ލޮސް އެންޖެލްސް، ޔުނައިޓެޑް ސްޓޭޓްސް (ޖެނުއަރީ 9) - މަޝްހޫރު ގޯލްފް ތަރި، ޓައިގާ ވުޑްސް، 27 އަހަރަށް ފަހު، ނައިކީއާ އެކު ހަދާފައިވާ އެއްބަސްވުން ނިމުމަކަށް ގެނެސްފި އެވެ.
ގޯލްފްގެ މޭޖާ ޗެމްޕިއަންކަން 15 ފަހަރު ހޯދާފައިވާ ވުޑްސް އަންނަނީ އޭނާ ޕްރޮފެޝަނަލަކަށް ބަދަލުވި ފަހުން މުޅިން ކަހަލަ ގޮތަކަށް ނައިކީއާ އެކު މަސައްކަތް ކުރަމުންނެވެ.
އެ ގޮތުން، އެންމެ ފުރަތަމަ ވުޑްސް، 48، ނައިކީއާ އެކު އެއްބަސްވުމެއްގެ ދަށުން މަސައްކަތް ކުރަން ފެށީ 1996 ވަނަ އަހަރު އެވެ.
ޖުމްލަ އެކު، 27 އަހަރު ނައިކީއާ އެކު ވުޑްސް މަސައްކަތްކުރިއިރު، އޭނާ އަށް މާލީ ގޮތުން ބޮޑު މަންފާއެއް ވަނީ ކޮށްފަ އެވެ.
ވުޑްސްގެ އުމުރުން 20 އަހަރުގައި ނައިކީއާ އެކު، 1996 ގައި ފަސް އަހަރުގެ އެގްރީމެންޓެއްގައި ސޮއިކުރިއިރު، އެ ޑީލްގެ ޖުމްލަ އަގަކީ، 40 މިލިއަން ޑޮލަރެވެ. އޭގެ ފަހުން، ވުޑްސް ވަނީ ނައިކީއާ އެކު، 10 އަހަރުގެ ކޮންޓްރެކްޓެއްގައި ސޮއިކޮށްފަ އެވެ. އެ ޑީލުން، ވުޑްސް އަށް ވަނީ 200 މިލިއަން ޑޮލަރު ލިބިފަ އެވެ.
"ނައިކީއާ އެކު އަހަރެންގެ ހަނދާންތައް އަބަދުވެސް ވާނެ، އަހަރެންގެ ހަޔާތުގައި ބޮޑެތި ކަންކަން ހާސިލްކުރެވިފައިވާއިރު، އެކަންކަން ވަނީ ނައިކީއާ ގުޅިފައި، އެހެންކަމުން މި ގުޅުމުގެ ހާއްސަކަން އަބަދުވެސް އޮންނާނެ،" ވުޑްސް ބުނެފައިވެ އެވެ.
ދުނިޔޭގެ އެންމެ މަގުބޫލު އެއް ކުޅިވަރު ބްރޭންޑް، ނައިކީން ވަނީ ވުޑްސް އަށް ޝުކުރު އަދާކޮށްފަ އެވެ. އަދި ނައިކީ އިން ދެކޭގޮތުގައި ދުނިޔޭގެ ކުޅިވަރު ތާރީހު ދުށް އެންމެ ވަރުގަދަ ސަހުޝިއްޔަތުންގެ ތެރޭގައި ހިމެނޭ ވުޑްސް ކަހަލަ އެތުލީޓަކާ އެކު، ގިނަ އަހަރުތަކެއް މަސައްކަތް ކުރުމަކީ ފަހުރެކެވެ.
ވުޑްސް ވަނީ އޭނާގެ ކެރިއަރުގެ ދެން އިން ޗެޕްޓަރުގައި މަސައްކަތް ކުރާނެ ކުންފުންޏެއް ކަނޑައެޅުމުގެ މަސައްކަތް ކުރަމުން އަންނަ ކަމަށެވެ.
