ސައުތުގޭޓް، ފުޓްބޯޅައާ މެދު އޮތް ޝައުގުވެރިކަން ކުޑަވެއްޖެ

Oct 15, 2026, 2:38 PM
އިންގްލެންޑްގެ ކުރީގެ ކޯޗު ގަރެތު ސައުތުގޭޓް.

އިންގްލެންޑްގެ ކުރީގެ ކޯޗު ގަރެތު ސައުތުގޭޓް.

ލަންޑަން (އޮކްޓޫބަރު 15) - އިންގްލެންޑްގެ ކޯޗުކަމުން ވަކިވެ، މިވީ މުއްދަތުގެ ތެރޭގައި އޭނާގެ ހިތުގައި ފުޓްބޯޅައިގެ މަސައްކަތުގެ ތެރޭގައި އުޅުމުގެ ޝައުގުވެރިކަން ކުޑަވެފައިވާ ކަމަށް ގަރެތު ސައުތުގޭޓް ބުނެފި އެވެ. 

ސައުތުގޭޓް، 56، އިންގްލެންޑްގެ ކޯޗުކަމުން އަމިއްލަ އަށް ވަކިވީ، ޖެހިޖެހިގެން ދެ ވަނަ ޔޫރޯގެ ފައިނަލުން އިންގްލެންޑް ގޮވައިގެން ބަލިވުމުންނެވެ. އެއީ، މީގެ ދެ އަހަރު ކުރިން، 2024 ވަނަ އަހަރުގަ އެވެ. އޭގެ ފަހުން، ޓީމަކާ ހަވާލުނުވެ ހުރި ސައުތުގޭޓަށް ގިނަ ޓީމުތަކެއްގެ އޮފާ ލިބުނެވެ. އެ ގޮތުން، މިދިޔަ އަހަރު ސައުތުގޭޓާއި ޕޮލެންޑާ ގުޅޭގޮތުން، މީޑިއާގައި ވާހަކަތަކެއް ދެކެވުނެވެ. އަދި، މި ފަހަރުގެ އިނގިރޭސި ޕްރިމިއާ ލީގުން ސައުތުގޭޓް ފެނިދާނެ ކަމުގެ އަޑުތަކެއް އެރި އެވެ. 

އެކަމަކު، އެ ހުރިހާ ވާހަކައެއް ސައުތުގޭޓް ވަނީ ދޮގުކޮށްފަ އެވެ. 

"އިންގްލެންޑްގައި އަހަރެން ހޭދަކުރި ފަހު މުއްދަތުގެ ތެރޭގައި ހަގީގަތުގައި ވަރަށް ގިނަ ކަންކަން ދިޔައީ ބަދަލުވަމުން، މެޗުތަކުން މޮޅުވިޔަސް އެހާ ބޮޑަށް އެ ކަމުގެ އުފާފާޅުކުރުމުގެ ކަންކަމުގައި އުޅެވޭ ވަރަށް ވުރެން މަސައްކަތުގެ ކަންކަމަށް ވިސްނެނީ، ހަގީގަތުގައި މި ވަރުބަލިކަން އެއީ ފުޓްބޯޅައިގެ މަސައްކަތާ މެދު އަހަރެންގެ ޝައުވެރިކަން ކުޑަވާން ފެށި ސަބަބު،" ސައުތުގޭޓް ބުންޏެވެ. 

ސައުތުގޭޓް އެންމެ ފަހުން ދަނޑަކަށް ގޮސް މެޗެއް ބެލީ، މިދިޔަަ އަހަރުގެ މެއި މަހު އެފްއޭ ކަޕް ފަައިނަލް އެވެ. އެއީ، މެންޗެސްޓާ ސިޓީ ބަލިކޮށް ކްރިސްޓަލް ޕެލަސް އިން އެފްއޭ ކަޕްގެ ތަށި އުފުލާލި މެޗެވެ. ސައުތުގޭޓަކީ ޕެލަސްގެ ކުރީގެ ކުޅުންތެރިއެކެވެ. 

"އެންމެ ފަހުން މިދިޔަ 17 މަސް އަހަރެންގެ ދިރިއުޅުމުގައި ވަރަށް ރަނގަޅަށް ދިޔައީ. އޭގެ ކުރިން، ދިޔަ 37 އަހަރެއްހާ ދުވަހަކީ އަހަރެންގެ ހަޔާތުގައި އެއް ހަފްތާ އިން އަނެއް ހަފްތާ އަށް މޮޅެއް ނޫނީ ބައްޔެއް ވުމުގެ ކަންކަމާ މެދު ވިސްނަން ޖެހިފައި އޮތް މުއްދަތެއް. އެކަން ބަދަލުވީ މިދިޔަ މަސްތަކުގައި ފުޓްބޯޅަ ކޯޗިން އިން ދުރަށް ދިޔަ ފަހުން،" 1988 އިން 1995 އަށް ކްރިސްޓަލް ޕެލަސް އަށް ކުޅުނު ސައުތުގޭޓް ބުންޏެވެ. 

ފުޓްބޯޅައާ ދުރުގައި މި ހޭދަކުރި މުއްދަތުގައި، ސިޔާސީ ދާއިރާ އާއި މީޑިއާ އަދި އެ ނޫން ވެސް އެކި އިންޑަސްޓްރީތަކުގައި އުޅޭ މީހުންނާ ބައްދަލުވެ، އެކި މާހައުލުގެ ކަންކަން ހުންނަ ގޮތުގެ މައުލޫމާތު ލިބިފައިވާ ކަމަށް ސައުތުގޭޓް ވަނީ ބުނެފަ އެވެ. އެހެންކަމުން، މުސްތަގުބަލުގައި ފުޓްބޯޅައާ ދުރު ދާއިރާ އަކުން ވެސް ފެނިދާނެ ކަމަށް ސައުތުގޭޓް ވަނީ ބުނެފަ އެެވެ. 

ކްލަބް ލެވަލްގެ ކޯޗިންގައި ސައުތުގޭޓް މަަސައްކަތްކުރީ، 2006 ވަނަ އަހަރުން ފެށިގެން ތިން އަހަރުގެ މުއްދަތަކަށެވެ. އޭގެ ފަހުން، އޭނާ ގުޅުނީ އިނގިރޭސި އެފްއޭގެ ކޯޗިން ސެޓަޕާ އެވެ. އެންމެ ފުރަތަމަ، 2013 އިން 2016 އަށް އިންގްލެންޑްގެ 21 އަހަރުން ދަށުގެ ޓީމުގެ ކޯޗަކަށް ހުރުމަށް ފަހު، 2016 އިން 2024 އަށް ސީނިއާ ޓީމުގެ ހެޑް ކޯޗަކަށެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox