ގުޅީފަޅު ލޭންޑް ޔޫސް ޕްލޭންއާ ގުޅޭ ގޮތުން ބިންވެރިންނާއެކު މަޝްވަރާ ކުރަނީ

ގުޅީފަޅު މަތިން ނަގާފައިވާ ފޮޓޯއެއް: ބިންވެރިންނާއެކު މަޝްވަރާ ކުރަނީ މާޗް 14، ގައި -- ފޮޓޯ: އަބްދުﷲ އިޔާން / އަދަދު

ގުޅީފަޅު މަތިން ނަގާފައިވާ ފޮޓޯއެއް: ބިންވެރިންނާއެކު މަޝްވަރާ ކުރަނީ މާޗް 14، ގައި -- ފޮޓޯ: އަބްދުﷲ އިޔާން / އަދަދު

ގުޅީފަޅުގެ ލޭންޑް ޔޫސް ޕްލޭން ބަދަލުކޮށްފައިވާތީ، ކުރީ ސަރުކާރުގެ ބޯހިޔާވަހިކަމުގެ ސްކީމެއްގެ ދަށުން ގުޅީފަޅުން ބިން ދޫކުރި މީހުންނާއެކު މަޝްވަރާ ކުރަން ސަރުކާރުން ނިންމައިފި އެވެ.

އާ ލޭންޑް ޔޫސް ޕްލޭންއާ ގުޅޭ ގޮތުން މަޝްވަރާ ކުރުން އޮންނާނީ މާޗް 14، ގައި ކަމަށް ހައުސިން މިނިސްޓްރީ މިދިޔަ ބުރާސްފަތި ދުވަހު ގެޒެޓު ކުރި އިއުލާނެއްގައި ބުނެފައިވެ އެވެ. އާ ލޭންޑް ޔޫސް ޕްލޭން ފައިނަލް ނުކުރާ ކަމަށް ވެސް މިނިސްޓްރީން ބުނެ އެވެ.

މިނިސްޓްރީން ބުނީ އެ ބައްދަލުވުން އޮންނާނެ ތަނާއި ވަގުތު ފަހުން އިއުލާނު ކުރާނެ ކަމަށެވެ. އެ ބައްދަލުވުމުގައި ބައިވެރިވާން އެދޭ، ގުޅީފަޅުން ގޯތި ލިބުނު މީހުން ރަޖިސްޓްރީ ކުރުމަށް މިނިސްޓްރީން އެދެ އެވެ.

ގުޅީފަޅުގެ އާ ލޭންޑް ޔޫސް ޕްލޭން
ގުޅީފަޅުގެ އާ ލޭންޑް ޔޫސް ޕްލޭން

ގުޅީފަޅުގެ އާ ލޭންޑް ޔޫސް ޕްލޭން

ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމެޓީގައި ފެބްރުއަރީ 13، ގައި ވާހަކަ ދައްކަވަމުން ހައުސިން މިނިސްޓަރު ޑރ. އަލީ ހައިދަރު ވިދާޅުވީ ކުރިން ލޭންޑް ޔޫސް ޕްލޭންތައް ހަދާފައި ހުރީ އެއްވެސް ޕްލޭނެއް ނެތި ކަމަށާއި މިހާރު އަލުން އެ ޕްލޭންތައް ސަރުކާރުން ހަދާފައިވާ ކަމަށެވެ.

"ގުޅީފަޅާއި ގިރާވަރުފަޅުގެ ގޯތިތައް ކުރީގައި ދީފައި ހުރީ ކަނޑައެޅިގެން އެއްވެސް ކަހަލަ ޕްލޭނެއްގެ ދަށުން ނޫންކަން. އަޅުގަނޑުމެން ޕްލޭންތައް ހަދައި ފައިނަލްކޮށްފައި މިހާރު އެ ހުރީ. މީހުންނަށް ދިރިއުޅެވޭނެ ގޮތަކަށް އެ ތަންތަނުގެ ލޭންޑް ޔޫސް ޕްލޭންތައް އަޅުގަނޑުމެން ތައްޔާރުކޮށް ނިންމައިފިން. އިރާދަކުރެއްވިއްޔާ ވަރަށް އަވަހަށް އެ އެއްޗެހިތައް ޕަބްލިކް ވެސް ކުރާނަން," ހައިދަރު ވިދާޅުވެފައިވެ އެވެ.

ލޭންޑް ޔޫސް ޕްލޭން އަލުން ހެދުމުން ގޯތި ލިބުނު މީހުންނަށް ގޯތިތައް ލިބޭ ތަންތަން ބަދަލުވުން އެކަށީގެންވެ އެވެ. އެކަން ކުރިއަށްގެންދާނެ ގޮތެއް ސަރުކާރުން އަދި ނުބުނެ އެވެ.

ކުރީގެ ސަރުކާރުން ނިންމީ ގޯއްޗަށް އެދި ހުށަހެޅި 97 ޕަސެންޓު މީހުންނަށް ގޯތު ދިނުމަށެވެ. އެއީ 18،955 މީހުންނަށް 9001 ގޯއްޗެވެ. ގޯތި ދެނީ ހުޅުމާލެ ދެ ވަނަ ފިޔަވައްސާއި ތިން ވަނަ ފިޔަވައްސާއި ގުޅީފަޅާއި ގިރާވަރުފަޅުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox