ހުޅުމާލޭގައި ނިރޮޅުމަގުން ދުއްވާފައި ދިޔަ ވޭނަކާއި، ދެ ކާރު ޖެހި އެކްސިޑެންޓެއް ހިނގައިފި އެވެ.
މި އެކްސިޑެންޓު ހިނގާފައި ވަނީ ވޭނު ކޮންޓްރޯލު ނުވެ ގޮސް، ދުއްވާފައި ދިޔަ ކާރެއްގައި ޖެހި އެ ކާރު ޕާކުކޮށްފައި އޮތް އެހެން ކާރެއްގައި ޖެހިގެންނެވެ. އެކްސިޑެންޓު ހިނގީ ނިރޮޅުމަގުގެ ރުއްގަނޑާ ހަމައިން ކަމަށް ފުލުހުން ބުނެ އެވެ.
ފުލުހުން ބުނީ މި އެކްސިޑެންޓުގައި ވޭނު ދުއްވަން އިން މީހާ އާއި ކާރު ދުއްވަން އިން މީހާއަށް ކުދިކުދި އަނިޔާ ލިބުނު ކަމަށެވެ. އަނިޔާވީ އުމުރުން 46 އަހަރު އަދި 52 އަހަރުގެ ދެ ފިރިހެނުންނަށެވެ.
Advertisement
މި އެކްސިޑެންޓު ހިނގީ ހެނދުނު 6:20 ގަ އެވެ. އެކްސިޑެންޓުވި ތިން އުޅަނދަށްވެސް އެކި ވަރުގެ ގެއްލުން ލިބުނެވެ.
ފުލުހުން ބުނީ މިމައްސަލަ ތަހުގީގު ކުރާކަމަށެވެ.
