ރައީސްގެ މޮޓޯކޭޑަށް ހުރަސް އެޅި މީހަކު 15 ދުވަހަށް ބަންދަށް

މިދިޔަ މާޗު މަހު ރައީސް ސޯލިހު ދަތުރުކުރެއްވި މޮޓޯކޭޑަށް ހުރަސް އެޅި މަންޒަރު - ފޮޓޯ: ޝަހީދު ޕީޕީއެމް

މިދިޔަ މާޗު މަހު ރައީސް ސޯލިހު ދަތުރުކުރެއްވި މޮޓޯކޭޑަށް ހުރަސް އެޅި މަންޒަރު - ފޮޓޯ: ޝަހީދު ޕީޕީއެމް

ރައީސް އިބްރާހިމް މުހައްމަދު ސޯލިހު ދަތުރު ކުރައްވަަމުން ގެންދެވި މޮޓޯކޭޑަށް ހުރަސްއެޅުމުގެ ތުހުމަތުގައި މީހަކު ހައްޔަރުކޮށް އޭނާގެ ބަންދަށް 15 ދުވަހުގެ މުއްދަތެއް ކްރިމިނަލް ކޯޓުން އިއްޔެ ޖަހައިފި އެވެ.

ކްރިމިނަލް ކޯޓުގެ އަމުރުގައި ބުނެފައިވާ ގޮތުން، އެ މައްސަލައިގައި ހައްޔަރު ކުރީ އުމުރުން 32 އަހަރުގެ ދިވެހި ފިރިހެނެކެވެ.

އޭނާއަކީ ނަފުސާނީ ބައްޔެއް ކަމަށްވާ، ސްކިޒޮފްރޭނިއާ ފަރުވާ ހޯދަމުންދާ މީހެއް ކަމަށް ވެސް ކޯޓު އަމުރުގައިވެ އެވެ. އަދި އެއީ ޖެންޑާ މިނިސްޓްރީގައި ރަޖިސްޓްރީކޮށްގެން އެ މިނިސްޓްރީގެ ބެލުމުގެ ދަށުން ފަރުވާދީ ބަލަހައްޓަމުން އަންނަ ޕޭޝަންޓެއް ކަމަށް ވެސް އޭގައި ބުނެފައިވެ އެވެ.

ޖެންޑާ މިނިސްޓްރީން ބުނީ އެ މީހާއަކީ އެ މިނިސްޓްރީގެ މަރުކަޒެއްގައި ބަހައްޓައިގެން ފަރުވާ ދެމުންދާ މީހެއް ނޫން ކަމަށެވެ.

ސްކިޒޮފްރޭނިއާއަކީ ވުޖޫދުގައި ނެތް ކަންކަމަކީ ހަގީގަތް ކަމަށް ބަލި މީހާއަށް ގަބޫލު ކުރެވޭ ނަފުސާނީ ބައްޔެކެވެ.

ފުލުހުން ކޯޓަށް ހުށަހެޅި ރިޕޯޓާ ހަވާލާދީ، ކޯޓު އަމުރުގައި ބުނެފައިވާ ގޮތުން އޭނާ އެ ވަގުތު ހުރީ މަސްތުގެ ހާލަތުގަ އެވެ. އަދި މަޑުކުރަން ފުލުހުން އެންގުމުން ވެސް ކިޔަމަން ނުވެ މޮޓޯކޭޑަށް ހުރަސް އެޅި ކަމަށް ވެސް ބުނެފައިވެ އެވެ.

ރައީސް ސޯލިހު ދަތުރުކުރެއްވި މޮޓޯކޭޑަށް ހުރަސްއެޅި ކަމަށް ކޯޓުގައި އޭނާ އެއްބަސްވެފައިވެ އެވެ.

މިދިޔަ އޮގަސްޓް މަހުގެ ތެރޭގައި ވެސް މަސްތުގެ ހާލަތުގައި ހުރެގެން ދެ ފަހަރު ހައްޔަރުކޮށްފައިވާ ކަން ވެސް ކޯޓު އަމުރުގައި ފާހަގަކޮށްފައިވެ އެވެ.

މި ހާދިސާ ހިނގި ތާރީހު ކޯޓު އަމުރުގައި ބަޔާންކޮށްފައި ނުވުމުން "އަދަދު" ނޫހުން އެ ކަމާ ގުޅޭ ގޮތުން ސުވާލުކުރުމުން ފުލުހުން ބުނީ އެ ހާދިސާ ވެސް ހިނގީ އިއްޔެގެ ވަގުތެއްގައި ކަމަށެވެ. އިއްޔެގެ ވަގުތެއްގައި މިފަދަ ކަމެއް ހިނގިއިރު ރޭ ރައީސް ސޯލިހުގެ ރިޔާސީ ކެމްޕެއިނުގެ ބޮޑު ޖަލްސާއެއް ވެސް މާލޭގައި އޮތެވެ.

މީގެ ކުރިން މާޗު 2، ގައި ވެސް ޕީޕީއެމްގެ ސަޕޯޓަރުންތަކެއް މަގުމަތީގައި މުޒާހަރާކުރަމުން ދަނިކޮށް މުޒާހަރާ އޮތް ސަރަހައްދުން ރައީސް ސޯލިހު މޮޓޯކޭޑަށް ހުރަސް އަޅައިގެން އެ މައްސަލާގައި ފަސް މީހެއްގެ މައްޗަށް ދައުވާ ވެސް ކުރި އެވެ.

މާޗް 20، ވަނަ ދުވަހުގެ ރޭ 11:00 ހާއިރު ރައީސް ސޯލިހުގެ މޮޓޯކޭޑަށް ހުރަސްއެޅީ އެމަނިކުފާނުގެ ދެކަނބަލުން، ބައިނަލްއަގުވާމީ އަންހެނުން ދުވަސް ފާހަގަކުރުމަށާއި ރެހެންދި އެވޯޑު ދިނުމަށް ހުޅުމާލޭގައި އޮތް ހަފުލާއަށް ފަހު މާލެ ވަޑައިގެންނެވި ވަގުތެވެ. މޮޓޯކޭޑު ތާާށިވެ 15 ވަރަކަށް މިނެޓު އެ ސަރަހައްދުގައި އޮތެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox