ހެނާންޑޭޒްގެ ކޮންޓްރެކްޓް ހަމަވުމުން އެފްއޭ ކަޕްގައި މާޒިޔާގެ ކޯޗަކަށް ސުޒެއިރު

Mar 12, 2026, 9:48 AM
ލީގުގެ މެޗެއްގެ ތެރެއިން ހެނާންޑޭޒް (ވ) އާއި ސުޒެއިރު.--- ފޮޓޯ: އަދަދު ސްޕޯޓްސް ފައިލް ފޮޓޯ

ލީގުގެ މެޗެއްގެ ތެރެއިން ހެނާންޑޭޒް (ވ) އާއި ސުޒެއިރު.--- ފޮޓޯ: އަދަދު ސްޕޯޓްސް ފައިލް ފޮޓޯ

މި ސީޒަނުގައި މާޒިޔާ ސްޕޯޓްސް އެންޑް ރެެކްރިއޭޝަންގައި ޖުމްލަކޮށް ކާމިޔާބު މަސައްކަތްތަކެއް ކުރި ސްޕެއިނުގެ ކޯޗު ލުއިސްމާ ހެނާންޑޭޒްގެ ކޮންޓްރެކްޓް ހަމަވުމާ އެކު، ސީޒަންގެ ފަހު މުބާރާތް އެފްއޭ ކަޕްގައި މާޒިޔާގެ ކޯޗުގެ ޒިންމާ އެސިސްޓަންޓް ކޯޗު، އަހުމަދު ސުޒެއިރު (ކޮއްކޮ)އާ ހަވާލުކޮށްފި އެވެ.

މި ސީޒަނުގައި މާޒިޔާ ގޮވައިގެން ހެނާންޑޭޒް ވަނީ އެފްއޭއެމް ލީގު ކަޕް ޗެމްޕިއަންކަމާއި ޗެރިޓީ ޝީލްޑް ވެސް އުފުލާލައިފަ އެވެ. ތަޖުރިބާކާރު ކޯޗު ހެނާންޑޭޒް މި ވަނީ މީގެ ކުރިން ދެކުނު ކޮރެއާ، ކުވެއިތު، ލިތުއޭނިއާ އަދި އުޒްބެކިސްތާނުގައި އެކި މަސައްކަތްތަކެއް ކޯޗިންގައި ކޮށްފަ އެެވެ.

މާޒިޔާ އަށް އޭނާ އެންމެ ފަހުން އިރުޝާދު ދިން މެޗަކީ، ޕްރެޒިޑެންޓްސް ކަޕް ފައިނަލުގައި އޮޑި ސްޕޯޓްސް ކްލަބް އަތުން ޕެނަލްޓީ ޖަހައިގެން ބަލިވި މެޗުގަ އެވެ. މިއީ، މި ސީޒަނުގައި ދިވެހި ޓީމެއް އަތުން މާޒިޔާ ބަލިވި ފުރަތަމަ ފަހަރެވެ.

Advertisement

މިދިޔަ އަހަރުގެ ޖެނުއަރީ މަހު މާޒިޔާގެ ކޯޗަކަށް ހަމަޖެއްސި ޔުއެފާ ޕްރޯ ލައިސަންސް ކޯޗު، ހެނާންޑޭޒް ވަނީ މާޒިޔާ އަށް 30 މެޗުގައި ކޯޗުކޮށްދީފަ އެވެ. އޭގެ ތެރެއިން 24 މެޗުން މޮޅުވިއިރު، ހަތަރު މެޗުން އެއްވަރުވެ، ދެ މެޗުން ވަނީ ބަލިވެފަ އެވެ. ބަލިވި ދެ މެޗަކީ، ޕްރެޒިޑެންޓްސް ކަޕް ފައިނަލުގައި އޮޑި އަތުންނާއި އޭއެފްސީ ޗެލެންޖު ލީގުގައި ކުވެއިތުގެ އަލް އަރާބި އަތުންނެވެ.

ސުޒެއިރު (ވ) އެފްއޭއެމް ލީގު ކަޕްގެ ތަށި ހިފައިގެން.---- ފޮޓޯ: އަދަދު ސްޕޯޓްސް

ކޮއްކޮ އަނެއްކާ ވެސް މާޒިޔާ ލީޑުކުރަނީ

މާޒިޔާގެ ކޯޗިން ޓީމުގައި އަބަދުވެސް ފެންނަ އެއް ފަރާތަކީ ކޮއްކޮ އެވެ. މީގެ ކުރިން ވެސް މާޒިޔާއާ ހަވާލުވާ ކޯޗުންގެ ކޮންޓްރެކްޓް ހަމަވެ، އެހެން ނޫން ގޮތަކަށް ވެސް ކޯޗަކު ޓީމާ ވަކިވާން ޖެހިއްޖެނަމަ، ހެޑް ކޯޗުގެ ޒިންމާއާ ހަވާލުވަނީ ކޮއްކޮ އެވެ.

މި ފަހަރުގެ ސީޒަނުގައި ވެސް ހެނާންޑޭޒްގެ ކޮންޓްރެކްޓް ހަމަވުމުން، މާޒިޔާ އިން ނިންމާފައިވަނީ އެ ޓީމު ލީޑުކުރުމުގެ ޒިންމާ ކޮއްކޮއާ ހަވާލުކުރުމަށެވެ. ގައުމީ ޓީމުގެ އެސިސްޓަންޓް ކޯޗުގެ މަގާމު ވެސް އަދާކޮށްފައިވާ ކޮއްކޮ، އެންމެ ފަހުން ވެސް މާޒިޔާ ޓީމުގެ ހެޑް ކޯޗަކަށް މަސައްކަތްކޮށްފައިވަނީ، އެފްއޭ ކަޕެއްގަ އެވެ.

އެ ގޮތުން، 2022 ވަނަ އަހަރުގެ އެފްއޭ ކަޕާ މާޒިޔާ އިން ކުރިމަތިލިއިރު، އެ ފަހަރު އެ ޓީމުގެ ކޯޗަކަށް ހުރި ސާބިއާގެ މިއޮޑްރަގް ޖެސިޗް، އަށް ސައުދީ އަަރަބިއްޔާގެ ޓީމަކުން ލިބުނު އޮފާއަކާ އެކު، އޭނާ އަށް މާޒިޔާ ދޫކޮށްލަން ޖެހުނެވެ. އެހެންވެ، ޖެސިޗް ދިއުމާ އެކު، މާޒިޔާގެ ކޯޗުކަން އެފްއޭ ކަޕަށް ހަވާލުކުރީ ކޮއްކޮއާ އެވެ.

އެ ފަހަރުގެ ފައިނަލުގައި، ކޮއްކޮގެ އިރުޝާދުގެ ދަށުން މާޒިޔާ އިން ވަނީ ކްލަބް ވެލެންސިއާ 2-0 އިން ބަލިކޮށް އެފްއޭ ކަޕްގެ ޗެމްޕިއަންކަން ތިން ވަނަ ފަހަރަށް ހޯދައިފަ އެވެ. އެ އަހަރުގެ ފަހުން، އެފްއޭ ކަޕް އަދި ނުބާއްވާއިރު، މާޒިޔާ އިން ތަށި ދިފާއުކުރަން ނުކުންނައިރު ވެސް ހެޑް ކޯޗެއްގެ މަގާމުގައި ހުންނާނީ ކޮއްކޮ އެވެ.

އަންނަ މަހު ފަށާ މި ސީޒަނުގެ އެފްއޭ ކަޕްގައި، ފުރަތަމަ ޑިވިޝަނުން އެފްއޭ ކަޕްގައި ނުކުޅެނީ، ވެލެންސިއާގެ އިތުރުން ކްލަބް ގްރީން ސްްރީޓްސް އާއި ޔުނައިޓެޑް ވިކްޓަރީ (ޔޫވީ) އެވެ. ފުރަތަމަ ޑިވިޝަންގެ ހަތް ކްލަބްގެ އިތުރުން، ދެން، އެފްއޭ ކަޕްގައި ކުޅެނީ، ތިން ވަނަ ޑިވިޝަނުގައި ކުޅެން ތައްޔާރުވަމުން އަންނަ ބްލޫސް ސްޕޯޓްސް ކްލަބް އވެ.

އަންނަ މަހުގެ 10 ވަނަ ދުވަހު ކުޅޭ، އެފްއޭ ކަޕްގެ ކުއާޓާ ފައިނަލް ދެ މެޗުގައި ބައްދަލުކުރާނީ، ކްލަބް އީގަލްސް އާއި ބްލޫސްގެ އިތުރުން ނިއު އާއި އޮޑި އެވެ. އަދި، އަންނަ މަހުގެ 11 ވަނަ ދުވަހު ކުޅޭ އެފްއޭ ކަޕް ކުއާޓާ ފައިނަލް ދެ މެޗަށް ބަލާއިރު، ވިކްޓަރީ ސްޕޯޓްސް ކްލަބުން ކުޅޭނީ ޓީސީ ސްޕޯޓްސް ކްލަބާ އެވެ. އަދި، އަނެއް މެޗުގައި އެންމެ ފަހުގެ ޗެމްޕިއަން، މާޒިޔާ ބައްދަލުކުރާނީ ބުރުއާ އެވެ.

މިދިޔަ ނުވަ ވަރަކަށް އަހަރު ތެރޭ، ރާއްޖޭގެ އެފްއޭ ކަޕް ފުޓްބޯޅަ މުބާރާތް ބޭއްވުނީ ދެ ފަހަރު އެވެ. މި ފަހަރުގެ މުބާރާތުގެ ސެމީ ފައިނަލް އޮތީ އަންނަ މަހުގެ 15 ވަނަ ދުވަހު އެވެ. އަދި، ފައިނަލް މެޗު އޮތީ އަންނަ މަހުގެ 18 ވަނަ ދުވަހު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox