"ލޯ ލާރިއެއް" ވެސް ނުދާނެ ކަމަށް ބުނި ރަސްމާލެ ހިއްކަން ރާޖޫއަށް 77 މިލިއަން ރުފިޔާ

"ލޯ ލާރިއެއް" ވެސް ނުދާނެ ކަމަށް ބުނި ރަސްމާލެ ހިއްކަން ރާޖޫއަށް 77 މިލިއަން ރުފިޔާ

ދައުލަތުގެ ބަޖެޓުން އެންމެ ފައިސާ ފޮއްޗެއް ވެސް ހަރަދުނުކޮށް ހިއްކާނެ ކަމަށް ރައީސް ޑރ. މުހައްމަދު މުއިއްޒު ވައުދުވެވަޑައިގެންނެވި "ރަސްމާލެ" ހިއްކުމަށް ހަވާލުކުރި ކުންފުންޏަށް ފައިސާ ނުހޯދިގެން ކޮންޓްރެކްޓު ބާތިލު ކުރުމަށް ފަހު، އެ މަޝްްރޫއުގެ ދަށުން ހިއްކާ ފުރަތަމަ 27 ހެކްޓަރުގެ ބާކީ ބައި ހިއްކުމަށް 77 މިލިއަން ރުފިޔާ ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) އިން ދޫކޮށްފައިވާކަން "އަދަދު" ނޫހަށް އެނގިއްޖެ އެވެ.

މެދުކެނޑުމެއް ނެތި ކުރިއަށް ގެންގޮސް އަށް މަސްދުވަހުގެ ތެރޭގައި ނިންމާނެ ކަމަށް ސީދާ ރައީސް މުއިއްޒު ވިދާޅުވެ ފެށްޓެވި މަޝްރޫއު ކުރިއަށް ދިޔައީ ކުޑަ ދުވަސްކޮޅެއް ވަންދެނެވެ. އެފަޅު ހިއްކުމުގެ މަސައްކަތް ކުރީ ސްރީ ލަންކާގެ ކެޕިޓަލް މެރިން އެންޑް ކޮންސްޓްރަކްޝަން (ސީއެމްސީ) އިންނެވެ.

ފެބްރުއަރީ މަހުން ފެށިގެން ފުށިދިއްގަރުފަޅު ހިއްކުމުގެ އެއްވެސް މަސައްކަތެއް ކުރިއަށް ނުގެންގޮސް، އޮތުމަށް ފަހު އަލުން މަސައްކަތް ފެށީ، 77 މިލިއަން އަށް ވުރެ ގިނަ ރުފިޔާ ދިނުމުން މި ޖުލައި 1 ގަ އެވެ.

Advertisement

ފުށިދިއްގަރުފަޅު ހިއްކުމަށް ބޭނުންވާ ފައިސާ ސީއެމްސީއަށް ނުހޯދިގެން މަޝްރޫއު މަޑުޖެހިފައި އޮތުމަށް ފަހު އިތުރު ގޮތަކަށް އެ މަޝްރޫއު ކުރިއަށްގެންދެވޭތޯ ބަލަމުންދާކަން ސަރުކާރުން ހާމަކުރީ މެއި 30, 2024 ގައި އެވެ. މިއަދާ ހަމައަށް ވެސް އެކަމުގެ ތަފްސީލެއް ދީފައި ނުވެ އެވެ.

ރާޖޫއާ ވެސް ގާތް ގުޅުމެއް އޮންނަ އިތުބާރު ހުރި މަސްދަރަކުން "އަދަދު" ނޫހަށް ޔަގީން ކުރެވިފައިވާ ގޮތުގައި ފުށިދިއްގަރުފަޅު އަލުން ހިއްކަން ފެށީ ރާޖޫއަށް ގަނޑުކޮށް ގިނަ އަދަދެއްގެ ފައިސާ ދީގެންނެވެ. ނަމަވެސް އެއީ ކިހާވަރެއް ކަމެއް އޭނާ ނުބުނެ އެވެ.

"ނިމިގެން ދިޔަ ހަފުތާގައި ފައިސާ ލިބުނީ. އެހެންވެ ހިއްކަން އެފެށީ. ސައިޓު ޖޭ ނިމުމުން ރާޖޫގެ މަސައްކަތް ނުމުނީ،" އޭނާ ބުންޏެވެ،

އިތުބާރު ހުރި އެހެން މަސްދަރަކުން އަދަދު ނޫހަށް ކަށަވަރުވެފައިވާ ގޮތުގައި ރާޖޫއަށް 77 މިލިއަން ރުފިޔާ ދިނީ ސައިޓް ޖޭ ހިއްކައި ނިންމައި، އެތަނުގެ ރިވެޓްމަންޓު ޖަހައި ގޮނޑުދޮށް ހިމާޔަތް ކުރުމަށެވެ. ނަމަވެސް، ރާޖޫއަށް ފައިސާ ދިންކަން އެޗްޑީސީން ވެސް އަދި ސަރުކާރުން ވެސް ހާމައެއް ނުކުރެ އެވެ.

މިއީ ސީދާ ރައީސް މުއިއްޒުގެ ވައުދާ ހިލާފަށް އެޗްޑީސީން ދޫކޮށްފައިވާ ފައިސާ އެވެ. އެޗްޑީސީއަކީ ސަރުކާރުގެ ބަޖެޓުން ހަރަދު ކުރާ ސަރުކާރުގެ ސައްތައިން ސައްތަ ހިއްސާ އޮންނަ ދައުލަތުގެ ކުންފުންޏެކެވެ. އެކި ޕޯޑިއަމްތަކުގައި ރައީސާއި ސަރުކާރުގެ އިސްވެރިން ހިމެނޭހެން ވަނީ މި މަޝްރޫއުއަށް އެއްވެސް ފައިސާއެއް ހަރަދު ނުކުރާނެ ކަމަށް ވިދާޅުވެފަ އެވެ.

"ކޮންމެއަކަސް ރަސްމާލެ މަޝްރޫޢު ފެށިގެން މިހާރު އެ ދަނީ ކުރިޔަށް. އެ މަޝްރޫޢު ކުރިޔަށް އެ ދަނީ ދިވެހި ދައުލަތުގެ ބަޖެޓުން އެއްވެސް ޚަރަދެއް ކުރަން ނުޖެހޭގޮތަށް. އިރާދަކުރެއްވިއްޔާ، އެ މަޝްރޫޢު އެގޮތުގައި ކުރިޔަށް ގެންގޮސް ނިންމާލާނަން. ގަބޫލުކުރައްވާ،" ކަންގަތި އެވޯޑު ދިނުމަށް ޑިސެމްބަރު 20, 2023 ގައި ބޭއްވި ރަސްމިއްޔާތުގައި ރައީސް ވިދާޅުވެފައިވެ އެވެ.

މާލޭގެ ދެކުނުން 10 ކިލޯމީޓަރު ދުރުގައި އޮތް 1280 ހެކްޓަރުގެ ފުށިދިއްގަރު ފަޅުން 1153 ހެކްޓަރު ހިއްކަން ފެށީ މިދިޔަ ޑިސެމްބަރު 18، 2023 ގަ އެވެ.

އެ މަޝްރޫއު ކުރިއަށް ގެންދަން ރައީސް މުއިއްޒު ނިންމެވީ އެ މަޝްރޫއު ހިންގުމަށް ބަޖެޓުގައި ހިމެނި 400 މިލިއަން ރުފިޔާ މަޖިލީހުން އުނިކޮށްފައި އޮއްވައި އެކަމަށް ޗެލެންޖު ކުރުމަށްފަހު އެވެ. އެ މަޝްރޫއު ފެށީ ހާމަކަމެއް ނެތި ކުއްލިއަކަށެވެ. އިދިކޮޅު ފަރާތްތަކުންނާއި އާންމުންގެ ތެރެއިން ވެސް ވަރަށް ގިނަ ބަޔަކު އެކަމާ މެދު އޭރު ކަންބޮޑުވުން ފާޅުކުރި އެވެ.

ފުށިދިއްގަރު ފަޅު ހިއްކަން ފެށީ އެތަން ހިއްކާ ކުންފުންޏަށް ހުޅުމާލެއިން 10 ހެކްޓަރު އަދި ރަސްމާލެއިން 60 ހެކްޓަރު ލިބޭ ގޮތަށެވެ.

ފުށިދިއްގަރުފަޅު ހިއްކަން 77 މިލިއަން ރުފިޔާ ދެއްކީ، ދައުލަތުގެ ބަޖެޓުގެ ތާށިކަން އިންތިހާއަށް ބޮޑުވެ ހަރަދު ކުޑަކުރަން ވަރުގަދަ ފިޔަވަޅުތަކެއް ތަންފީޒުކުރަން ފަށާފައި ވަނިކޮށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox