އޮޅުވާލައިގެން އެޕާޓްމަންޓުތަކަށް ގެންގޮސް ފޭރޭ މައްސަލަ ފުލުހުން ބަަލަން ފަށައިފި އެވެ.
ފުލުހުން މީޑިއާތަަކަށް ފޮނުވި މެސެޖެއްގައި ބުނީ އެކި ވާހަކަ ދައްކައި ހައްދާލައިގެން ހުޅުމާލޭ ދެވަނަ ފިޔަވަހީގެ ޓަވަރެއްގެ އެޕާޓްމަންޓަކަށް މީހުން ގެންގޮސް ފޭރޭ މައްސަލަ ފުލުހުންނަށް ރިޕޯޓުކޮށްފައިވާ ކަމަށެވެ. މި މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުނެ އެވެ.
މިފަދަ ކަންކަމުން ރައްކަތެރިވުމުގެ ގޮތުން ކާކުކަން ނޭނގޭ ނުވަތަ ގޮތް ނޭނގޭ މީހުން މިގޮތަށް ތަންތަނަށް ދާން އެދުނަސް, ނުދިއުމަށް ފުލުހުން ވަނީ އިލްތިމާސްކޮށްފަ އެވެ.
ފުލުހުން މިހެން ބުނެފައިވާއިރު, ހުޅުމާލޭ ދެވަނަ ފިޔަވަހީގެ ބައެއް ޓަވަރުތަކުގައި ދިރިއުޅޭ އަންހެނުން, އެޕާޓްމަންޓުތަކަށް ގެންގޮސް, ފިރިހެނުން ކިޑްނެޕް ކުރަމުންދާތީ, އެކަމަށް ސަމާލުވުމަށް އަންގާ މެސެޖެއް ފެތުރެމުން އެބަ ދެ އެވެ.
މިކަން ކުރުމުގައި ކުޑަކުދިން ބޭނުންކުރަމުންދާ ކަމަށް ވެސް ބައެއް ފަރާތްތަކުން ތުހުމަތު ކުރެ އެވެ.
