ގދ. ފިޔޯރީން އަށް އަހަރުގެ އަންހެން ކުއްޖަކު ގެއްލިގެން ހޯދަން ފަށައިފި އެވެ.
ގެއްލިގެން ހޯދަނީ ގދ. ފިޔޯރީ، ފިނިވިލާގެ، މަރިޔަމް މީނާލް މުހައްމަދެވެ.
މި މައްސަލަ ފުލުހުންނަށް ރިޕޯޓުކޮށްފައިވަނީ މިރޭ 7:08 ހާއިރުކަމަށް އެ އިދާރާއިން ބުނެ އެވެ. އަދި އެ ކުއްޖާ އެންމެ ފަހުން ފެނިފައިވަނީ ހަވީރު 5:00 ހާއިރު ގެއިން ކަމަށް އާއިލާއިން ބުނެ އެވެ.
މީނާލް ހޯދުމުގެ މަސައްކަތް ފިޔޯރީ ރައްޔިތުންނާއި ގުޅިގެން ކުރަމުން އަންނަ ކަމަށް ފުލުހުން މައުލޫމާތުދެ އެވެ.
މި ކުއްޖާގެ އެއްވެސް ހަބަރެއްވެއްޖެ ނަމަ، ކުއްޖާގެ ބައްޕަ މުހައްމަދު ރަޝީދު، 7574670 އަށް ގުޅުމަށް އާއިލާއިން ވަނީ އެދިފަ އެވެ.
