މިނިސްޓްރީން ޝަރުތު ހަމަނުވާ ކަމަށް ކަނޑައެޅީ ގޯސްކޮށް ކަމަށް ނިންމައި ގޯތި ދޭން ހުކުމް ކޮށްފި

ބިންވެރިޔާ ސްކީމުގެ ދަށުން ގޯތި ދިނުމުގެ މަސައްކަތް ކުރިއަށްދަނީ. ފުރަތަމަ ބުރުގައި 9,000 އަށްވުރެ ގިނަ ގޯތި ދޫކުރާނެ --- ފޮޓޯ: އަދަދު ފައިލް

ބިންވެރިޔާ ސްކީމުގެ ދަށުން ގޯތި ދިނުމުގެ މަސައްކަތް ކުރިއަށްދަނީ. ފުރަތަމަ ބުރުގައި 9,000 އަށްވުރެ ގިނަ ގޯތި ދޫކުރާނެ --- ފޮޓޯ: އަދަދު ފައިލް

ނިމިދިޔަ ސަރުކާރުން ކުރިއަށްގެންދިޔަ "ބިންވެރިޔާ" ސްކީމުގެ ދަށުން ލިޔެކިޔުންތަކާ އެކު ފޯމު ހުށަހެޅުމުން މީހެއްގެ ޝަރުތު ހަމަނުވާ ކަމަށް އޭރުގެ ހައުސިން މިނިސްޓްރީން ކަނޑައަޅާފައިވަނީ ގޯސްކޮށް ކަމަށާއި އެ މީހާގެ ޝަރުތު ހަމަވާ ކަމަށް ނިންމައި އޭނާއަށް ގޯތި ދިނުމުގެ ކަންކަން ކުރިއަށްގެންދަން ސިވިލް ކޯޓުން ހުކުމްކޮށްފި އެވެ.

މިއީ ކ. މާލެ, ދަފްތަރު ނަންބަރު: 234, ފާތިމަތު އަހްމަދުގެ ފަރާތުން އެ ކޯޓަށް އޮކްޓޯބަރު 23, ގައި ހުށަހެޅި މައްސަލައެކެވެ. އެގޮތުން, އެ މިނިސްޓްރީން އެންމެ ފުރަތަމަ އިއުލާނު ކުރި ވަގުތީ ލިސްޓުގައި އޭނާގެ ނަން ހިމަނާފައި ނުވާއިރު އެކަމާ ގުޅިގެން ހުށަހަޅަން ޖެހޭ ލިޔެކިޔުންތައް އޭނާ އެ މިނިސްޓްރީއަށް ފޯރުކޮށްދީފައިވެ އެވެ.

އޭނާގެ މާލޭގެ ރަށްވެހިންގެ ރެޖިސްޓްރީ އާއި އުފަން ދުވަހުގެ ސެޓިފިކެޓު ހުށަހެޅުމުން ވެސް މިނިސްޓްރީގެ ނިންމުން ބާތިލުވާނެ އެއްވެސް ލިޔެކިޔުމެއް ހުށަހަޅާފައި ނުވާ ކަމަށް ސިވިލްކޯޓުގެ ހުކުމުގައި ވެ އެވެ. ހުކުމުގައިވާ ގޮތުން ދާއިމީ ލިސްޓުގައި ވެސް އޭނާގެ ޝަރުތު ފުރިހަމަނުވާ ކަމަށް ހައުސިްނ މިނިސްޓްރީން އޮތީ ކަނޑައަޅައިފަ އެވެ.

Advertisement

އެކަމާ ގުޅިގެން އޭނާ ސިވިލް ކޯޓުގައި ދައުވާ ކުރީ އޭނާގެ އައިޑެންޓިޓީ ސައްހަ ކުރުމަށާއި, މިނިސްޓްރީގެ ނިންމުމުގެ ސަބަބުން ގެއްލިގެންދާ ހައްގުތައް ހޯދައިދިނުމަށް އެދި އެވެ.

ސިވިލް ކޯޓުގެ ގާޒީ ފައިސަލް އާދަމް އިއްޔެ (ޑިސެމްބަރު 10, ގައި) ކުރެއްވި ހުކުމުގައި ވަނީ ފާތިމަތު އަހްމަދުއަކީ "ބިންވެރިޔާ" ސްކީމަށް ޝަރުތު ހަމަވާ މީހެއް ކަމަށް ކަނޑައަޅައި, އެހެން މީހުންނަށް ގޯތި ހަވާލުކުރުމަށް ކަނޑައަޅާފައިވާ އިޖުރާއަތްތަކުގެ ދަށުން އޭނާއަށް ވެސް ގޯތި ދިނުމުގެ ކަންކަން ހަމަޖައްސައިދިނުމަށެވެ.

މި މައްސަލަ އިސްތިއުނާފު ކުރުމުގެ ފުރުސަތު ކުރިއަށް އޮތް 30 ދުވަހުގެ ތެރޭގައި އޮންނާނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox