އީގަލްސް ބަލިކޮށް މާޒިޔާ އިން ފަސް ވަނަ ފަހަރަށް ޝީލްޑް ކާމިޔާބުކޮށްފި

Apr 3, 2023, 7:00 PM
މާޒިޔާ އިން ޝީލްޑް ކާމިޔާބު ކުރުުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު ސްޕޯޓްސް

މާޒިޔާ އިން ޝީލްޑް ކާމިޔާބު ކުރުުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު ސްޕޯޓްސް

ރާއްޖޭގެ ފުޓްބޯޅަ ސީޒަން ފެއްޓުމުގެ ގޮތުން މިރޭ ކުޅުނު މެޗުގައި ކްލަބް އީގަލްސް 2-1 އިން ބަލިކޮށް، މާޒިޔާ ސްޕޯޓްސް އެންޑް ރެކްރިއޭޝަނުން ފަސް ވަނަ ފަަހަރަށް ޝީލްޑް އުފުލާލައިފި އެވެ.

އެންމެ ގިނަ ފަހަރު ޝީލްޑް އުފުލާލުމުގެ ރެކޯޑް އޮތް މާޒިޔާ އިން މި ވަނީ 2015، 2016، 2017، 2021 އަދި 2023 ވަނަ އަހަރު އެވެ. އީގަލްސް އިން ވަނީ 2020 ވަނަ އަހަރު މާޒިޔާ ބަލިކޮށް ޝީލްޑް އުފުލާލައިފަ އެވެ.

ހަތް މަހަށް ވުރެ ގިނަ ދުވަހުގެ ބްރޭކަކަށް ފަހު، ގަލޮޅު ދަނޑުގައި މިރޭ ކްލަބް ލެވަލްގެ ރަސްމީ މެޗެއް ކުޅުނުއިރު، މާޒިޔާ އާއި އީގަލްސް އިން ވެސް މި ވަނީ މި ސީޒަން ފެށިއިރު ގެނައި ކުޅުންތެރިންނަށް ފުރަތަމަ އެގާރައިން ފުރުސަތު ދީފަ އެވެ.

އެ ގޮތުން، މާޒިޔާގެ ފުރަތަމަ އެގާރައިގައި އީގަލްސް އިން ގެނައި ތިން ކުޅުންތެރިން ކަމަށްވާ ހަސަން ރާއިފް އަހުމަދު (ހަންނަ) އާއި އަހުމަދު ނޫމާން (ހެލްމެޓް) އަދި ހުސެއިން ސިފާއު ޔޫސުފް (ކުރޯ) ވަނީ ހިމަނައިފަ އެވެ.

މެޗުގެ ކުޅުން ފަށައިގެން އަށް ވަނަ މިނިޓްގައި މާޒިޔާގެ ހެމްލެޓްގެ ފަލަމަސްގަނޑަށް ލިބުނު އަނިޔާގެ ސަބަބުން ބަދަލުކޮށްފަ އެވެ.

މާޒިޔާ އަށް ލީޑުނަގައިދިނީ 15 ވަނަ މިނިޓްގައި ހަންނަ އެވެ. މިދިޔަ ސީޒަނުގައި އީގަލްސް ޓީމަށް އެންމެ ގިނަ ގޯލު ޖަހައިދިން އެއް ކުޅުންތެރިޔާ، ހަންނަ، މި ފަހަރުގެ ސީޒަނުގައި މި ވަނީ މާޒިޔާ ޖޯޒީގައި ކުޅުނު ފުރަތަމަ މެޗުގައި ވެސް ގޯލު ޖަހައިފަ އެވެ. އޭރިއާތެރެއިން މާޒިޔާގެ ހައިޝަމް ހަސަން (ބިޑި) ނެގި ހުރަހަކުން ހަންނަ ވަނީ ތިރިތިރިން ގޯލުގެ ދުރު ކަނަށް ބޯޅަ ވައްދާލައިފަ އެވެ.

ފުރަތަމަ ގޯލު ޖެހުމަށް ފަހު، މާޒިޔާ އިން ލީޑުފުޅާކުރަން މާޒިޔާ އިން މާގިނައިރެއް ނުނެގި އެވެ. މެޗުގެ 18 ވަނަ މިނިޓްގައި މާޒިޔާގެ ސާބިއާ ފޯވާޑް، ސްޓެފަން މިހަލޮވިޗް ވަނީ އެ ޓީމުގެ ދެ ވަނަ ގޯލު ޖަހައިފަ އެވެ. މަތިން މިހަލޮވިޗަށް ކުޅުނު ބޯޅަ މޮޅަށް ކޮންޓްރޯލް ކުރުމަށް ފަހު އޭރިއާތެރެއިން ޖާގަ ހޯދައި، ދުރު ކަނަށް ފޮނުވާލިއިރު، ބޯޅަ ގޯލަށް ވަނީ ދަނޑީގައި ޖެހިފަ އެވެ.

މާޒިޔާގެ ހަމްޕު (ވ) އަތުން ބޯޅަ ހޯދަން އީގަލްސްގެ މައިސާން މަސައްކަތް ކުރަނީ.--- ފޮޓޯ: އަބްދުﷲ އިޔާން/ އަދަދު

މާޒިޔާ އިން ދެ ގޯލުގެ ލީޑެއް ނަގައި ހަމަޖެހިލިއިރު، އީގަލްސް އިން އެ ޓީމުގެ ކުރިއަށް ކުުޅުނު ތިން ކުޅުންތެރިން ކަމަށްވާ ޓީމުގެ ކެޕްޓަން، އަހުމަދު ރިޒުވާން (ރިޒޭ) އާއި އިސްމާއިލް އީސާ (މެސީ) އަދި ކުރިން މާޒިޔާ އަށް ކުޅުނު އިބްރާހިމް މަހުދީ (ފޭދޫ އިއްބެ) އަށް ބޯޅަ ދީގެން އެޓޭކް ކުރެވޭތޯ ބަލަމުންދިޔައިރު، މާޒިޔާ ގޯލުގައި ހުރި ހުސެއިން ޝަރީފް ހާސްކޮށްލެވޭ ވަރުގެ ހަމަލާއެެއް ފޮނުވައިނުލެވުނެވެ.

ފުރަތަަމަ ހާފު ނިމުމުގެ ކުރިން މާޒިޔާ އިން ތިން ވަނަ ގޯލެއް ޖެހުމަށް ރަނގަޅު ހަމަލާއެއް ފޮނުވާލި އެވެ. އޭރިއާ ރޮނގުކައިރިން މާޒިޔާގެ އިބްރާހިމް އައިސަމް ޖެހި ބޯޅަ އީގަލްސްގެ ކީޕަރު މުހައްމަދު ޝަފީއު (ޗެކް) ވަނީ މަތަކޮށްފަ އެވެ.

އީގަލްސް އިން ދެ ވަނަ ހާފަށް ނުކުތީ ބަދަލަކާ އެކު އެވެ. އީސަގެ ބަދަލުގައި ބްރެޒިލްގެ ފޯވާޑް އިވާން ކާލޯސް ކުޅެން އަރުވައިފަ އެވެ.

ދެ ވަަނަ ހާފް ފެށިގެން އީގަލްސް އިން ވަރަށް ބޮޑަށް ކުރިއަށް ޖެހިގެން ކުޅެން ފެށި އެވެ. ރިޒޭ އަށް ހުސްކޮށް ލިބުނު ފުރުސަތެއްގައި ޖެހި ޝޮޓް އަރިމަތީ ދާގަނޑަށް އަމާޒުވިއިރު، އިވާން ޖެހި ގޯލު ވަނީ އޮފްސައިޑް ކަމަށް ނިންމައިފަ އެވެ. އެ ނިންމުމާ މެދު އީގަލްސް އިން ހިތްހަމަނުޖެހުން ފާޅުކުރި އެވެ.

އޭގެ ފަހުން، މާޒިޔާ އިން މަޑުމަޑުން މެޗުގެ ތެރެއަށް ވަދެ، ފުރުސަތު ހޯދަން ފެށި އެވެ. މެޗުގެ 66 ވަނަ މިނިޓްގައި މާޒިޔާގެ ހަމްޒާ މުހައްމަދު (ހަމްޕު) ފޮނުވާލި ބޯޅަ ދަނޑިކައިިރިން ދިޔައިރު، އޭގެ މިނިޓެއް ފަހުން، އެ ޓީމުގެ މިސްރު މިޑްފީލްޑަރު، ހަލީލް ޖަމާލް ޖެހި ޝޮޓް ކީޕަރު ޝަފީއު ވަނީ ހުއްޓުވައިފަ އެވެ.

އީގަލްސް އިން ވަނީ މެޗުގެ 72 ވަނަ މިނިޓްގައި ހިލޭ ޖެހުމަކުން ތަނަވަސްކުރި ފުރުސަތެއްގައި ގޯލު ޖަހައިފަ އެވެ. އޭރިއާތެރެއަށް ހުރަސްވި ބޯޅަ ދޫވެގެން އައި ވަގުތު، އީގަލްސްގެ ބިދޭސީ ޑިފެންޑަރު، ޖަހަންގިރު ބަހޯދިރު ވަނީ ގޯލަށް ބޯޅަ ވައްދާލައިފަ އެވެ.

މެޗުގެ 78 ވަނަ މިނިޓްގައި އޭރިއާތެރެއިން މާޒިޔާގެ ހަމްޕު ޖެހި ބޯޅަ ކީޕަރު ޝަފީއު ވަނީ މަތަކޮށްފަ އެވެ. އޭގެ ފަހުން، އޭރިއާތެރެއިން މާޒިޔާގެ ނާއިޒު ހަސަން (ދާދު) ޖެހި ބޯޅަ އީގަލްސް ޑިފެންޑަރަކު ފައިގައި ޖެހިފައި ދިޔައީ އަރިމަތިން ބޭރުންނެވެ.

އިތުރު ގޯލެއް ޖަހައި، ނަތީޖާ ހަމަހަމަކުރަން އީގަލްސް އިން ކުރި މަސައްކަތް ކާމިޔާބުވާ ގޮތެއްނުވި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox