ވ. އަތޮޅު ބޮޑުފިނޮޅާއި އެ ފިނޮޅުގެ ފަޅު 729،000 ޑޮލަރަށް (11.2 މިލިއަން ރުފިޔާ) އަށް ވިއްކާލައިފި އެވެ.
އެތަން ހިމެނޭ ގޮތަށް 17 ތަނެއް، ޓޫރިޒަމް ތަރައްގީ ކުރަން ހުޅުވައިލީ މި އަހަރު މެއި މަހު އެވެ. އެ ތަންތަނުގެ ތެރެއިން މިހާތަނަށް ވިކިފައިވާ ތަންތަން ޓޫރިޒަމް މިނިސްޓްރީން ހާމައެއް ނުކުރެ އެވެ.
ވ. އަތޮޅު ތިނަދޫއާ އެއް ބިތެއްގައި، އެ ރަށާ 7.7 ކިލޯމީޓަރު ދުރުގައި ބޮޑުފިނޮޅާ ގުޅޭ މުއާމަލާތުގެ މައުލޫމާތު އެނގޭ މީހަކު "އަދަދު" ނޫހަށް ބުނީ އެ ފަޅު ގަތުމަށް ހަތަރު ފަރާތަކުން ހުށަހެޅި ކަމަށާއި އޭގެ ތެރެއިން އެންމެ ރަނގަޅު ޕްރޮޕޯސަލެއް ހުށަހެޅީ ރާއްޖޭގައި އެންމެ ފުޅާ ދާއިރާގެ ލޯކަލް ޓޫރިޒަމް ހިންގާ ކާނި ހޮޓެލްސްއިން ކަމަށެވެ.
ވ. އަތޮޅު ބޮޑުފިނޮޅުގައި ޓޫރިސްޓުންތަކެއް.
އެ ފަޅު ވިއްކާލުމާ ގުޅިގެން ވ. ތިނަދޫ ރައީސް ޝިފާގު ހުސައިން ވިދާޅުވީ ހިތްހަމަ ނުޖެހުން ފާޅުކޮށްފަ އެވެ.
"ރައީސް މުއިއްޒު އެވެ. ހެޔޮނުވާނެ އެވެ. ތިޔަ ވިއްކާލީ މާލެ އަތޮޅާއި ވ. އަތޮޅުގެ ރިޒޯޓްތަކާއި، ގެސްޓްހައުސްތަކުން އެތަނަކުން އާމްދަނީ ހޯދަމުން ދިޔަ ވ. ބޮޑުފިނޮޅެވެ. އެވެސް އެންމެ 729,000 ޑޮލަރަށެވެ. ނުވިއްކާ ބޭއްވި ނަމަވެސް ދައުލަތަށް ލިބޭ އާމްދަނީ އެތައް ގުނައެއް އިތުރު ވީހެވެ،" ޝިފާގު އެކްސްގައި ކޮށްފައިވާ ޕޯސްޓެއްގައި ވިދާޅުވި އެވެ.
ބޮޑު ފިނޮޅަކީ ވ. އަތޮޅުގައި ނުގިރައި އޮތް ހަމައެނި ފިނޮޅު ކަމަށާއި އެހެންވެ، އެތައް އެންމެ ބަޔަކަށް މަންފާ ލިބޭ ގޮތަށް ވިއްކާ ނުލުމަށް ޝިފާގު އިލްތިމާސް ކުރި އެވެ.
