ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ފްލެޓު ލިބޭނެ ކަމަށް ބުނެ މީހެއްގެ އަތުން 200،000ރ. ފޭރުނު މައްސަލައެއް ފުލުހުން ބަލަން ފަށައިފި އެވެ.
މި މައްސަލައިގެ ޝިކާރައަކަށްވީ ގއ. ވިލިނގިލީ މީހެކެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ ފްލެޓު ލިބޭނެ ކަމަށް ބުނެ މަކަރާއި ހީލަތުން އެ މީހާގެ ބޭންކް އެކައުންޓުން ފައިސާ ނެގި މައްސަލައެއް އިއްޔެ ހަވީރު އެ އިދާރާއަށް ހުށަހަޅާފައިވާ ކަމަށެވެ. މި މައްސަލަ ފުލުހުން ތަހުގީގު ކުރަމުން ފެށި ނަމަވެސް މި މައްސަލައިގައި އަދި މީހަކު ހައްޔަރު ނުކުރާ ކަމަށް ބުންޏެވެ.
އެޗްޑީސީން ފްލެޓު ލިބޭނެ ކަަމަށް ބުނެ ދޭތެރެއަކުން ސްކޭމް ހިންގަ އެވެ. މިކަމަށް ފާރަވެރިވާން ސަމާލުވަމުން ފުލުހުންނާއި އެޗްޑީސީގެ ވެސް އިލްތިމާސަކީ އެފަދަ ކަންކަމުގައި ފައިސާގެ މުއާމަލާތްތައް ހިނގުމުގެ ކުރިން އިތުރަށް މައުލޫމާތު އޮޅުންފިލުވުމެވެ.
