ބިންވެރިޔާ ސްކީމުން ހުޅުމާލެއިން ދޫކުރި ގޯތިތައް މި މަސް ތެރޭ ހަވާލުކޮށް ނިންމަނީ

ބިންވެރިޔާ ސްކީމުގެ ދަށުން ދޫކުރާ ގޯތިތަކުގެ ގުރުނެގުން ކުރިއަށް ދަނީ; މި މަސް ތެރޭގައި ހުޅުމާލޭގެ ގޯތިތައް ދޫކޮށް ނިންމަން މިނިސްޓްރީން ދަނީ މަސައްކަތް ކުރަމުން -- ފޮޓޯ: އިޔާން/ އަދަދު

ބިންވެރިޔާ ސްކީމުގެ ދަށުން ދޫކުރާ ގޯތިތަކުގެ ގުރުނެގުން ކުރިއަށް ދަނީ; މި މަސް ތެރޭގައި ހުޅުމާލޭގެ ގޯތިތައް ދޫކޮށް ނިންމަން މިނިސްޓްރީން ދަނީ މަސައްކަތް ކުރަމުން -- ފޮޓޯ: އިޔާން/ އަދަދު

ބިންވެރިޔާ ސްކީމުގެ ދަށުން ހުޅުމާލެއިން ދޫކުރަން ހަމަޖެހިފައިވާ ގޯތިތައް މި މަސް ނިމެން ވާއިރަށް ހަވާލުކޮށް ނިންމުމުގެ މަސައްކަތް ހައުސިން މިނިސްޓްރީން ފަށައިފި އެވެ.

އެ މިނިސްޓްރީގެ މީޑިއާ އޮފިޝަލް ޝަހުދާ 'އަދަދު' އަށް މިއަދު ވިދާޅުވީ, ހުޅުމާލެއިން ގޯތި ދޫކުރުމަށް އެއްބަސްވުމުގައި ސޮއިކޮށްފައިވާ 700 މީހުންގެ ތެރެއިން 545 މީހުންނަށް ގޯތި ކަނޑާ, ހަވާލުކޮށްފައިވާ ކަމަށެވެ. އަދި ބިން ސާފު ކުރެވޭހާ އަވަހަކަށް ދެން ތިބި މީހުންނަށް ވެސް ގޯތި ހަވާލު ކުރުމުގެ މަސައްކަތް ކުރިއަށް ދާނެ ކަމަށް އޭނާ ވިދާޅުވި އެވެ.

މިނިސްޓްރީން މައުލޫމާތު ދިން ގޮތުގައި ހުޅުމާލެއިން ދޭ ގޯތިތައް މި މަސް ތެރޭގައި ހަވާލުކޮށް ނިންމުމަށް އެ މިނިސްޓްރީން ދަނީ މަސައްކަތް ކުރުމުންނެވެ.

ބިންވެރިޔާ ސްކީމުގެ ދަށުން ފުރަތަމަ ބުރުގައި ދޫކުރާ 9003 ގޯތީގެ ތެރޭގައި ހިމެނެނީ, ހުޅުމާލެއިން ދޫކުރާ 1351 ގޯއްޗާއި, ގުޅީފަޅުން ދޫކުރާ 2,219 ގޯތީގެ އިތުރުން ގިރާވަރުފަޅުން ދޫކުރާ 5,433 ގޯއްޗެވެ.

ހުޅުމާލެއިން ގޯތި ލިބޭ, އެއްބަސްވުމުގައި ސޮއިކޮށްފައިވާ މީހުންނަށް ގޯތި ދިނުމުގެ މަސައްކަތް ކުރިއަށް ދާއިރު, މިނިސްޓްރީގެ މީޑިއާ އޮފިޝަލް ވިދާޅުވީ ގުޅީފަޅުން ގޯތި ކެނޑުމުގެ މަސައްކަތް މި މަސް ތެރޭ ފަށަން ތައްޔާރުވެފައިވާ ކަމަށެވެ.

ފުރަތަމަ ބުރުގައި ދޫކުރާ ގޯތީގެ އެއްބަސްވުމުގައި ސޮއިކޮށް, އެގްރީމަންޓާ ހަވާލުނުވާ 2000 އެއްހާ މީހުން ނޮވެމްބަރު މަހާ ހަމައަށް ތިބިއިރު, ހައުސިން މިނިސްޓްރީން މިހާރު ދަނީ ގޯތީގެ ރަޖިސްޓްރީ ހަވާލު ކުރުމުގެ މަސައްކަތް ވެސް އަލުން ފަށާފަ އެވެ.

ކުރީ ސަރުކާރުން ފެށި މި މަޝްރޫއުގެ ދަށުން, ދޫކުރާ ގޯތިތައް އެ ސަރުކާރު ނިމުމުގެ ކުރިން ހަވާލުކުރާނެ ކަމަށް އޭރު އެކަމާ ހަވާލުވެތިއްބެވި ބޭފުޅުން ވިދާޅުވި އެވެ. އެހެން ނަމަވެސް އެ މަސައްކަތް ނިމިފައި ނުވާއިރު, މި ސަރުކާރު އައި ފަހުން އެ މަސައްކަތް ކުރިއަށް ނުގޮސް އޮތުމަށްފަހު އަލުން ފެށީ ދާދި ފަހުންނެެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox