އިސްތަންބޫލް، ތުރުކީ (މޭ 22) - ތުރުކީގެ ރިޔާސީ އިންތިހާބުގެ ފުރަތަމަ ބުރުގައި ތިން ވަނައަށް ދިޔަ ކެންޑިޑޭޓު ރައީސް ތައްޔިބް އުރުދުގާންއަށް ތާއީދުކުރަން ނިންމައިފި އެވެ.
މޭ 14 ވަނަ ދުވަހު އިންތިހާބުގައި އުރުދުގާންއަށް 50 ޕަސެންޓަށް ވުރެ ގިނަ ވޯޓު ނުލިބުނީ ސިނާން އޮރްގާންއަށް ވޯޓުގެ 5.2 ޕަސެންޓު ލިބުމުންނެވެ.
ހުކުރު ދުވަހު އޮރްގާން ވަނީ އުރުދުގާންއާ ބަައްދަލުކުރައްވައިފަ އެވެ. އޭގެ ފަހުން އިދިކޮޅު ކެންޑިޑޭޓް ކެމާލް ކިރިޗްދަރޯލޫގެ ގާތް ބޭފުޅުންނާ ވެސް ބައްދަލުކުރެއްވި އެވެ.
"މޭ 28 ގައި އޮން ވޯޓުގެ ދެ ވަނަ ބުރުގައި އަޅުގަނޑުމެން ތާއީދުކުރާނީ ޕީޕަލްސް އެލަޔަންސްގެ ކެންޑިޑޭޓް އުރުދުގާންއަށް،" އޮރްގާން އިއުލާން ކުރެއްވި އެވެ.
އޭނާގެ ތާއީދު އުރުދުގާންއަށް ލިބުމުން، ވޯޓު ޔަގީންކުރަން ކިލިޗްދަރޯލޫ ކުރައްވާ މަސައްކަތަށް ވަރަށް ބޮޑު ދެރައެއް ލިބެ އެވެ.
އުރުދުގާން ވިދާޅުވީ އޮރްގާން އެމަނިކުފާނަށް ތާއީދު ކުރެއްވީ ޝަރުތެއްގެ މަތިން ނޫން ކަމަށެވެ. އޮރްގާންގެ ސަޕޯޓަރުންގެ ވޯޓު ލިބިއްޖެ ނަމަ، 2028 އާ ހަމައަށް އުރުދުގާންއަށް ވެރިކަމުގައި ހުންނެވޭނެ އެވެ.
