މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަންގެ ޗެއާޕާސަންގެ މަގާމުގައި ހުންނެވި އައިޝާ ނޫރައިން ޖަނާހު، އެ މަގާމުން އިސްތިއުފާ ދެއްވައިފި އެވެ.
ނޫރައިންގެ އާއިލާއާ ގާތް ގުޅުމެއް އޮންނަ މަސްދަރަކުން، އޭނާ އިސްތިއުފާ ދެއްވިކަން "އަދަދު" ނޫހަށް ކަށަވަރުކޮށް ދިނެވެ.
މިކަމާ ގުޅޭ ގޮތުން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ގެ ބަހެއް ނުލިބުނެވެ. ނަމަވެސް ނޫރައިންގެ އިސްތިއުފާ ޕީސީބީން ދޮގު ކޮށްފައެއް ނުވެ އެވެ.
ޕްރިންސިޕަލް އެޑްވައިޒާ އޮން ޓްރޭޑް އެންޑް އިންވެސްޓްމަންޓު މުހައްމަދު އަލީ ޖަނާހުގެ ދަރިކަނބަލުން، ނޫރައިން އެމްއެމްޕީއާރުސީގެ ޗެއާޕާސަންގެ މަގާމަށް އައްޔަން ކުރީ ޑިސެމްބަރު 27، 2023 ގަ އެވެ.
ރާއްޖޭ ޓޫރިޒަމް އިޝްތިހާރު ކުރަން އުފައްދާފައިވާ ސަރުކާރުގެ 100 ޕަސެންޓު ހިއްސާ އޮންނަ އެމްއެމްޕީއާރުސީގެ މެނޭޖިން ޑިރެކްޓަރަކީ ފާތިމަތު ތައުފީގެވެ.
