ގދ. ތިނަދޫގައި ތޫނު އެއްޗަކުން ހަމަލާދީ މީހަކު ޒަހަމްކޮށްލައިފި އެވެ.
ފުލުހުން ބުނި ގޮތުގައި އެ މާރާމާރީގައި ޒަހަމްވީ އުމުރުން 25 އަހަރުގެ ދިވެހި ފިރިހެނެކެވެ. އޭނާއަށް ތިނަދޫ އަބްދުލްސަމަދު މެމޯރިއަލް ހޮސްޕިޓަލުގައި މިހާރު ގެންދަނީ ފަރުވާ ދެމުން ކަމަށް ވެސް ފުލުހުން ބުންޏެވެ.
"ގދ. ތިނަދޫގައި ތޫނު އެއްޗަކުން މީހަކަށް ހަމަލާދީފައިވާ ކަމަށް މެންދުރުފަހު 1:50 އެއްހާ އިރު ފުލުހުންނަށް ރިޕޯޓުކޮށްފައިވޭ،" ފުލުހުން މީޑިއާތަކަށް ހިއްސާކުރި މެސެޖެއްގައި ބުންޏެވެ.
އެ މައްސަލައިގައި އަދި މީހަކު ހައްޔަރުކޮށްފައެއް ނުވެ އެވެ. ފުލުހުން ބުނީ އެކަން ތަހުގީގުކުރަމުންދާ ކަމަށެވެ.
