މެލޭޝިއާގެ މަޝްހޫރު އުފެއްދުމެއް ކަމުގައިވާ އޯލްޑު ޓައުން ވައިޓު ކޮފީ، ބީއެޗްއެމްއިން ރާއްޖޭގެ ބާޒާރަށް ތައާރަފުކޮށްފި އެވެ.
މި ކޮފީ ތައާރަފު ކުރީ މިހާރު ހުޅުމާލޭ ސެންޓްރަލް ޕާކުގައި ކުރިއަށްދާ ފުޑް އެންޑް ބެވަރޭޖް ޝޯގަ އެވެ.
ބީއެޗްއެމްއިން މި ބްރޭންޑުގެ ހަ ވައްތަރެއްގެ ތްރީ އިން ވަން ކޮފީ ޕެކެޓު ވިއްކަ އެވެ. އެއީ ގިނަ ބަޔަކަށް ކަމުދާ އަދި އޯލްޑް ޓައުންގެ އެންމެ ފުރަތަމަ އެއް އުފެއްދުން ކަމުގައިވާ ހެޒްލްނަޓް ވައިޓް ކޮފީގެ އިތުރުން، ކޭން ޝުގާ ވައިޓް ކޮފީ، ކްލެސިކް ވައިޓް ކޮފީ، ލެސް ޝުގާ ވައިޓް ކޮފީ، އެކްސްޓްރާ ރިޗް ވައިޓް ކޮފީ އަދި ކޮފީ އެންޑް ކްރީމާ ކޮފީ އެވެ.
އޯލްޑް ޓައުން ވައިޓު ކޮފީ އަސްލު
ވައިޓް ކޮފީގެ ތާރީހާއި އޭގެ އަސްލު ފެށެނީ 1800 ގެ އަހަރުތަކާ ހަމައިންނެވެ. މެލޭޝިއާގެ ޕެރަކް ސްޓޭޓުގައި ބިމު އަޑިން މައުދަން ނެގުމުގެ ވިޔަފާރި ފުޅާވިއިރު، އެ ސްޓޭޓުގެ އީޕޯގެ މުސްކުޅި ސިޓީގައި ހައިނާނީން ވަޒަންވެރިވި އެވެ. އެ ހިޖުރަވެރިން، ހުޅަނގުގެ ކޮފީ ރަހަތަކަށް ދިޔުމުގެ ބަދަލުގައި އަމިއްލަވަންތަ ކޮފީގެ އުފެއްދުމެއް ތައްޔާރު ކުރަން ފެށި އެވެ. ކޮފީ ބީން ދެވުމުގެ އުކުޅުތައް ބަދަލުކުރަމުން، ހޯދަމުން ދިޔަ އެ ތަޖުރިބާގެ ނަތީޖާއަކީ މިހާރު މި ބޭނުންކުރާ ވައިޓް ކޮފީ އެވެ.
އެ ކޮފީއަކީ، މިހާރު މެލޭޝިއާ އަދި ބައެއް އެހެން ގައުމުތަކުގައި މަގުބޫލު، އޯލްޑް ޓައުން ވައިޓު ކޮފީގެ އަސްލެވެ. އޯލްޑު ޓައުންގެ ރެސިޕީގައި ހުންނަ އަޖައިބެއް ފަދަ ރަހަ ނެރެފައި ވަނީ ތިން ކޮފީ ބީނެއް އޮއްކޮށްގެންނެވެ. އެއީ އަރަބިކާ، ރޮބަސްޓާ އަދި ލައިބެރިކާ ބީން އެވެ.
މި ކޮފީ ރޯސްޓުކުރުމުގައި އީޖާދުކުރި މިންގަނޑުތަކާއެކު އާދަޔާ ހިލާފު މީރު ރަހައެއް އުފެއްދި އެވެ. ގިނަ ބަޔަކަށް އެ ރަހަ ވަނީ މިއަދު ކަމު ގޮސްފަ އެެވެ. އަދި މިހާތަނަށް ވެސް ރަހައަށް ބަދަލެއް ނާދެ އެވެ. މި ބްރޭންޑުގެ ޕެކެޓެއްގައި ހިމެނެނީ ކުދި 15 ޕެކެޓެވެ.
މި ކޮފީގެ ތަފާތު ރަހަތައް ތަޖުރިބާކޮށްލަން ފުޑް އެންޑް ބެވަރޭޖް ޝޯއަށް ޒިޔާރަތްކޮށްލާށެވެ. އަދި ބީއެވްއެމްގެ އޮންލައިން ސްޓޯރުން ވެސް މި ކޮފީ ގަނެވޭނެ އެވެ.
