މާލޭގައި ސްޕާއެއްގެ ގޮތުގައި ހިންގަމުންދިޔަ ތަނަކުން ތައިލެންޑުގެ ތިން އަންހެނުންނާއި ދިވެހި ފިރިހެނަކު މިރޭ ހައްޔަރުކޮށްފި އެވެ.
އެ ހަތަރު މީހުން ހައްޔަރުކުރީ އެ ސްޕާގައި ބިދޭސީ އަންހެނުންތަކެއް ހަށިވިއްކާ ކަމުގެ މައުލޫމާތު ފުލުހުންނަށް ލިބުމާ ގުޅިގެން، ހިންގި އޮޕަރޭޝަނެއްގަ އެވެ.
ފުލުހުން ބުނީ މި މައްސަލައިގައި ކޯޓު އަމުރެއްގެ ދަށުން ހައްޔަރުކުރީ ތައިލެންޑްގެ 28 އަހަރުގެ އަންހެނަކާއި 30 އަހަރުގެ ދެ އަންހެނުންގެ އިތުރުން ދިވެހި 55 އަހަރުގެ ފިރިހެނެއް ކަމަށެވެ.
މި މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ބުނެފަ އެވެ.
މާލޭގައި ގަވައިދާ ހިލާފަށް ބިދޭސީން ހިންގަމުންދާ އަމަލުތައް ހިންގުމަށް ފުލުހުން ދަނީ މަސައްކަތް ކުރަމުންނެވެ. އެގޮތުން ގަވައިދާ ހިިލާފަށް އުޅޭ ބިދޭސީންނާއި، ގަވައިދާ ހިލާފަށް ވިޔަފާރިކުރާ ބިދޭސީން ވެސް ފާހަގަކޮށް ދަނީ ގާނޫނީ ގޮތުން ފިޔަވަޅު އަޅަމުންނެވެ.
އޭގެ ތެރޭގައި މާލޭގައި ބިއުޓީ ސެލޫންތަކާއި ސްޕާތަކުގެ ނަމުގައި ރަޖިސްޓްރީކޮށްގެން ހިންގާ ތަންތަނުގައި ހަށިވިއްކާ މައްސަލައަށް ފުލުހުން އަންނަނީ ހާއްސަ ސަމާލުކަމެއް ދެމުންނެވެ.
