ހުލާސާކޮށް އިއްޔެ: ރިޔާސީ ކެންޑިޑޭޓުންގެ ކެމްޕޭނު ފައިސާގެ ދެފުށް ނުފެންނާތީ އީޔޫގެ ކަންބޮޑުވުން

ހުލާސާކޮށް އިއްޔެ: ރިޔާސީ ކެންޑިޑޭޓުންގެ ކެމްޕޭނު ފައިސާގެ ދެފުށް ނުފެންނާތީ އީޔޫގެ ކަންބޮޑުވުން

ސެޕްޓެމްބަރު މަހު ބޭއްވި ރިޔާސީ އިންތިހާބުގައި ވާދަކުރި ކެންޑިޑޭޓުން ފަންޑު ހޯދި ގޮތާއި ކުރި ހަރަދުގެ ދެފުށް ނުފެންނާތީ ޔޫރަޕިއަން ޔޫނިއަން (އީޔޫ)އިން އިއްޔެ ކަންބޮޑުވުން ފާޅުކުރި އެވެ.

ސެޕްޓެމްބަރު ނުވައެއް އަދި 30ގައި ބޭއްވި ރިޔާސީ އިންތިހާބުގެ ދެ ބުރުގެ ކަންކަން އޮބްޒާވްކުރުމުގެ މިޝަން ނިންމައި، އާންމުކުރި ފައިނަލް ރިޕޯޓުގައި މަލްޓި ޕާޓީ ޑިމޮކްރަސީ ހަރުދަނާކޮށް ކުރިއެރުވުމަށް 20 ރެކޮމެންޑޭޝަނެއް އީޔޫއިން ދިނެވެ.

"ސިޔާސީ އަދި ކެމްޕެއިން ފަންޑު ހޯދުމާއި މާލީ ހަރަދުތަކުގައި ދެފުށް ފެންނަ އަދި ހަރުދަނާ ގޮތެއްގައި ބެލެހެއްޓިފައި ނުވާކަން ފާހަގަކުރެވޭ" އީޔޫގެ ރިޕޯޓުގައި ފާހަގަކޮށްފައި ވެއެވެ.

Advertisement

ކެންޑިޑޭޓުންގެ މާލީ ބަޔާނުން ފެންނަން ހުރި ހަރަދުތައް

  • އަހުމަދު ފާރިސް މައުމޫން - 1،166،064ރ.
  • އިބްރާހިމް މުހައްމަދު ސޯލިހު - 10,476,127ރ.
  • އިލްޔާސް ލަބީބު - 2،518،508ރ.
  • މުހައްމަދު ނާޒިމް - 13،075،900ރ.
  • ޑރ. މުހައްމަދު މުއިއްޒު - 21،228،817ރ.
  • ހަސަން ޒަމީލު - 16،259ރ.
  • އުމަރު ނަސީރު - 285،950ރ.
  • ގާސިމް އިބްރާހިމް - 20،421،050ރ.

ރަނގަޅުކުރުމަށް ގިނަ ކަންތައްތަކެއް ހުރި ނަމަވެސް މި އިންހާބަކީ މިހާތަނަށް ރާއްޖޭގައި ބޭއްވުނު އެންމެ ރަނގަޅު އިންތިހާބު ކަމަށް ވެސް އީޔޫއިން ބުންޏެވެ.

"ރިޔާސީ އިންތިހާބަކީ ޓެކްނިކަލް ގޮތުން ވަރަށް ރަނގަޅަށް ހިންގައި ޕްރޮފެޝަނަލްކޮށް އިލެކްޝަން ކޮމިޝަނުން ކުރިއަށް ގެންދިޔަ އިންތިހާބެއް. ހަގީގީ އިންތިހާބެއް ބޭއްވޭނެ ގޮތަށް ގާނޫނީ އޮނިގަނޑުގެ އިންތިޒާމު ވަނީ ހަމަޖައްސާފައި" އީޔޫގެ ޕާލަމެންޓު މެންބަރު، ޗީފް އޮބްޒާވަރު ނަޗޯ ސަންޗޭޒް އަމޯރް ވިދާޅުވި އެވެ.

މި އިންތިހާބަކީ މިހާތަނަށް ރާއްޖޭގައި އެންމެ ގިނަ އަދަދަކަށް ކެންޑިޑޭޓުން ވާދަކުރި އިންތިހާބުކަން ފާހަގަކޮށް އޭނާ ވިދާޅުވީ، ސިޔާސީ ވާދަވެރިކަމުގައި އަންހެނުން ފެންނަ މިންވަރު އަދިވެސް ދަށް ކަމަށެވެ. އިންތިހާބު ހިންގުމުގައި ވެސް އަންހެނުންގެ ދައުރު ހަނިކަމަށް ވެސް އޭނާ ވިދާޅުވި އެވެ.

ކުރިއަށް އޮތް އިންތިހާބުތައް ހަރުދަނާކުރުމަށް ހަތް ދާއިރާއަކުން ލަފާދީފައި ވެއެވެ.

ހަރުދަނާކުރުމަށް ލަފާދިން ދާއިރާތައް

  1. ސިޔާސީ ހައްގުތައް ހަރުދަނާކުރުމަށާއި ވޯޓު ގަތުން ހުއްޓުވުމަށް ވޯޓާސް އެޑިއުކޭޝަން ހަރުދަނާކުރުން
  2. ކެމްޕޭންތަކުގައި ދައުލަތުގެ ވަސީލަތައް ބޭނުންކުރުން ހުއްޓުވުން
  3. ކެމްޕޭން ފައިނޭންސިންގެ ގާނޫނު އިސްލާހުކޮށް ގަވަދުތައް ހިންގުން ހަރުދަނާކުރުން
  4. އިންތިހާބަށް އިތުރު އެތިކަލް ކަވަރޭޖް ކުރިއެރުވުމަށް ނޫސްވެރިންނަށް ޕްރޮފެޝަނަލް ތަމްރީން ދިނުން
  5. މިސް އިންފޮމޭޝަން ހުއްޓުވުމަށް ފެކްޓު ޗެކިންއަށް އެއްބާރުލުން ދިނުން
  6. އާންމު އަދި ސިޔާސީ ކަންކަމުގައި އަންހެނުން ލީޑާޝިޕް މަގާމުތަކަށް އަހުލުވެރިކުރުން
  7. ވޯޓްލާ މަރުހަލާގައި ނިޔަތް ސާފުވާން އޮންނަ ހާލަތްތަކުގައި ވޯޓު ކަރުދާސްތައް ބާތިލު ނުވާނެކަން ކަށަވަރުކުރުން

ރާއްޖޭގައި މީޑިއާތަކުގެ މިނިވަންކަން ހަނިކަމާއި، މީޑިއާތަކުން ވަކި ކޮޅަކަށް ބުރަވާތީ އީޔޫއިން ކަންބޮޑުވުން ފާޅުކުރި އެވެ. އެގޮތުން ސަރުކާރުންނާއި، ކެންޑިޑޭޓުން މީޑިއާތަކަށް އިސްތިހާރު ގަތުމުގެ ބޭނުމުގައި ކަމަށް ބުނެ ގިނަ ފައިސާތަކެއްދިންކަން ފާހަގަކުރި އެވެ.

އިންތިހާބުގެ ދެވަނަ ބުރު ނިމުނުތާ ދެ ދުވަސް ފަހުން އީޔޫއިން ނެރުނު އިބްތިދާއީ ބަޔާނުގައި ވެސް އެންމެ ބޮޑަށް ކަންބޮޑުވުން ފާޅުކުރީ މީޑިއާތަކުގެ މިނިވަންކަން ކުޑަވުމާއި، ދޮގު ހަބަރު ފެތުރުމުގެ ކެމްޕޭނެއް ކުރިއަށް ގެންދިޔަކަން ފާހަގަކޮށެވެ.

އެކްސް/ޓުވިޓާ އަދި މެޓާގައި އެކައުންޓު ގެންގުޅޭ ކިތަންމެ ސޯޝަލް މީޑިއާ އިންފްލުއެންސަރުން ދޮގު މައުލޫމާތު ފަތުރައި، ޒާތީ ގޮތުން ބަހުގެ ހަމަލާދީ، ދެ ކެންޑިޑޭޓުންނާއި ދެކޮޅަށް ވެސް ހަގީގަތް ހޯދާފައިނުވާ ތުހުމަތުތައް ފަތުރާފައިވޭ،" އެ ބަޔާނުގައިވެ އެވެ.

"އޮންލައިންކޮށް ހިންގާ ނޫހެއް ކަމުގައިވާ ދިޔަރެސް އިން މިހާރު ހުންނެވި ރައީސްއާ ދެކޮޅަށް ރޭވިގެން ދޮގު މައުލޫމާތުގެ ކެމްޕެއިނެއް ހިންގާފައިވާކަން ފާހަގަ ކުރެވުނު." އީޔޫގެ ބަޔާނުގައި ވެ އެވެ.

ފޮރިން މިނިސްޓްރީއާއި އިލެކްޝަން ކޮމިޝަނުގެ ދައުވަތަކަށް އީޔޫއިން އިންތިހާބު އޮބްޒާވްކުރުމުގެ މަސައްކަތްތައް ކުރިއަށް ގެންދިޔައީ، ޖުލައި 31 އިން އޮގަސްޓު 15ގެ ނިޔަލަށެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox