މުއިއްޒުގެ މޭޔަރުކަމުގައި ސިޓީ ކައުންސިލުގެ ވަކީލަކަށް ހުރި އަލީ ނަސީރު ޖޭއެސްސީއަށް އައްޔަންކޮށްފި

ޖޭއެސްސީއަށް އައްޔަންކުރި ގާސިމްއާ މުއިއްޒު ލިޔުން ހަވާލުކުރައްވަނީ: މިއީ މި ދައުރުގެ ތެރޭގައި ރައީސްގެ ހައިސިއްޔަތުން ޖޭއެސްސީގައި އިންނަވާ މެންބަރު ބަދަލުވީ ތިން ވަނަ ފަހަރު --- ފޮޓޯ: ރައީސް އޮފީސް

ޖޭއެސްސީއަށް އައްޔަންކުރި ގާސިމްއާ މުއިއްޒު ލިޔުން ހަވާލުކުރައްވަނީ: މިއީ މި ދައުރުގެ ތެރޭގައި ރައީސްގެ ހައިސިއްޔަތުން ޖޭއެސްސީގައި އިންނަވާ މެންބަރު ބަދަލުވީ ތިން ވަނަ ފަހަރު --- ފޮޓޯ: ރައީސް އޮފީސް

ފަނޑިޔާރުންގެ މައްސަލަތައް ބަލާ ޖުޑީޝަލް ސާވިސް ކޮމިޝަން (ޖޭއެސްސީ) ގައި އިންނަވާ ރައީސްގެ މެންބަރުގެ ހައިސިއްޔަތުން، ގާނޫނީ ވަކީލު އަލީ ނަސީރު ގާސިމް އެ މަގާމަށް މިއަދު އައްޔަންކޮށްފި އެވެ. 

ރައީސް އޮފީހުގައި ބޭއްވި ރަސްމިއްޔާތެއްގައި އަލީ ނަސީރު ގާސިމާ ވަނީ މަގާމުގެ ލިޔުން ހަވާލުކޮށްފަ އެވެ. އޭނާ މި މަގާމަށް އައްޔަންކުރީ ކުރީ ޖޭއެސްސީގައި ރައީސްގެ މެންބަރެއްގެ ގޮތުގައި ހުންނެވި ޔަޒްމީދު މުހައްމަދު އިސްތިއުފާ ދެއްވުމާ ގުޅިގެންނެވެ.

ޔަޒްމީދުގެ ބަދަލުގައި ރައީސްގެ މެންބަރެއްގެ ހައިސިއްޔަތުން ޖޭއެސްސީއަށް އައްޔަންކުރި އަލީ ނަސީރު ގާސިމަކީ ރައީސް މުަހައްމަދު މުއިއްޒު މާލެ ސިޓީގެ މޭޔަރަކަށް ހުންނެވި ދުވަސްވަރު މާލެ ސިޓީ ކައުންސިލުގެ ގާނޫނީ ވަކީލެވެ. މިހާރު މައްސަލަ ބޮޑުވެގެން އުޅޭ މަސް މާރުކޭޓު ބިން ބަޔަކަށް ދެވަނަ ބަޔަކަށް ދިނުމުގެ އެއްބަސްވުމުގައި ސޮއިކުރި މީހަކީ ވެސް އަލީ ނަސީރު ގާސިމެވެ.

Advertisement

ޖޭއެސްސީގައި މުއިއްޒުގެ ފުރިހަމަ ކޮންޓްރޯލް ހިފަހައްޓަމުން އަންނައިރު، މިއީ މި ސަރުކާރުގެ ދައުރުގެ ތެރޭގައި ރައީސްގެ މެންބަރެއްގެ ގޮތުގައި އެ ކޮމިޝަނަށް އައްޔަންކުރި ތިން ވަނަ މީހާ އެވެ.

މި ސަރުކާރުގައި ރައީސްގެ މެންބަރެއްގެ ގޮތުގައި ޖޭއެސްސީއަށް އައްޔަންކުރީ މުހައްމަދު ސަމީރެވެ. އޭނާ އެ މަގާމުން ވަކިކުރުމަށް ފަހު ޔަޒްމީދު ޖޭއެސްސީގެ މެންބަރުކަމަށް އައްޔަންކުރީ މިދިޔަ އަހަރުގެ ފެބްރުއަރީ 23، ގައި އެވެ. ޔަޒްމީދު އިސްތިއުފާ ދިންއިރު އޭނާ ހުރީ އެ ކޮމިޝަންގެ ނައިބު ރައީސްގެ މަގާމުގަ އެވެ. 

ޔަޒްމީދު އިސްތިއުފާ ދިން އިރު، އޭނާގެ މައްޗަށް ފަނޑިޔާރުންނަށް ނުފޫޒު ފޯރުވުމުގެ ސީރިއަސް ތުހުމަތުތަކެއް ކުރެވެ އެވެ. އަދަދު އަށް މައުލޫމާތު ދިން މީހުން ބުނެފައިވާ ގޮތުގައި ޔަޒްމީދު ވަނީ ކޯޓުތަކުގައި ހިނގަމުންދާ މައްސަލަތަކަށް ނުފޫޒު ފޯރުވުމަށް ފަނޑިޔާރުންނަށް ގުޅައި، ވަކި ގޮތަކަށް އަމަލުކުރުމަށް އެދިފަ އެވެ.

އޭގެ އިތުރުން، ޔަޒްމީދު ކަމަށް ބެލެވޭ މީހަކު ސަރުކާރަށް ފާޑުކިޔައި ވާހަކަ ދައްކާފައިވާ އޯޑިއޯއެއް ވެސް މީގެ ކުރިން ލީކުވި އެވެ. ނަމަވެސް އޭނާގެ އިސްތިއުފާއާ މިއިން ކަމަކާ ގުޅުމެއް ހުރި ކަމެއް ކަށަވަރެއް ނޫނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox