އަންނަ އޭޕްރީލް 21، ގައި އޮންނަ ރައްޔިތުންގެ މަޖިލިސް އިންތާހަބަށް ވޯޓުލާ މަރުކަޒު ބަދަލުކުރުމަށް ރީ-ރަޖިސްޓާ ކުރުމަށް އާދިއްތަ ދުވަހު ހުޅުވާލި ފުރުސަތުގައި ރާއްޖެއިން ބޭރުގެ ގައުމުތަކަށް ރީ-ރަޖިސްޓާ ކުރީ 739 މީހުން ކަމަށް އިލެކްޝަންސް ކޮމިޝަން (އީސީ) އިން އިއްޔެ ހާމަކުރި އެވެ.
އީސީއިން އާންމުކުރި ތަފާސްހިސާބުތަކުގައިވާ ގޮތުން އިއްޔެ މެންދުރު 13:30 އާ ހަމައަށް އެންމެ ގިނަ އަދަދެއްގެ މީހުން ރަޖިސްޓާ ކޮށްފައިވަނީ މެލޭޝިއާގައި ބަހައްޓާ ފޮށްޓަށެވެ.
ރީ-ރަޖިސްޓާ ކުރި އަދަދުތައް
- އިންޑިއާގެ ޓްރިވެންޑްރަމް - 39 މީހުން
- މެލޭޝިއާގެ ކުއަލަލަމްޕޫރު - 420 މީހުން
- ސްރީލަންކާގެ ކޮލަމްބޯ - 227 މީހުން
- ތައިލެންޑުގެ ބެންކޮކް - އަށް މީހުން
- އިނގިރޭސިވިލާތުގެ ލަންޑަން - 37 މީހުން
- އެކުވެރި އަރަބި އިމާރާތުގެ އަބޫ ދާބީ - އަށް މީހުން
ބޭރު ގައުމުތަކަށް ރީ-ރަޖިސްޓާ ކުރުމަށް ތަރުހީބެއް ނެތްއިރު، ރީ-ރަޖިސްޓާކުރުމުގެ މުއްދަތު މި ހޮނިހިރު ދުވަހުގެ ނިޔަލަށް ހަމަވާނެ އެވެ.
