މާލޭ ދަރުބާރުގެ ކައިރީ ހިންގި މާރާމާރީއެއްގައި އަނިޔާވި އެކަކަށް ސެނެހިޔާ ހޮސްޕިޓަލުގައި މިރޭ ފަރުވާ ދޭން ފަށައިފި އެވެ.
ފުލުހުން ބުނީ ދަރުބާރުގެ ކައިރީ މާރާމާރީއެއް ހިންގައިގެން އުޅޭ ކަމުގެ މައުލޫމާތު ލިބުނީ މިރޭ 10:30 ހާއިރު ކަމަށާއި އެކަކަށް އަނިޔާވި ކަމަށެވެ.
ސެނެހިޔާއާ ހަވާލާދީ ފުލުހުން ބުނީ މާރާމާރީގައި އަނިޔާވި މީހާގެ ހާލު ސީރިއަސް ނޫން ކަމަށެވެ.
Advertisement
މި މާރާމާރީއާ ގުޅިގެން ދެ މީހުން ފުލުހުންގެ ބެލުމުގެ ދަށަށް ގެނެސްފައިވާއިރު، މައްސަލަ ތަހުގީގު ކުރަމުން އަންނަ ކަމަށް ފުލުހުން ވަނީ ބުނެފަ އެވެ.
އީދު ބަންދާ ދިމާކޮށް މާލޭގެ އަމާންކަން ބެލެހެއްޓުމަށް ފުލުހުން އަންނަނީ ހަރަކާތްތެރިވަމުންނެވެ.
