ޒަކާތު ފަންޑުން ގާޒާއަށް ދޭ އެއްލައްކަ ޑޮލަރު މި މަހު ގަތަރު ރެޑް ކްރޮސްއަށް ޖަމާކުރަނީ

އިސްލާމިކް މިނިސްޓަރު ޑރ. ޝަހީމް އަލީ ސައީދު: ޒަކާތު ފަންޑުން ގާޒާއަށް އެހީވާން ދޭ އެއްލައްކަ ޑޮލަރު މި މަހު ޖަމާކުރާނެ ކަމަށް ވިދާޅުވި -- ފޮޓޯ: އަބްދުﷲ އިޔާން / އަދަދު

އިސްލާމިކް މިނިސްޓަރު ޑރ. ޝަހީމް އަލީ ސައީދު: ޒަކާތު ފަންޑުން ގާޒާއަށް އެހީވާން ދޭ އެއްލައްކަ ޑޮލަރު މި މަހު ޖަމާކުރާނެ ކަމަށް ވިދާޅުވި -- ފޮޓޯ: އަބްދުﷲ އިޔާން / އަދަދު

ޒަކާތު ފަންޑުން ފަލަސްތީނުގެ ގާޒާއަށް އެހީވާން ދޭ އެއް ލައްކަ ޑޮލަރުގެ ފައިސާގެ އެހީ މި މަހުގެ ތެރޭގައި ގަތަރު ރެޑް ކްރެސެންޓަށް ޖަމާކުރާނެ ކަމަށް އިސްލާމިކް މިނިސްޓްރީން ބުނެފި އެވެ.

ޒަކާތު ފަންޑުން ގާޒާގެ ރައްޔިތުންނަށް އެހީވާން ފޮނުވާނީ 100،000 ޑޮލަރު ޑޮލަރު (1.5 މިލިއަން ރުފިޔާ) ކަމަށް އިސްލާމިކް މިނިސްޓްރީން ބުނެފައި ވަނީ އެޕްރިލް، 9 ގަ އެވެ.

އިސްލާމިކް މިނިސްޓަރު ޑރ. ޝަހީމް އަލީ ސައީދު "އަދަދު" އަށް ވިދާޅުވީ ފައިސާ ޖަމާކުރުމާ ގުޅޭގޮތުން ގަތަރު ރެޑް ކްރެސެންޓާއެކު މަޝްވަރާ ކުރަމުން އަންނަ ކަމަށާއި މިހާރު ކުރިއަށްދަނީ އެ ފައިސާ ހަރަދުކުރާނެ ގޮތުގެ އެއްބަސްވުމެއް އެކުލަވައިލުމުގެ މަސައްކަތް ކަމަށެވެ.

"ދެ ފަރާތުން އެއްބަސްވުމެއް ޑްރާފްޓް ކުރުމުގެ މަސައްކަތް މިހާރު ކުރިއަށްދަނީ. އެ ބޭފުޅުން ޑޭޓެއް ދިނީމަ މިކޮޅުން ވަފްދެއް އެކޮޅަށް ގޮސް ފައިސާ ހަވާލުކުރާނީ. މި މަސް ތެރޭގައި އެއްބަސްވުމުގައި ސޮއިކުރާނެ. އަދި ފައިސާ އިރާދަކުރެއްވިއްޔާ ޖަމާކުރެވޭނެ،" ޝަހީމް ވިދާޅުވި އެވެ.

މިނިސްޓަރު ޝަހީމް ކުރިން ވިދާޅުވީ މިއީ "ގާޒާ ރައްޔިތުންގެ ކާބޯތަކެއްޗަށް ހޭދަކުރުމަށްޓަކައި ފޮނުވޭ އެހީއެއް" ކަމަށާއި، އެ އެހީ ފޮނުވާނީ ދެ ބަޔަކަށް ބަހާލައިގެން ކަމަށެވެ. ނަމަވެސް ފުރަތަމަ ފޮނުވާނީ ކިހާ ވަރެއް ކަމެއް އޭނާ ވިދާޅެއް ނުވެ އެވެ.

ގަތަރު ރެޑް ކްރެސެންޓު މެދުވެރުކޮށް އެހީ ފޯރުކޮށް ދޭން ނިންމީ، "ދިވެހި ރެޑް ކްރެސެންޓުގެ މަސައްކަތް އެތަނުގައި [ގާޒާގައި] ސީދާ ނެތީމަ" ކަމަށާއި، އެތަނުގައި އަމަލީ ގޮތުން މަސައްކަތުގެ މައިދާނުގައި އޮތީ އެ މީހުން [ގަތަރު ރެޑް ކްރެސެންޓު]" ކަމަށެވެ.

ގާޒާގައި އިޒްރޭލުން ހިންގަމުންދާ ގަތުލްއާންމުގައި ފަލަސްތީނުގެ 38،000 އަށްވުރެ ގިނަ މީހުން ވަނީ މަރުވެފަ އެވެ. އަދި ފަލަސްތީނުގެ އެތައް ބަޔަކު ހާލުގައި ޖެހިފައިވާއިރު، އެމީހުންނަށް ބޭނުންވާ އެއްވެސް ޒަރޫރީ ބޭނުމެއް ފުއްދޭނެ ގޮތެއް ނެތެވެ.

ޒަކާތު ފަންޑަކީ ފަގީރުންނާ މިސްކީނުންނަށް އެހީވާން، އިސްލާމިކް މިނިސްޓްރީގައި އުފައްދާފައިވާ ފަންޑެކެވެ. އަދި އެ ފަންޑު ވަރުގަދަ ކުރުމަށް ޒަކާތު ހައުސްގެ ނަމުގައި އިދާރާއެއް ވެސް ވަނީ ގާއިމުކޮށްފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox