އެސްޓަން ވިލާގައި ވެސް ފްލޮޕްވި ކުޓީނިއޯ ގަތަރުގެ އަލް ދުހެއިލް އަށް

Aug 28, 2023, 3:31 AM
އެސްޓަން ވިލާގައި ވެސް ފްލޮޕްވި ކުޓީނިއޯ ގަތަރުގެ އަލް ދުހެއިލް އަށް

ލަންޑަން، (އޮގަސްޓް 28) - އިނގިރޭސި ކުލަބު އެސްޓަން ވިލާގައި އެދެވޭ ކުޅުމެއް ނުދެއްކި ޓީމުން ބާކީވަމުން އަންނަ މިޑްފިލްޑަރު، ބްރެޒިލްގެ ފިލިއްޕޭ ކުޓީނިއޯ ގަތަރުގެ އަލް ދުހެއިލްއަށް ބަދަލުވާން ނިންމައިފި އެވެ.

ކުޓީނިއޯ 31، އެސްޓަން ވިލާއަށް ބަދަލުވީ ސްޕެއިންގެ ބާސެލޯނާއިން 20 މިލިއަން ޔޫރޯގެ ފީއަކަށެވެ. ހަ މަސް ދުވަހު ލޯން އެއްބަސްވުމެއްގެ ދަށުން މިދިޔަ އަހަރުގެ ޖެނުއަރީ މަހު އެޓީމަށް ކުޅުމަށްފަކހު ވިލާއިން އޭނާއަށް ދާއިމީ ކޮންޓްރެކްޓެއް ދޭން ނިންމީ އެވެ.

ނަމަވެސް މިދިޔަ ސީޒަންގައި އެދެވޭ ކުޅުމެއް ނުދެއްކި ކޯޗު އުނާއީ އެމެރީގެ އެގާރައިން އޭނާއަށް ފުރުސަތު ގެއްލުނެވެ. އާ ސީޒަނަށް ތައްޔާރުވުމަށް އެސްޓަން ވިލާއިން ލެސްޓާ ސިޓީއަށް ކުޅެމުން އައި ޔޫރީ ޓީލަމަންސްގެ ސޮއި ހޯދި ހިސާބުން ކުޓީނީއޯގެ ކުރިމަގާމެދު ސުވާލު އުފެދެން ފެށި އެވެ.

ޕްރިމިއާ ލީގުގައި މި ސީޒަންގައި އެސްޓަން ވިލާ ކުޅުނު ދެ މެޗުގައިވެސް ކުޓީނިއޯ ކުޅެން ނިކުމެފައިވަނީ ދެވަނަ ހާފުގައި ބަދަލު ކުޅުންތެރިއެއްގެ ގޮތުގަ އެވެ. ދެވަނަ މެޗުގައި ފަލަމަސްގަނޑަށް ލިބުނު އަނިޔާއެއްގެ ސަބަބުން އޭނާއަށް މިދިޔަ ހަފްތާ ބަންދުގައި އެސްޓަން ވިލާ ކުޅުނު މެޗުގައި ނުކުޅެވެ އެވެ.

އެންމެ ފަހުގެ މީޑިއާ ރިޕޯޓްތައް ބުނާ ގޮތުން ގަތަރުގެ އަލް ދުހެއިލްއިން ކުޓީނިއޯއާއިއެކު އެއްބަސްވުމަކަށް އައިސްފަ އެވެ. ނަމަވެސް ކުޓީނިއޯ ވިއްކާލުމާ ގުޅޭގޮތުން އެސްޓަން ވިލާއިން އަދި ރަސްމީ ޖަވާބެއް ނުދެ އެވެ.

ބެލެވޭ ގޮތުގައި އެސްޓަން ވިލާއިން ކުޓީނިއޯ ވިއްކާލަން ބޭނުންވެ އެވެ. ނަމަވެސް މި ސީޒަންގައި ވިލާއިން ޔުއެފާ ޔޫރޮޕާ ކޮންފެރެންސް ލީގުގައި ވާދަކުރާތީ ކޯޗު އެމެރީ ބޭނުންވަނީ ކުޓީނިއޯ ޓީމްގައި ބަހައްޓާށެވެ. ސަބަބަކީ ކުޓީނިއޯއަކީ ތަޖުރިބާކާރު ކުޅުންތެރިއަކަށްވެފައި ޔޫރަޕްގެ ބޮޑު މުބާރާތްތަކުގައި އޭނާ ކުޅެފައިވުމެވެ.

އެސްޓަން ވިލާއަށް މިދިޔަ ސީޒަންގައި ކުޓީނިއޯ ކުޅުނު 22 މެޗުގައި ޖެހިފައިވަނީ އެންމެ ގޯލެކެވެ.

އިނގިރޭސި ޕްރިމިއާ ލީގުގެ ލިވަޕޫލުން ވިދާލި ކުޓީނިއޯގެ ފޯމުދަށްވެސް އޭނާގެ ވިދުން ފަނޑުވީ 120 މިލިއަން ޕައުންޑްގެ ޓްރާންސްފާ ފީއަކަށް އޭނާ ސްޕެއިންގެ ބާސެލޯނާއަށް ބަދަލުވި ހިސާބުންނެވެ. އެ ކުލަބުގައި އެދެވޭ ކުޅުމެއް ނުދެއްކި ޖަރުމަންގެ ބަޔާނުގައިވެސް ލޯން އެއްބަސްވުމެއްގެ ދަށުން ކުޓީނިއޯ އެއް ސީޒަންގައި ކުޅުނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox