ފަނޑިޔާރުން ލޮބީކުރުމާއެކު، ސުލޫކީ މައްސަލަތައް އާންމުކުރުމުގެ އުސޫލަށް ބަދަލެއް

ޖުޑީޝަލް ސާވިސް ކޮމިޝަންގެ ރައީސް ހިސާން ހުސައިން "އަދަދު" ނޫހަށް އިންޓަވިއު ދެއްވަނީ - ފޮޓޯ: މިރާން ނާޝިމް / އަދަދު

ޖުޑީޝަލް ސާވިސް ކޮމިޝަންގެ ރައީސް ހިސާން ހުސައިން "އަދަދު" ނޫހަށް އިންޓަވިއު ދެއްވަނީ - ފޮޓޯ: މިރާން ނާޝިމް / އަދަދު

ފަނޑިޔާރުންގެ ޖަމިއްޔާއިން ލޮބީކުރުމާއެކު، ޖުޑީޝަލް ސާވިސް ކޮމިޝަން (ޖޭއެސްސީ) އިން ބަލަމުންދާ ސުލޫކީ މައްސަލަތައް އާންމުކުރުމުގެ އުސޫލަށް ބަދަލެއް ގެނެސްފި އެވެ.

މިހާރު އޮތް ކޮމިޝަނާއެކު އެންމެ ފުރަތަމަ އެ ކޮމިޝަނަށް ފަނޑިޔާރެއްގެ ސުލޫކާ ގުޅޭ ޝަކުވާއެއް ހުށަހެޅުމާއެކު އެ ފަނޑިޔާރެއްގެ ނަން ދިޔައީ އާންމުކުރަމުންނެވެ. ފަނޑިޔާރުންގެ ޖަމިއްޔާގެ ލޮބީއާއެކު، ކޮމިޝަނުން ދެން އާންމުކުރަމުން ދިޔައީ އެ ކޮމިޝަނުން ބަލަން ނިންމާ މައްސަލަތަކެވެ.

ނަމަވެސް ކޮމިޝަންގެ އުސޫލަށް ގެނައި އެ ބަދަލަށް ފަހު ވެސް އުސޫލަށް އިތުރު ބަދަލުތަކެއް ގެންނަން ޖެހޭ ކަމަށް ފަނޑިޔާރުންގެ ޖަމިއްޔާގެ އަހަރީ ޖަލްސާގައި އެ ޖަމިއްޔާގެ ރައީސް އަދި ސުޕްރީމް ކޯޓުގެ ފަނޑިޔާރު ސުއޫދު ވިދާޅުވެފައިވެ އެވެ. އަދި އެ ކަމަށް ލޮބީކުރައްވާނެ ކަމަށް ވެސް ވިދާޅުވެފައިވެ އެވެ.

Advertisement

"މައްސަލަ ބަލާ ނިމިގެން ފިޔަވަޅު އަޅައިފިއްޔާ މައްސަލައެއް ނެތް. ދެން އެ ހިސާބުން އެ އަޅާ ފިޔަވަޅެއް އެޅި ވާހަކަ ނޫސްތަކާ ހަމައަށް އައުމަކީ އަޅުގަނޑު ދެކޭގޮތުގައި އެންމެ ރަނގަޅު ގޮތް،" މި އަހަރުގެ ކުރީކޮޅު ބޭއްވި އެ ޖަލްސާގައި ސުއޫދު ވިދާޅުވެފައިވެ އެވެ.

ޖޭއެސްސީގެ ރައީސަކަށް ހުންނެވި ރައްޔިތުންގެ މަޖިލީހުގެ ތުޅާދޫ ދާއިރާގެ މެންބަރު ހިސާން ހުސައިން "އަދަދު" ނޫހަށް ދެއްވި އިންޓަވިއުއެއްގައި ވިދާޅުވީ އެ ޝަކުވާއަކީ ވަކިވަކި ފަނޑިޔާރުންގެ ފަރާތުންނާއި، ފަނޑިޔާރުން ތަމްސީލްކުރާ ޖަމިއްޔާގެ ފަރާތުން އެ ކޮމިޝަނުގެ ސާމަލު ކަމަށް އައިސްފައިވާ ކަމެއް ކަމަށެވެ.

"ތިމަންނަމެން [ފަނޑިޔާރުންގެ] މަސައްކަތަށް އެބަ ދަތިވެއޭ، ރައްޔިތުންގެ އަތްދިއްކުރުންތަކެއް ތިމަންނަމެންގެ މައްޗަށް އާދެއޭ، ފަނޑިޔާރެއްގެ މައްސަލައެއް ބަލަން ކޮމިޝަނުން ނިންމައި، ނަން ހާމަކުރާ ހިސާބުން ފަށައިގެން،" ހިސާން ވިދާޅުވި އެވެ.

"ދެން ފަނޑިޔާރުންގެ ޖަމިއްޔާއިން ވެސް، އަޅުގަނޑު ހަނދާންވާ ގޮތުން، ފަނޑިޔާރުންގެ ޖަމިއްޔާގެ ފަރާތުން ވެސް ތިން ފަހަރެއްގެ މަތިން މި އިޝޫގަ ބައްދަލުކުރި،" ފަނޑިޔާރުންގެ ޖަމިއްޔާއިން ވެސް އެ ކަމުގައި ލޮބީކުރިކަން ހިސާން ކަށަވަރުކޮށްދެއްވި އެވެ.

ފަނޑިޔާރުންގެ ޖަމިއްޔާއިން އެދޭ ގޮތަށް ކޮމިޝަންގެ އުސޫލު އަނެއްކާ ވެސް ވަނީ ބަދަލުކޮށްފަ އެވެ. ދެން އާންމުކުރާނީ، މައްސަލަ ބަލައި ނިންމައި ފަހުން މައްސަލައެއް ސާބިތުވާނަމަ އެވެ.

"އަޅުގަނޑުމެންގެ ޕޮޒިޝަނަށް ބަދަލެއް މި ގެންނަނީ، ފަނޑިޔާރުންގެ އެ ކަންބޮޑުވުމަށް އެޑްރެސް ކުރުމަށް ޓަކައި،" ހިސާން ވިދާޅުވި އެވެ.

ޖޭއެސްސީގެ އުސޫލަށް ގެނައި ބަދަލުގެ ސަބަބުން "ޓްރާންސްޕޭރެންސީ" ގެ ސިޔާސަތަށާއި، ކޮމިޝަންގެ މަސައްކަތަށް އެއްވެސް އަސަރެއް ކުރާ ތަނެއް ނުފެންނަ ކަމަށް ވެސް ހިސާން ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox