ދެ އިންތިހާބު އެއް ދުވަހެއްގައި ބޭއްވުމަށް ޔުމްނާ ދެކޮޅު

ކުރީގެ މިނިސްޓަރު ޔުމްނާ މައުމޫން -- ފޮޓޯ: ރައީސް އޮފީސް

ކުރީގެ މިނިސްޓަރު ޔުމްނާ މައުމޫން -- ފޮޓޯ: ރައީސް އޮފީސް

ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށް ބޭއްވުމާ މެދު ކުރީގެ ހެރިޓޭޖް މިނިސްޓަރު އަދި ކުރީގެ ރައީސް މައުމޫން ޢަބްދުލްގައްޔޫމްގެ ދަރިކަނބަލުން ޔުމްނާ މައުމޫން ދެކޮޅު ހައްދަވައިފިއެވެ.

ޔުމްނާ މިކަމާ ގުޅޭގޮތުން އެކްސްގައި ކުރެއްވި ޕޯސްޓެއްގައި ވިދާޅުވީ، ދެ އިންތިހާބު އެއްކުރާކަށް އޭނާ އަށް ފެނިވަޑައިނުގަންނަވާ ކަމަށެވެ. އަދި މަޖިލީސް އިންތިހާބު ބާއްވަން އެންމެ ރަނގަޅީ ރިޔާސީ ދައުރުގެ މެދުތެރޭގައި ކަމަށް ވެސް އޭނާ ގަބޫލު ކުރައްވަ އެވެ.

މަޖިލީސް އިންތިހާބު ދައުރުގެ މެދުތެރޭގައި ބާއްވަން ޖެހޭ ސަބަބެއްގެ ގޮތުގައި ޔުމްނާ ފާހަގަކުރެއްވީ، އޭރުން ސަރުކާރާ މެދު ރައްޔިތުން ހިތްހަމަޖެހޭތޯ ނުވަތަ ނޫންތޯ ބަސް ބުނުމުގެ ފުރުސަތު ދައުރުގެ މެދުތެރެއިން ރައްޔިތުންނަށް ލިބިގެންދާނެތީއެވެ.

"އަޅުގަނޑު ގަބޫލު ކުރާ ގޮތުގައި މަޖުލީސް އިންތިހާބު ބާއްވަންވީ ރިޔާސީ ދައުރުގެ މެދުތެރޭގައެވެ. އޭރުން ސަރުކާރާއި މެދި ހިތްހަމަ ޖެހޭތޯ ނޫންތޯ ބަސް ބުނުމުގެ ފުރުސަތު ދައުރުގެ މެދުތެރެއިން ރައްޔިތުންނަށް ލިބޭނެއެވެ." ޔުމްނާގެ ޕޯސްޓުގައި ލިޔުއްވާފައިވެއެވެ.

ރައީސް މުހައްމަދު މުއިއްޒު ބޭނުންވެގެން ރައްޔިތުންގެ މަޖިލީހުގެ ދައުރުން ބޭރުގައި ކުއްލި އަށް ބޭއްވި ޖަލްސާއެއްގައި ގާނޫނުއަސާސީއަށް ގެންނަން ފާސްކޮށްފައިވާ އަށް ވަން އިސްލާހުން މިހާރު އޮތް ރައްޔިތުންގެ މަޖިލީހުގެ ދައުރު ކުރުވެ އެވެ.

އެ އިސްލާހު ތަސްދީގުކުރަން ފެނޭތޯ ރައްޔިތުންގެ ހިޔާލު ހޯދަނީ އެހެންވެ އެވެ.

ގާނޫނު އަސާސީއަށް ގެނެސްފައިވާ ބަދަލު ތަސްދީގު ކުރަން ރައްޔިތުން ރުހުން ދީފި ނަމަ ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބާއްވާނެ އެވެ. އޭރުން، ރައީސުލްޖުމްހޫރިއްޔާގެ ދައުރު މިހާރު ވެސް އޮތް ގޮތަށް ނޮވެމްބަރު 17 ފެށުނަސް އާ ރައްޔިތުންގެ މަޖިލީހުގެ ދައުރު ފެށޭނީ ޑިސެންބަރު 1 ގަ އެވެ.

މި ބަދަލު ގެންނަން މުއިއްޒު ބޭނުންވާއިރު، އެ މަނިކުފާނުގެ ހިޔާލުގައި ގާނޫނު އަސާސީއަށް އިތުރު ބަދަލުތަކެއް ގެންނަން އެބަ ހުއްޓެވެ. އޭގެ ތެރެގައި އެ މަނިކުފާނަށް ވެރިކަން ހޯދަން ފަސޭހަ ކުރުމަށްޓަކައި ރިޔާސީ އިންތިހާބުގެ ދެ ވަނަ ބުރު އުވާލުން ވެސް ހިމެނެ އެވެ. ނަމަވެސް އެ އިސްލާހެއް އަދި މަޖިލީހަށް ހުށައެއް ނާޅަ އެވެ.

ރިޔާސީ އިންތިހާބާއި ރައްޔިތުންގެ މަޖިލީހުގެ އެއް ދުވަހެއްގައި ބޭއްވުމަށް ފެނިވަޑައިނުގަންނަވާ ކަމަށް ކުރީގެ ރައީސް އަބްދުﷲ ޔާމީން، ކުރީގެ ރައީސް އިބްރާހިމް މުހައްމަދު ސޯލިހު އަދި ކުރީގެ ރައީސް މުހައްމަދު ނަޝީދު ވިދާޅުވެފެ އެވެ.

ކުރީގެ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ އާއި ސުޕްރީމް ކޯޓުގެ ކުރީގެ ފަނޑިޔާރު ހުސްނުއްސުއޫދު އާއި ގައުމީ ޔުނިވާސިޓީގެ ކުރީގެ ޑީން ޑރ. ހަސަން ހަމީދު އަދި މަދަނީ ހައްގުތަކަށް ވަކާލާތު ކުރައްވާ ގިނަ ބަޔަކު ވިދާޅުވެފައި ވަނީ ދެ އިންތިހާބު އެއް ދުވަހެއްގައި ބޭއްވުމަށް ވުރެ ރައްޔިތުންނަށް ފައިދާ ބޮޑުވާނީ އިންތިހާބުތައް ވަކިވަކިން ބާއްވައިގެން ކަަމަށެވެ.

ދެ އިންތިހާބު އެއް ދުވަހެއްގައި ބޭއްވުމަށް މުއިއްޒު ބޭނުންވި މައިގަނޑު ސަބަބުތަކުގެ ތެރޭގައި ހަރަދު ކުޑަކުރުން ހިމެނޭއިރު، އެމަނިކުފާނުގެ ސިޔާސީ މަގާމުތަކުގައި ތިބި މީހުންގެ ތެރެއިން ކުޑަ މިންވަރެއް މަދުކޮށްލިޔަސް، އިންތިހާބުގެ ހަރަދަށް ވުރެ ބޮޑު ލުޔެއް ލިބޭނެ ކަަމަށް ބައެއް ފަރާތްތަކުން ބުނެފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox