އިތުރު ކުރުނބާ ލިބުމުން، ކުރުނބައެއްގެ އަގު 80ރ. އަށް ވެއްޓިއްޖެ

އިތުރު ކުރުނބާ ލިބުމުން، ކުރުނބައެއްގެ އަގު 80ރ. އަށް ވެއްޓިއްޖެ

މާލޭ ދަތުރުވެރިންގެ މާރުކޭޓުގައި ކުރުނބާގެ ސްޓޮކް އާވެ، ކުރުނބައެއްގެ އަގު 80ރ. އަށް ވެއްޓިއްޖެ އެވެ.

އިއްޔެ ބާޒާރުގައި 150ރ. އަށް ލިބެން ހުރި ބޮޑު ކުރުނބައެއް އަގު މިއަދު 80ރ. އަށް ހުރިއިރު، ކުޑަ ކުރުނބައެއް ލިބެން ހުރީ 40ރ. އާއި 50ރ. އާ ދެމެދުގެ އަގެއްގަ އެވެ.

ކުރުނބާ ފުޅިއެއްގެ އަގު އިއްޔެ 220ރ. އަށް ހުރިއިރު، މިއަދު ކުރުނބާ ފުޅިއެއްގެ އަގު ވަނީ 200ރ. އަށް ވެއްޓިފަ އެވެ.

ރޯދަ މަސް ފެށުނުއިރު ކުޑަ ކުރުނބައެއް 25ރ. އާއި 30ރ. އާ ދެމެދު ލިބެން ހުރިއިރު، ބޮޑު ކުރުނބައެއް ލިބެން ހުރީ 50ރ. އަށެވެ. އަދި ކުރުނބާ ފުޅިއެއް ރޯދަ މަސް ފެށުނުއިރު ލިބެން ހުރީ 120ރ. އަށެވެ.

ދަތުރުވެރިންގެ މާރުކޭޓުގެ ގޮޅިއެއްގައި މަސައްކަތްކުރާ އިބްރާހިމް މުހައްމަދު، 70، ބުނީ ކުރުނބާގެ އަގު ބޮޑުވީ ރަށްރަށުގައި ކުރުނބާ ނެތުމުން ކަމަށާއި މިހާރު ލިބެނީ އެހާ ރަނގަޅު ކުރުނބާ ނޫން ކަމަށެވެ.

"ކުރުނބާ ލިބެނީ 45ރ. އަށް. އަހަރުމެންނަށް މިތަނަށް ގެނެސްގެން ވިއްކޭނީ އެއަށްވުރެ އަގުބޮޑުކޮށް. ވަރަށް ދަތީގައި މި މަސައްކަތް ކުރަނީ ވެސް،" އިބްރާހިމް ބުންޏެވެ.

މާލޭ ދަތުރުވެރިންގެ މާރުކޭޓުގައި ކުރުނބާ ވިއްކަން ބަހައްޓާފައި -- ފޮޓޯ: މުހައްމަދު ޝަހުޒާން / އަދަދު
މާލޭ ދަތުރުވެރިންގެ މާރުކޭޓުގައި ކުރުނބާ ވިއްކަން ބަހައްޓާފައި -- ފޮޓޯ: މުހައްމަދު ޝަހުޒާން / އަދަދު

މާލޭ ދަތުރުވެރިންގެ މާރުކޭޓުގައި ކުރުނބާ ވިއްކަން ބަހައްޓާފައި -- ފޮޓޯ: މުހައްމަދު ޝަހުޒާން / އަދަދު

ބާޒާރުގައި މިއަދު ކަރާ ކިލޯއެއްގެ އަގު 30ރ. އާއި 35ރ. ގައި ހުރިއިރު، ލެޓިއުސް ކިލޯއެއްގެ އަގު ވަނީ 120ރ. އަށް ވެއްޓިފަ އެވެ. ބައެއް ތަންތަނުން ލެޓިއުސް ކިލޯއެއް 80ރ. އަށް ވެސް ހުއްޓެވެ.

ފެހި އާފަލުގެ އަގު 8ރ. އަށް މިއަދު ހުރިއިރު، ރަތް އާފަލާއި އޮރެންޖު ލިބެން ހުރީ 7ރ. އަށެވެ. އަދި ޖުމްހޫރީ މޭވާ ކިލޯއެއް ލިބެން ހުރީ 120ރ. އާއި 130ރ. އާ ދެމެދުގެ އަގެއްގަ އެވެ.

"ބާޒާރުގައި އަގުތައް މިދިޔަ އަހަރަށްވުރެ ރަނގަޅު ކަމަށް ފެންނަނީ. ކޮންމެ ރޯދަ މަހެއްގައި ވެސް ފަހުކޮޅަށް އެއްޗެހި މަދުވޭ. ހީއެއް ނުވޭ ދެން އީދުގެ ކުރިން ސްޓޮކް އާވާނެހެނެއް،" އަހުމަދު ހަބީބް، 56 ބުނި އެވެ.

ކައްޓަލަ ކިލޯއެއްގެ އަގު 40ރ. އަށް ހުރިއިރު، ބަރަބޯ ކިލޯއެއްގެ އަގު ހުރީ 30ރ. އަށެވެ. އަދި ތޮރާ ކިލޯއެއް 40ރ. އަށް ހުރިއިރު، ބަށި ކިލޯއެއްގެ އަގު ހުރީ 60ރ. އާއި 65ރ. އަށެވެ.

ބާޒާރުގައި ކެރެޓް ކިލޯއެއްގެ އަގު އަދިވެސް 70ރ. އަށް ހުރިއިރު، ކެބެޖް ކިލޯއެއްވެސް ލިބެން ހުރީ 25ރ. އަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox