިޓަލަށް ދާން އެދުނު ކަމަށާއި ހޮސްޕިޓަލަށް ދިޔައިރު އެމަޖެންސީކޮށް ސާޖަރީއެއް ކުރަން ތައްޔާރުވަމުން ދިޔަ ކަމަށެވެ.

މިކަމާ ގުޅިގެން އާއިލާއިން ބުނީ އަޒްމީލްއަށް ފަރުވާ ވަގުތުން ނުލިބުމުން ކަންބޮޑުވާ ކަމަށާއި ފަރުވާ ލަސްވުުމުގެ ސަބަބުން އޭނާއަށް ހޮސްޕިޓަލަށް ފަހުން ގެންދިޔަ މަގުމަތީ ފިޓު ޖެހި، ލިބުނު ޒަހަމްތައް އިތުރުވި ކަމަށް ތުހުމަތު ކުރެވޭ ކަމަށެވެ.

"އިމާރާތް މަތިން ވެއްޓުނު ނަމަވެސް އޭނާ ފިލަން ވެގެން ފުންމާލިކަން މިހާތަނަށް ވެސް އެނގިފައެއް ނުވޭ. ފުލުހުން އައިސް ދިޔައިރު ވެސް ކޯޓު އަމުރެއް ނުދައްކާ. ވަރަށް އާދައިގެކޮށް ފުލުހުން ކަން ކުރަމުންދިޔައީ އެވަގުތު ވެސް. އިންސާނިއްޔަތުކަން ހުރި ނަމަ އެގޮތަށް ކަން ނުކުރާނެ،" އާއިލާއިން ބުންޏެވެ.

އަޒްމީލުގެ އާއިލާއިން ވަނީ މި މައްސަލަ ބަލައިދިނުމަށް އެދި ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑާއި ނޭޝަނަލް އިންޓަގްރިޓީ ކޮމިޝަން (އެންއައިސީ) އާއި ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗުއާރުސީއެމް) އަށް ހުށަހަޅާފަ އެވެ.

ފުލުހުންގެ އިހުމާލުން މީގެ ކުރިން ވެސް ފަރުވާ ލިބުން ލަސްވެ، ބަންދަށް ގެންދާ މީހުންގެ ހާލު ސީރިއަސްވެފައި އެބަ ހުއްޓެވެ. ނަމަވެސް އެ މައްސަލަތައް މިހާތަނަށް ވެސް އެދެވޭ ގޮތެއްގައި ބެލި، ފުލުހުންނަށް ފިޔަވަޅު އެޅިފައެއް ނުވާ މައްސަލައިގައި އާންމުންގެ ކަންބޮޑުވުން އެބަހުއްޓެވެ.

މީގެ ދެ އަހަރެއް ކުރިން ހިނގި މިކަހަލަ ހާދިސާއެއްގައި، ފުލުހުންގެ ބެލުމުގެ ދަށުގައި ހުރި އަބްދުﷲ ރަޝީދު ވަނީ، ދޭން ޖެހޭ ފަރުވާ ދިނުން ލަސްވެގެން މަރުވެފަ އެވެ.

އަބްދުﷲ ރަޝީދުގެ މައްސަލައިގައި ޝާމިލުވާ ފުލުހުން އޭނާގެ މަރުގައި އިހުމާލުވެފައިވާ ކަމަށް ނިންމައި، އެންއައިސީން ވަނީ އެ މައްސަލައިގައި ދައުވާކުރަން ޕްރޮސިކިއުޓާ ޖެނެރަލް އޮފީހަށް ފޮނުވާފަ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox