ވޭސްޓް މެނޭޖްމަންޓް ކޯޕަރޭޝަން (ވެމްކޯ)ގެ ތިޖޫރީއެއް ވަގަށް ނެގި މައްސަލައެއްގައި ހައްޔަރުކުރި މީހަކު ކޯޓުން ދޫކޮށްލައިފި އެވެ.
ފުލުހުންގެ ތަރުޖަމާން މުހައްމަދު ޝިފާން "އަދަދު" އަށް ވިދާޅުވި ގޮތުގައި ވެމްކޯގެ ތިޖޫރީއެއް ވަގަށް ނެގި މައްސަލަ ފުލުހުންނަށް ރިޕޯޓު ކުރީ ފެބްރުއަރީ 25 ވަނަ ދުވަހު އެެވެ. އެ މީހާ ހޯދީ އޭނާ ވިދާޅުވި ގޮތުގައި ސީސީޓީވީ ފުޓޭޖް ބަލައިގެން ހަމަ އެ ދުވަހެވެ.
"އެ މީހާ މަގުމަތިން ހުއްޓުވައި ސުވާލުކޮށް، ތިޖޫރީ ވަނީ ހޯދާފައި، އަދި ތިޖޫރީގައި ހުރި ފައިސާގެ ތެރެއިން ބައެއް ފައިސާ ހޯދައި ވެމްކޯއާ ވަނީ ހަވާލުކޮށްފައި،" ޝިފާން ވިދާޅުވި އެވެ.
އެ ތިޖޫރީގައި ހުންނާނީ 6،000ރ. ކަަމަށް ވެމްކޯއިން ފުލުހުންނަށް މައުލޫމާތު ދީފައި ވެ އެެެވެ.
އެ މައްސަލާގައި ހައްޔަރުކުރި މީހާގެ ބަންދާ މެދު ގޮތެއް ނިންމަން ކްރިިމިނަލް ކޯޓަށް ހާޒިރުކުރުމުން 30 ދުވަހުގެ މުއްދަތަކަށް ބަންދުކުރަން އަމުރު ދިން ކަމަށާއި އެ މުއްދަތު ހަަމަވުމުން ދޫކޮށްލާފައިވާ ކަމަށް ވެސް އޭނާ ވިދާޅުވި އެވެ.
