ވެލާނާ އިންޓަނޭޝަނަލް އެއާޕޯޓް ތެރޭގައި އެކި ތަންތަނަށް ކުޅު ޖަހަމުން ދިޔަ މީހަކު ހައްޔަރުކޮށްފި އެވެ.
ފުލުހުން ބުނި ގޮތުގައި މި މައްސަލާގައި ހައްޔަރުކޮށް ފުލުހުންގެ ބެލުމުގެ ދަށަށް ގެންދިޔައީ ޗައިނާ އަންހެނެކެވެ.
އޭނާ ދިޔައީ އެއާޕޯޓްގެ ތެރޭގައި އެހެން މީހުންނަށް އުނދަގޫވާ ގޮތަށް އަޑުގަދަކޮށް ތަންތަނަށް ކުޅު ޖެހުން ފަދަ އަމަލުތައް ކުރަމުން ކަމަށް ފުލުހުން ބުންޏެވެ.
"އެއާޕޯޓު ތެރޭގައި އެހެން މީހުންނަށް އުނދަގޫވާ ގޮތަށް އަޑުގަދަކޮށް، ތަންތަނަށް ކުޅުޖެހުން ފަދަ އަމަލުތައް ހިންގާތީ އޭނާ ވަނީ ފުލުހުންގެ ބެލުމުގެ ދަށަށް ގެނެސްފައި،" ފުލުހުން ބުންޏެވެ.
އޭނާއާ ބެހޭ އިތުރު ތަފުސީލެއް ފުލުހުން ނުދެ އެވެ. އަދި އޭނާ އެއާޕޯޓުގައި އެގޮތަށް އަަމަލު ކުރަންޖެހުނު ސަބަބެއް ވެސް އަދި ނޭނގެ އެވެ.
