ފަންނުވެރިންގެ ޝަކުވާ؛ ހިލޭ ސާބަހަށް ފަންނުވެރިންގެ މަސައްކަތްތައް ދެއްކުން ހުއްޓާލަންޖެހޭ

މަޝްހޫރު ޒުވާން ލަވަކިޔުންތެރިޔާ، ޝަލަބީ އިބްރާހިމް. އޭނާގެ އިތުރުން ވެސް ބައެއް އެހެން ފަންނާނުން ވަނީ އެމީހުންގެ އުފެއްދުންތައް އެއްވެސް މަންފާއެއް ނުލިބޭ ގޮތަށް ބޭނުން ކުރާތީ ކަންބޮޑުވުން ފާޅުކޮށްފައި -- ފޮޓޯ: ރައީސް އޮފީސް

މަޝްހޫރު ޒުވާން ލަވަކިޔުންތެރިޔާ، ޝަލަބީ އިބްރާހިމް. އޭނާގެ އިތުރުން ވެސް ބައެއް އެހެން ފަންނާނުން ވަނީ އެމީހުންގެ އުފެއްދުންތައް އެއްވެސް މަންފާއެއް ނުލިބޭ ގޮތަށް ބޭނުން ކުރާތީ ކަންބޮޑުވުން ފާޅުކޮށްފައި -- ފޮޓޯ: ރައީސް އޮފީސް

ފަންނުވެރިންނަށް އެއްވެސް މަންފާއެއް ނުވާ ގޮތަށް އެމީހުންގެ އުފެއްދުންތައް ޓީވީތަކާއި ރޭޑިއޯއިން ބޭނުންކުރުން ނިމުމަކަށް ގެނެސް، ފަންނުވެރިންނަށް ރޯޔަލްޓީއެއް [ބޭނުންކުރާ ކޮންމެ ފަހަރަކަށް ކޮންމެވެސް މިންވަރެއްގެ އަގެއް] ލިބޭ ގޮތަށް އުސޫލު ބަދަލު ކުރަން ފަންނުވެރިން ގޮވާލައިފި އެވެ.

އެކަމުގެ ކަންބޮޑުވުން ފާޅުކޮށް ސޯޝަލްމީޑިއާގައި ފުރަތަމަ ހިޔާލު ފާޅުކުރީ މޯލްޑިވިއަން އައިޑޯލްއިން މަޝްހޫރުކަން ހޯދި ޒުވާން ލަވަކިޔުންތެރިޔާ، ޝަލަބީ އިބްރާހިމް އެވެ. އޭނާގެ ފޭސްބުކް ޕޯސްޓުގައި ގޮވާލައިފައި ވަނީ ހިލޭ ސާބަހަށް ފަންނުވެރީންގެ މަސައްކަތްތައް ދައްކާދެއްކުން ނިމުމަކަށް ގެންނަންވެއްޖެ ކަމަށެވެ.

"ޓީވީ އަދި ރޭޑިއޯއިން އަޅުގަނޑުމެން ފަންނުވެރީން ހަދާފައި ހުންނަ އޯޑިއޯ ވީޑިއޯ ކޮންމެ ޕްލޭއަކަށް 5ރ. [ނުވަތަ އެ ކަނޑައެޅިފައި އޮންނަ އަގެއް] އިނގިރޭސި ބަހުން ނަމަ [ރޯޔަލްޓީ] ނަގަން އެބަޖެހޭ. އަދި އެހެނިހެން ކޮމާޝަލް ބޭނުމަށް ބޭނުން ކުރާ ނަމަވެސް ރޯޔަލްޓީ ލިބެންޖެހޭ،" ޝަލަބީގެ ޕޯސްޓުގައި ލިޔެފައިވެ އެވެ.

Advertisement

ދިވެހި އެހެން ފަންނާނުން ވެސް ޝެއާކޮށްފައިވާ އެ ޕޯސްޓުގައި ޝަލަބީ ލިޔެފައި ވަނީ ސަރުކާރުތައް ކިތަންމެ ވަރަކަށް ބަދަލުވި ނަމަވެސް ފަންނުވެރިންގެ އުފެއްދުންތައް ބޭނުން ކުރާއިރު، އެމީހުންނަަށް މަންފާއެއް ނުކުރާނަމަ ފަންނުވެރީން ކުރި ނާރާނެ ކަމަށާއި ދުނިޔޭގެ އެހެން ގައުމުތަކުގައި ވެސް ފަންނުވެރިންގެ އުފެއްދުންތައް ޓީވީ ޗެނެލްތަކުންނާއި ރޭޑިއޯ ސްޓޭޝަންތަކުން ބޭނުން ކުރާއިރު ފަންނުވެރިންނަށް އޭގެން މަންފާ ކުރާ ކަމަށެވެ.

"ހިލޭ ސާބަހަށް ފަންނުވެރީންގެ މަސައްކަތްތައް ދައްކާދެއްކުން ނިމުމަަށް ގެންނަންވެއްޖެ،" ޝަލަބީ ލިޔެފައިވެ އެވެ.

ފަންނުވެރިންގެ އުފެއްދުންތައް ބޭނުން ކުރާއިރު، އެމީހުންނަށް އެއްވެސް ވަރެއްގެ މަންފާއެއް ނުވާކަމުގެ ޝަކުވާއަކީ މީގެ ކުރިން ވެސް ފަންނުވެރިން ކުރާ ޝަކުވާ އެކެވެ. ނަމަވެސް އެކަމަށް ފާއިތުވި ދުވަސްތަކުގައި އެއްވެސް ވަރެއްގެ ހައްލެއް ގެނެވިފައެއް ނުވެ އެވެ.

ރާއްޖޭގައި ކޮޕީރައިޓުގެ ގާނޫނެއް މިހާރު ވެސް އޮވެ އެވެ. އެއީ 2010 ގައި ފާސްކުރި އެ ގާނޫނުގައި ކޮޕީރައިޓާއި އެއާ ގުޅޭ އެހެނިހެން ހައްގުތައް ހިމާޔަތް ކޮށްދިނުމާއި އެފަދަ ހައްގަކަށް އުނިކަމެއް ލިބިއްޖެ ނަމަ ކަނޑައަޅާނެ އަދަބުތައް ހިމަނައިފައިވެ އެވެ.

ރާއްޖޭގެ ކޮޕީރައިޓާއި އެއާގުޅޭ އެހެނިހެން ހައްގުތައް ހިމާޔަތްކޮށްދީ ދިވެހި ފަންނުވެރިންނާއި އުފެއްދުންތެރިންގެ އުފެއްދުންތައް ހިމާޔަތް ކުރުމަށް ރައީސް ޑރ. މުހައްމަދު މުއިއްޒު ވަނީ މަގުޗާޓެއް އެކުލަވައިލައްވައިފަ އެވެ. އެ މަގުޗާޓުގެ ދަށުން ކޮޕީރައިޓު ގާނޫނު އިސްލާހު ކުރުމަކީ މި ސަރުކާރުން ފުރަތަަމަ 14 ހަފުތާގެ ތެރޭގައި ފުރިހަމަ ކުރަން ވީ ވައުދުތަކުގެ ތެރޭގައި ހިމެނޭ ކަމެކެވެ.

ކޮޕީރައިޓު ގާނޫނަށް އިސްލާހު ގެނައުމުގެ ބިލެއް އެކުލަވައިލުމުގެ މަސައްކަތަށް ރައްޔިތުންގެ ހިޔާލު ހޯދުމަށް ވެރިކަމާ ހަވާލުވިތާ 10 ވަނައަށް ވީ ދުވަހު އިކޮނޮމިކް މިނިސްޓަރީން ހުޅުވައި ވެސްލި އެވެ. އެއަށްފަހު އެކަމުގެ އެއްވެސް ހަބަރެއް ނުވެ އެވެ.

ދެހާހުގެ ކުރީކޮޅު ފަންނުވެރިންގެ ތެރެއިން ހާއްސަކޮށް ލަވަކިޔާ މީހުންނާއި މިއުޒިކު ހަދާ މީހުންގެ އުފެއްދުންތަކަށް ފައިސާ ހޯދަމުންދިޔައީ ކެސެޓު ރޯލު ވިއްކައިގެންނެވެ. ނަމަވެސް ރާއްޖެއަށް އިންޓަނެޓު ތައާރަފުވެ، ކެސެޓު، ސީޑީއަށް ބަދަލުވުމާއެކު މަޑުމަޑުން އެ މާކެޓު ގެއްލި، ފަންނުވެރިންނަށް ލިބޭ އާމްދަނީ ވަރަށް ބޮޑަށް މަދުވެގެންދިޔަ އެވެ.

ޒަމާނާއެކު އާމްދަނީ ލިބޭ ދޮރުތައް ބަންދުވަމުން އައިސް މިހާރު ފަންނުވެރިންނަށް އާމްދަނީއެއް ލިބޭ ހަމައެކަނި މަގަކަށްވެފައި އޮންނަނީ ތަނެއްގައި މިއުޒިކު ހުށަހަޅައިދީގެންނެވެ. ރާއްޖެއަކީ ފަތުރުވެރިކަމަށް ބަރޯސާވެފައި އޮންނަ ގައުމެއް ކަމުގައި ވީނަމަވެސް އެކަށީގެންވާ މިންވަރަށް ދިވެހި ފަންނާނުންނަށް އެތަންތަނުން ފުރުސަތު ނުލިބޭކަމުގެ ޝަކުވާ ވެސް ބޮޑެވެ.

ރާއްޖޭގައި ހިންގާ ރިސޯޓުތަކަށް މިއުޒީޝަނުންނާއި ލަވަކިޔުންތެރިން ބޭރުން ގެންނަ މައްސަލަ ބޮޑުވެގެން، ކުރީގެ ރައީސް ޔާމީން އަބްދުލްގައްޔޫމްގެ ވެރިކަމުގައި އެކަން މަނާ ވެސް ކުރި އެވެ. ނަމަވެސް ރާއްޖޭގެ ހުރިހާ ރިސޯޓަކުން އެ ނިންމުމަށް ބޮލެއް ނުލަނބަ އެވެ.

އެކަމާ ގުޅޭގޮތުން މިއުޒީޝަންސް ޔޫނިއަން އޮފް މޯލްޑިވްސްއިން ވެސް ކަންބޮޑުވުން ފާޅުކޮށްފައިވެ އެވެ.

ނަމަވެސް އެ ކަންބޮޑުވުމަށް ބެލުމެއް ނެތި ބައެއް ރިސޯޓުތަކުގައި މިހާރު ވެސް ދަނީ އިން-ހައުސްކޮށް ބޭރު މިއުޒިޝަނުން އަގުހެޔޮކޮށް ބައިތިއްބައިގެން ހިދުމަތް ދެމުންދެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox