ޓޭޒާ ބަޑި ބޭނުންކުރުން ހުއްޓާލަން ގިނަ ޖަމްއިއްޔާތަކަކުން ގޮވާލައިފި

މާލޭގައި މީގެ ކުރިން އިދިކޮޅުން ކުރި މުޒާހަރާއެއް ރޫޅާލުމަށް ފުލުހުން މަސައްކަތް ކުރަނީ - ފޮޓޯ: އަދަދު ފައިލް

މާލޭގައި މީގެ ކުރިން އިދިކޮޅުން ކުރި މުޒާހަރާއެއް ރޫޅާލުމަށް ފުލުހުން މަސައްކަތް ކުރަނީ - ފޮޓޯ: އަދަދު ފައިލް

ކުށްކުރުން ހުއްޓުވުމަށް މިދިޔަ މަހުގެ 26 ގައި ފުލުހުން ބޭނުންކުރަން ފެއްޓި ޓޭޒާ ބަޑި ބޭނުންކުރުން ހުއްޓާލުމަށް ގިނަ ޖަމްއިއްޔާތަކަކުން ގޮވާލައިފި އެވެ.

އެސޯސިއޭޝަން ފޯ ޑިމޮކްރަސީ އިން ދަ މޯލްޑިވްސް (އޭޑީއެމް)، ހޭންޑްސް ޓުގެދާ، މެންޓަލް ހެލްތު ސަޕޯޓް ގްރޫޕް (އެމްއެޗްއެސްޖީ)، ރައިސް އަޕް މޯލްޑިވްސް، އަދި ސޭވް މޯލްޑިވްސް އިން އެކުވެގެން ނެރުނު ބަޔާނެއްގައި ބުނީ ފުލުހުން ޓޭޒާ ބޭނުންކުރަން ނިންމި ނިންމުމުގައި ދެފުށްފެންނަ ގޮތެއް ނެތް ކަމަށާއި އެ ނިންމުން ބަދަލުކުރުމަށް ހޯމް މިނިސްޓަރު އިމްރާން އަބްދުﷲ އަދި ކޮމިޝަނާ އޮފް ޕޮލިސް މުހައްމަދު ހަމީދު އަށް ގޮވާލާ ކަމަށެވެ.

އެގޮތުން މި ޖަމްއިއްޔާތަކުން ކަމާބެހޭ އިދާރާތަކުން ވަގުތުން ވަގުތައް ހަތަރު ކަމެއް ކުރުމަށް ގޮވާލާފައިވެ އެވެ.

އެ ހަތަރު ކަމަކީ:

  • ވަގުތުން ވަގުތައް ފުލުހުން ޓޭޒާ ބޭނުންކުރުން ހުއްޓާލުން
  • ފުލުހުން ޓޭޒާ ބޭނުންކުރަން ނިންމުމުގައި ބެލި ކަންކަން ހާމަކުރުން
  • ޓޭޒާގެ ނާޖާއިޒު ބޭނުން ނުހިފޭނެކަން ކަށަވަރު ކުރުމަށް އެޅިފައިވާ ފިޔަވަޅުތައް ހާމަކުރުން
  • ފުލުހުން ޒިންމާދާރުކުރުމަށް ދީފައިވާ ޕަބްލިކް ފަންޑުތަކުގެ ރަނގަޅު ބޭނުންކޮށް ފުލުހުން ޕްރޮފެޝަނަލް ކުރުވުން

އެ ބަޔާނުގައި އިތުރަށް ބުނީ ޓޭޒާ ބޭނުންކުރުމުން 'ޝޮކް' ލިބޭ ފަރާތަށް ނުރައްކާތެރި ގެއްލުން ލިބި ބައެއް ފަހަރު މަރާ ހަމައަށް ދާކަން 2016 ވަނަ އަހަރު އިނގިރޭސިވިލާތުގެ ސައިންޓިފިކް އެޑްވައިޒަރީ ކޮމިޓީ އޮން މެޑިކަލް އިމްޕްލިކޭޝަންސް އޮފް ލެސް ލީތަލް ވެޕަންސް އިން ބުނެފައިވާ ކަމަށެވެ. އެގޮތުން ޝޮކް ލިބޭ ފަރާތުގެ ހިތް ހުއްޓޭ ހާލަތްތައް ވެސް ކުރިމަތިވެފައިވާކަން އެ ބަޔާނުގައި ވަނީ ފާހަގަކޮށްފަ އެވެ.

މީގެ އިތުރުން، 2018 ގައި އެމްނެސްޓީ އިންޓަނޭޝަނަލް އިން ހެދި ސާވޭއެއްގައި، ޓޭޒާ ބޭނުންކޮށްގެން މަރުވާ މީހުންގެ ތެރެއިން 90 އިންސައްތަ މީހުންނަކީ ހަތިޔާރެއް ނެތް މީހުން ކަމަށާއި އެ މީހުން މަރުވެފައިވަނީ ޖެހިޖެހިގެން ޓޭޒާ ޝޮކް ދިނުމުގެ ސަބަބުން ކަމަށް ދައްކާފައިވާކަން ބަޔާނުގައި ބުނެފައިވެ އެވެ.

"ފުލުހުން ހާލަތާ ނުބައްދަލު ބާރުގެ ބޭނުންކުރުމާއިި ފުލުހުންގެ ނާގާބިލު ކަމުގެ ސަބަބުން މީގެ ކުރިން ވެސް ރާއްޖޭގައި އެތައް ބަޔަކަށް ޖިސްމާނީ އަދި ނަފުސާނީ ގެއްލުން ވަނީ ލިބިފައި," ބަޔާނުގައި ވަނީ ބުނެފަ އެވެ.

މީގެއިތުރުން، މި ފަހުން ފުލުހުން ބޮޑީ ވޯން ކެމެރާ ބޭނުންކުރަން ފެށި ފަހުން ވެސް އެ އިދާރާގެ އޮފިޝަލުން ދޭ އެކި ޒާތުގެ އަނިޔާގެ މައްސަލަތައް ނުބެލި އެ އޮފިޝަލުން ޒިންމާދާރުނުކުރެވޭ ކަމަށާއި މިފަދަ ހާލަތެއްގައި އެ އޮފިޝަލުންނަށް ޓޭޒާ ބަޑި ފަދަ ހަތިޔާރެއް ދިނުމަކީ ބަލައިގަނެވޭނެ ކަމެއް ނޫން ކަމަށް އެ ޖަމްއިއްޔާތަކުން ވަނީ ފާހަގަކޮށްފަ އެވެ.

ދެން މި ބަޔާނުގައި އެންމެ ބޮޑު ކަންބޮޑުވުމެއްގެ ގޮތުގައި ފާހަގަކޮށްފައިވަނީ ޓޭޒާ ބޭނުންކުރުން ތައާރަފުކުރުމަށް މިދިޔަ އަހަރުގެ ނޮވެމްބަރު ގައި ފުލުހުން ބޭއްވި ނޫސްވެރިންގެ ބައްދަލުވުމެއްގައި ޗީފް ސުޕްރިންޑަންޓު އޮފް ޕޮލިސް ޔޫނުސް ސޮބާހު ފާހަގަކުރެއްވި ކަމެކެވެ. އެގޮތުން 'އަމިއްލަ ނަފުސައް ގެއްލުންދޭ އުޅޭ މީހުން ހުއްޓުވުމަށް' ވެސް ޓޭޒާ ބޭނުންކުރެވޭނެ ކަމަށް އެ ދުވަހު ޔޫނުސް ވިދާޅުވި އެވެ. މިފަދައިން މިކަން ކޮށްފި ނަމަ އެފަދަ މީހުންނަށް ދާއިމީ ގެއްލުންވެ މަރުވުންވެސް އެކަށީގެންވާ ކަމަށާއި އެފަދަ ނަފުސާނީ އަދި ޖިސްމާނީ ބަލިތައް ހުންނަ މީހުނާ ދެކޮޅަށް މިފަދަ ބާރުގަދަ ހަތިޔާރެއް ބޭނުންކުރުން އެކަށޭނަ ނުވާކަން މި ބަޔާނުގައި ބުނެފައިވެ އެވެ.

އަދި، ފުލުހުން ޓޭޒާ ބޭނުންކުރަން ނިންމީ އާންމުންގެ ކަންބޮޑުވުމެއް ނެތުމުން ކަމަށް އެ ދުވަހު ޔޫނުސް ވިދާޅުވި ނަމަވެސް އެ ނިންމުމުގެ ކުރިން އެކަމާ ގުޅޭގޮތުން އާންމުންގެ އެއްވެސް މަޝްވަރާއެއް ހޯދާފައިނުވާ ކަން ބަޔާނުގައި ވަނީ ފާހަގަކޮށްފަ އެވެ.

ޓޭޒާ ބޭނުންކުރަން ފެށުން

މިދިޔަ އަހަރުގެ ނޮވެމްބަރުގައި ފުލުހުން ޓޭޒާ ބޭނުންކުރަން ނިންމިކަން އިއުލާނު ކުރި ނަމަވެސް އެކަން ކުރަން ފެށީ މިދިޔަ މަހުގެ 26 ގަ އެވެ.

އެގޮތުން ޓޭޒާ ބަޑި ބޭނުންކުރަން ފެށި ދުވަހު ސީޕީ ހަމީދު ކުރެއްވި ޓުވީޓެއްގައި ވިދާޅުވީ އެ ބަޑި ބޭނުންކުރާނީ ސާޖެންޓު އަދި އެއަށް ވުރެ މަތީ ރޭންކުތަކުގައި އެކަމަށް ހާއްސަ ތަމްރީނު ދީފައިވާ ފުލުހުން ކަމަށާއި އެ ތަމްރީނުތައް ފުރިހަމަ ނުކުރާ ފުލުހުންނަށް ޓޭޒާ ބަޑި ހަވާލު ނުކުރާނެ ކަމަށެވެ.

ފުލުހުން ބޭނުންކުރާ ބަޑީގެ ރޭންޖަކީ 25 ފޫޓެވެ. އެ ބަޑި ބޭނުންކުރުމުގެ މިންގަނޑެއް އެކުލަވާލާފައިވާއިރު ބަޑި ބޭނުންކުރާނީ ޝޮކް ދެވޭ ފަރާތާއި ހަތަރު ފޫޓު ދުރުންނެވެ. ޓޭޒާ ބަޑި ބޭނުންކުރަން ފަށާ ވަގުތުން ފެށިގެން ފުލުސް އޮފިސަރުގެ ނަމާއި ސާވިސް ނަމްބަރާއެކު ފުލުހުންގެ އިދާރާއަށް އެ އޮފިޝަލުގެ ގައިގައި އިންނަ ބޮޑީ ވޯންކެމެރާގެ ލައިވް ފީޑު ލިބޭނެ ކަމަށް ފުލުހުން ވަނީ ބުނެފަ އެވެ.

ނަމަވެސް، ފުލުހުންނަށް މިފަދަ ހަތިޔާރެއް ދިނުމާ އެކު އިދިކޮޅު ސިޔާސީ ފަރާތްތަކާއި އާންމުންގެ ގިނަ ބަޔަކު އަންނަނީ މިކަމަށް ފާޑުކިޔާ ކަންބޮޑުވުން ފާޅުކުރައްވަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox