ސީޒަން ތެރޭގައި ފުޓްސަލް ކުޅުން އިންމަ ދެކޭގޮތު ރަނގަޅެއް ނޫން

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން އިންމަ ވާހަކަ ދައްކަނީ.-- ފޮޓޯ: އަބްދުﷲ އިޔާން/ އަދަދު

މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން އިންމަ ވާހަކަ ދައްކަނީ.-- ފޮޓޯ: އަބްދުﷲ އިޔާން/ އަދަދު

ރާއްޖޭގެ ފުރަތަމަ ޑިވިޝަންގެ ކުޅުންތެރިން، ސީޒަން ތެރޭގައި ފުޓްސަލް މުބާރާތްތަކުގައި ކުޅުމަކީ އެންމެ ރަނގަޅު ގޮތެއް ނޫން ކަމަށާއި އެހެން ނަމަވެސް ކުޅުންތެރިންގެ ވަޒީފާގެ ކަންކަން ހުންނަ ގޮތުން، އެކަން ހުއްޓުވޭނެ ގޮތެއް ވެސް ކޯޗުންނަށް ނޯންނާނެ ކަމަށް ސުޕަ ޔުނައިޓެޑް ސްޕޯޓްސް (ސަސް)ގެ އިސްމާއިލް މަހަފޫޒް (އިންމަ) ބުނެފި އެވެ.

ސަރުކާރު ކުންފުނިތަކާއި އޮފީސްތަކަށް ބާއްވާ ކްލަބް މޯލްޑިވްސްގެ މުބާރާތްތަކުގައި ފުރަތަމަ ޑިވިޝަންގެ ކްލަބްތަކުގެ ގިނަ ކުޅުންތެރިންތަކެއް އަންނަނީ ކުޅެމުންނެވެ. އެ ގޮތުން، ޝެޑިއުލް ދިމާވާ ގޮތުން، އެއް ދުވަހެއްގައި ބައެއް ކުޅުންތެރިންނަށް ދެ މުބާރާތުގައި މެޗު ކުޅެން ޖެހޭ ހާލަތު ވެސް އަންނަނީ ކުރިމަތިވަމުންނެވެ.

ދާދި ފަހުން، އޭއެފްސީ ޕްރޯ ލައިސަންސް ހާސިލްކުރި ކޯޗު އިންމަ ބުނީ، އޭނާ ކޯޗުކޮށްދެމުން އަންނަ ސަސް އަށް ވެސް ކުޅުންތެރިން މެނޭޖްކޮށް ރިކަވަރީ އަށް ފޯކަސް ކުރަން ބަލާއިރު، މިއީ އުނދަގޫ ދުވަސްތަކެއް ކަމަށެވެ.

"ޓީމުގެ ގިނަ ޕްލޭޔަރުން، މުހިންމު ޕްލޭޔަރުންނަކީ މުހިންމު ކުންފުނިތަކުގައި ސަރުކާރުގައި ވަޒީފާ އަދާކުރާ ކުޅުންތެރިން. އަޅުގަނޑުމެން އެއްވެސް ހާލަތެއްގައި ހުއްޓުވުމުގެ ބާރެއް ނޯންނާނެ. އަޅުގަނޑުމެން އެ ކުޅުންތެރިން ނުވެސް ހުއްޓުވާނަން، ބުނެފައި އޮންނާނީ، އެ ކުދިން ނިސްބަތްވާ ކުންފުންޏަށް މިނިވަންކަމާ އެކު ކުޅުމުގެ ފުރުސަތު އޮންނާނެއޭ. މެނޭޖްމަންޓުން ވެސް ކޯޗިން ސްޓާފުން ވެސް އެ ހުއްޓުވުމުގެ ވިސްނުން ނުވެސް ގެންގުޅެން،" އިންމަ ބުންޏެެވެ.

"ބައެއް ޕްލޭޔަރުން މެޗަށް އެބަ ގެންނަން މެޗު ފައްޓަން ފަސް ވަރަކަށް މިިނިޓް ވާއިރަށް އެ އަދި އެ ކޮޅުގެ މެޗު ކުޅެފައި. މި ކަހަލަ އުނދަގޫތަކެއް ވެސް އެބަހުރި، އެއް ދުވަހު އެ މީހުން މެޗު ކުޅެފައި، އެ ރޭ އެ މީހުން މެޗު ކުޅެފައި، އަނެއް ދުވަހު ހަވީރު އަޅުގަނޑުމެން މެޗު އެބަ ކުޅުވަން. އެ ހާލަތު ވެސް އެބަހުރި ވެސް އައިސްފައި، އެހެންވެ، މި ބުނަނީ އެ މީހުން (ކުޅުންތެރިން)ގެ ރިކަވަރީ އާއި ކޮންސަންޓްރޭޝަން ނުހިފެހެއްޓިއްޖިއްޔާ އުނދަގޫ އަންނާނެ. އިންޖަރީ އިޝޫ ވެސް އަންނާނެ،"

އިންމަ ބުނީ ސަސް އިން މިހާރު ގެންގުޅޭ ވިސްނުމަކީ އެ ގޮތަށް ފުޓްސަލް މެޗު ކުޅެފައި އަންނަ ކުޅުންތެރިން އެ ގޮތަށް އަވަސް އަރުވާލައިގެން ސަސްގެ މެޗުގައި ބޭނުންނުކޮށް، ކުޅުންތެރިޔާ ރިކަވާކޮށްގެން ކުޅެވޭނެ ހައްލެއް ހޯދުމަށެވެ.

ފުޓްސަލް އަކީ ޓެކްނިކަލީ ބަލާއިރު، ފުޓްބޯޅަ ކުޅުންތެރިންނަށް ފައިދާކުރާނެ ކުޅިވަރެއް ކަމަށް އިންމަ ދެކެ އެވެ. އިންމަ ބުނީ ފުޓްސަލް މުބާރާތްތަކުގައި ކުޅުންތެރިން ކުޅުން އެންމެ ރަނގަޅީ އޮފް ސީޒަން ދުވަސްވަރެއްގައި ކަމަށާއި އޭގެ ފައިދާ އޭރުން ފުޓްބޯޅަ އަށް ވެސް ބޮޑުވާނެ ކަމަށެވެ.

އެކަމަކު، ސީޒަން ތެރޭގައި މި ގޮތަށް އަންނަ ފުޓްސަލް މުބާރާތްތަކުގައި ވަޒީފާ އާއި އެހެނިހެން ސަބަބުތަކާ ހެދި ކުޅުންތެރިން ކުޅުވަން ޖެހޭ ކަމަށާއި އެއީ "އަތްނުފޯރުވޭ ހިސާބެއްގައި" އޮތް ކަމެއް ކަމަށް އިންމަ ބުނެފައިވެ އެވެ.

ސަސް މި ވަގުތު ލީގުގެ ހަތަރެއްގައި އޮތީ ތިން ވަނައިގައި އޮތް ބުރު ސްޕޯޓްސް ކްލަބާ އެއްވަރަށް 12 ޕޮއިންޓް ހޯދައިގެންނެވެ. ފުރަތަމަ ބުރުގައި ސަސް އިން ކުޅޭ ފަހު މެޗުގައި މާދަމާ ހަވީރު ބުރުއާ ބައްދަލުކުރާނެ އެވެ.

އިންމަ ބުނީ މުބާރާތަށް ތައްޔާރުވާން ޖެހުނު ހާލަތާ ބަލާއިރު، އެ ދިމާވި ގޮންޖެހުންތަކުގެ ތެރެއިން ވެސް ކުރެވުނު މަސައްކަތްތަކުން، މިހާރު އެކަށީގެންވާ ހިސާބަކަށް އާދެވިފައިވުމަކީ ސީޒަން ނިމޭއިރަށް ޓާގެޓަށް ވާސިލްވާން ބަލާއިރު ފަސޭހައެއް ކަމަށެވެ.

މާލެ ސަރަަހައްދުގައި ފެތުރެމުން އަންނަ ހުމާއި ރޯގާގެ އަސަރު ސަސްގެ ބައެއް ކުޅުންތެރިންނަށް ކޮށްފައިވާ ކަމަށް އިންމަ ވަނީ ބުނެފަ އެވެ.

"މި ސީޒަނަށް ވެސް ކުރިމަތިލީ ލީގުގެ ރަނގަޅު ހިސާބެއްގައި ޓީމު ބާއްވަން، އެ ގޮތުގެ މަތިން ފުރަތަމަ ބުރު ނިމޭއިރު، ޓާގެޓް، ތިނެއް ހަތަރެއްގައި އޮވެއްޖެނަމަ މި ބުރުގެ ޓާގެޓްގެ އަލީގައި ސީޒަން ނިންމާލުމުގެ ފުރުސަތު ލިބިގެންދާނެ. ޓާގެޓަށް ސީޒަން ނިމެންވާއިރަށް ވާސިލްވެވޭނެ،" ކުރިން މާޒިޔާ ސްޕޯޓްސް އެންޑް ރެކްރިއޭޝަނަށް ވެސް ކޯޗުކޮށްދިން އިންމަ ބުންޏެވެ.

އިންމަ ބުނީ އެކި ގޮންޖެހުންތަކާ ހެދި ސަސްގެ ސީނިއާ ކުޅުންތެރިން ނެތް ދަނޑިވަޅެއްގައި ސަސްގެ ޒުވާން ކުޅުންތެރިން ލައިގެން ކުޅެން ޖެހުނު ހާލަތެއް ވެސް ދިމާވި ކަމަށެވެ. އަދި އެ ގޮތަށް ސީނިއާ ކުޅުންތެރިން ނެތި އައި މެޗުތަކެއްގައި ފުރުސަތު ދެވުނު ޒުވާން ކުޅުންތެރިންނަށް ލިބިގެން ދިޔަ ތަޖުރިބާ އަކީ މުސްތަގުބަލުގައި ސަސް އަށް އޭގެ ފައިދާކުރާނެ ކަމެއް ކަމަށް އިންމަ ގަބޫލުކުރެ އެވެ.

ސަސް އާއި ބުރު ކުޅޭ މެޗު ފަށާނީ މާދަމާ ހަވީރު ހަތަރެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox