ނިއު އަތުން މާޒިޔާ މޮޅުވީ "ރަނގަޅު ފުޓްބޯޅަ މެޗެއް" ކުޅެގެން: ހެނާންޑޭޒް

Feb 21, 2026, 6:46 AM
ނިއު އަތުން މާޒިޔާ މޮޅުވީ "ރަނގަޅު ފުޓްބޯޅަ މެޗެއް" ކުޅެގެން: ހެނާންޑޭޒް

ޕްރެޒިޑެންޓްސް ކަޕްގެ ސެމީ ފައިނަލް ފުރަތަމަ މެޗުގައި ރޭ ނިއު ރޭޑިއަންޓް ސްޕޯޓްސް ކްލަބް އަތުން މާޒިޔާ ސްޕޯޓްސް އެންޑް ރެކްރިއޭޝަން މޮޅުވި މެޗަކީ، "ރަނގަޅު ފުޓްބޯޅައެއް" ފެނިގެންދިޔަ މެޗެއް ކަމަށް މާޒިޔާގެ ކޯޗު ލުއިސްމާ ހެނާންޑޭޒް ބުނެފި އެވެ.

ރޭގެ މެޗުގެ ފުރަތަމަ ހާފުގައި މާޒިޔާ އިން ދެ ގޯލުގެ ލީޑެއް ނެގި އެވެ. ދެ ވަނަ ހާފުގައި ނިއު އިން ނުކުމެ 2-2 އިން އެއްވަރުކުރިއިރު، މެޗުގެ ނަތީޖާ ނެރެން ޖެހުނީ ޕެނަލްޓީ ޖަހައިގެންނެވެ. ޕެނަލްޓީގައި ނިއު އަތުން 4-3 އިން މާޒިޔާ މޮޅުވެ، ފައިނަލަށް ދަތުުރުކޮށް، ތަށި ދިފާއުކުރުމުގެ ފުރުސަތު ހޯދީ އެވެ.

Advertisement

މެޗަށް ފަހު، މީޑިއާ އަށް ދިން އިންޓަވިއުއެއްގައި، ހެނާންޑޭޒް ބުނެފައިވަނީ، މި ކަހަލަ ރަނގަޅު މެޗަކުން މޮޅުވުމުގެ ހިތްހަމަޖެހުން ބޮޑު ކަމަށާއި މެޗު ދިޔަ ގޮތަށް ބަލާއިރު، ފުރަތަމަ ހާފުގައި މާޒިޔާ އިން ދެ ގޯލު ޖަހައި، ދެ ވަނަ ހާފުގައި، ސަމާލުކަން ގެއްލުނު ވަގުތުތަކެއްގައި ގޯސްތަކެއް ހެދިގެން އެ ޓީމު ކޮޅަށް ދެ ގޯލު ވަނީ ކަމަށެވެ.

"ދެ ވަނަ ހާފު ފަށައިގެން އެ މީހުން (ނިއު ރޭޑިއަންޓް އިން) ހަތަރު ކުޅުންތެރިން އެޓޭކަށް ލައިގެން ކުޅެން ފެށިއިރު، އަހަރެމެންނަށް ރިއެކްޓް ކުރެވުނީ ފަހުން، ދެން، ދެ ވަނަ ގޯލަކީ އަހަރެމެންގެ މިސްޓޭކެއް. މިއީ، ފުޓްބޯޅަ. އަހަރެމެން ފުރަތަމަ ހާފުގައި ގޯލުތައް ޖެހީ، ދެ ވަނަ ހާފުގައި އެ މީހުން ގޯލު ޖެހީ، މިއީ، މި މުބާރާތަށް ރަނގަޅު މެޗެއް. ގައުމީ ފުޓްބޯޅަ ޓީމަށް ވެސް ފައިދާކުރާނެ މެޗެއް. އެއީ ވަރަށް އަވަހަށް ގައުމީ ޓީމުުގެ މެޗެއް ވެސް އެބައޮތް،" ހެނާންޑޭޒް ބުންޏެވެ.

އަންގާރަ ދުވަހު ކުޅޭ ފައިނަލުގައި މާޒިޔާއާ ބައްދަލުކުރާނެ ޓީމެއް އެނގޭނީ މިރޭ ކުޅޭ ސެމީ ފައިނަލުގައި، ބުރު ސްޕޯޓްސް ކްލަބާއި އޮޑި ސްޕޯޓްސް ކްލަބް ބައްދަލުކުރާ މެޗުންނެވެ.

"އަހަރެން އުންމީދު ކުރަނީ ވަރަށް ރަނގަޅު ފުޓްބޯޅަ މެޗެއް އެ މެޗުގައި ވެސް ފެންނާނެ ކަމަށް. ކުޅުންތެރިންގެ ރަނގަޅު ކުޅުން ފެންނަ ވާދަވެރި މެޗަކަށް. ދެން، އެ ތަނުން ކޮންމެ ޓީމެއް މޮޅުވިޔަސް، މަރުހަބާ ކިޔަން ތައްޔާރު،" ފައިނަލުގައި ޖެހޭނެ ޓީމަކާ ބެހޭގޮތުން ސުވާލުކުރުމުން ހެނާންޑޭޒް ބުންޏެވެ.

މާޒިޔާއާ ހަވާލުވި ފަހުން ހެނާންޑޭޒް ވަނީ، އެ ޓީމަށް މެއި މަހުގެ އެފްއޭއެމް ލީގު ކަޕާއި އެފްއޭ ޗެރިޓީ ޝީލްޑާއި ދިވެހި ޕްރިމިއާ ލީގުގެ ޗެމްޕިއަންކަން ހޯދައިދީފަ އެވެ. މި ހުރިހާ ކަމެއް ހާސިލްކުރީ މެޗަކުން ބަލިނުވެ އެވެ.

ހެނާންޑޭޒް ބުނީ، ހަގީގަތުގައި މިއީ ވަރަށް ބުރަކޮށް މަަސައްކަތްކޮށްގެން ހާސިލްކުރެވޭ ކަމެއް ކަމަށާއި އުންމީދަކީ މި ގޮތުގައި ފައިނަލަށް ނުކުމެ އެ މެޗުގައި ވެސް ކާމިޔާބު ހޯދުން ކަމަށެވެ.

ފައިނަލަށް ނުކުންނައިރު މާޒިޔާ އަށް ލިބޭނެ ހިތްހަމަޖެހުމަކީ، އިދިކޮޅަށް ކުޅެން ނުުކުންނަ ޓީމަކަށް ވުރެން އިތުރު އެއް ދުވަސް ރިކަވަރީ އަށް ލިބޭނެތީ ކަމަށް ކޯޗު ހެނާންޑޭޒް ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox