ހުލާސާކޮށް އިއްޔެ: ހޯމް މިނިސްޓަރުގެ އިންޒާރެއް

Mar 8, 2023, 2:44 AM
ރައްޔިތުންގެ މަޖިލީހުގެ އިއްޔެގެ ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ. -- ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ އިއްޔެގެ ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ. -- ފޮޓޯ: މަޖިލީހުގެ އިދާރާ

ޑްރަގް އެތެރެކޮށް، އޭގެ ވިޔަފާރީގައި ބައިވެރިވާ މީހުންނާއި އެކުށްތަކަށް ވާގިދޭ ބޮޑުންނަށް ވަރުގަދަ އިންޒާރެއް ހޯމް މިނިސްޓަރު އިމްރާން އަބްދުﷲ އިއްޔެ ދެއްވި އެވެ.

ރައްޔިތުންގެ މަޖިލީހުގެ ޖަލްސާގައި ތިމަރަފުށީ ދާއިރާގެ މެންބަރު އަބްދުﷲ ރިޔާޒު ސުވާލު އަމާޒު ކުރެއްވީ އެފަދަ މައްސަލަތަކުގައި ބަންދުކޮށް ދިގު މުއްދަތަށް ޖަލަށްލާފައިވާ ބައެއް ފަރާތްތައް ދޫކޮށްލާފައިވާތީ އެކަމާ ގުޅޭ ގޮތުންނެވެ.

އެފަދަ ކުށްތައް ސާބިތުވެ ބޮޑެތި ޖަލު ހުކުމްތައް އިއްވާފައިވާ މީހުންނަށް ލުއިތައް ދީ، ބަންދުން ދޫކޮށްލަމުން އަންނަނީ ކީއްވެތޯ އާއި އެފަދަ މީހުން ދޫކޮށްލާފައި ވަނީ މިނިސްޓަރުގެ ބައިވެރިވުމާއި އެނގުމުގެ ތެރެއިން ކަމަށް ވެސް މައުލޫމާތު ލިބިފައިވާ ކަމަށް ރިޔާޒު، ސުވާލުގައި ވިދާޅުވި އެވެ.

ކުރިން ޕޮލިސް ކޮމިޝަނަރުކަން ވެސް ކުރެއްވި ރިޔާޒުގެ އެ ސުވާލަށް ޖަވާބު ދެއްވަމުން މިނިސްޓަ އިމްރާން ވިދާޅުވީ މަސްތުވާތަކެއްޗާއި ގޭންގު ކުށްތައް ހިންގުމުގެ ކުށުގައި ބައިވެރިވާ ފަރާތްތަކަށް ލިބެންޖެހޭ އަދަބަށް އޭނާގެ ފަރާތުން އެއްވެސް ލުޔެއް ނުލިބޭނެ ކަމަށެވެ.

"ގޭންގުތަކާ ޑްރަގް ޓްރެފިކިންގެ ކުށްތަކަކީ އަޅުގަނޑު އެކަމަށް އަޅާނުލާ ދޫކޮށްލާނެ ކަމެއް ނޫން، އޭގެ ތެރޭގައި ޝާމިލްވާ އެއްވެސް ފަރާތެއްގެ ކުރިމަތީގައި އިރާދަކުރެއްވިއްޔާ އަޅުގަނޑު ތިރިއެއް ނުވާނަން،" އިމްރާން ވިދާޅުވި އެވެ.

އެފަދަ މައްސަލަތައް ހައްލުކުރުމުގައި ހުރި ދަތިކަމާއި ބޮޑުކަން، އަދި މޫލައި ދެމިފައިވާ މިންވަރު ބުނެދިނުމަށްޓަކައި އިމްރާން ތަކުރާރު ކުރެއްވީ ޑަރަގުގެ ބޮޑެތި ނެޓުވޯކުތަކާ ސިޔާސީ ބައެއް ބޭފުޅުންނާއި، ވިޔަފާރިވެރިންނާއި މުއައްސަސާތަކުގެ އިސްވެރިން ބައިވެރިވާ ވާހަކަ ވިދާޅުވި އެވެ.

މައްސަލަތައް ހައްލުކުރަން ފުލުންނާއެކު ވަރަށް ގިނަ މަސައްކަތްތަކެއް ކުރެވޭ ކަމަށާއި ދާތި ފަހުން ހިނގާފައިވާ ބޮޑެތި މައްސަލަތަކެއް ވެސް އިތުރަށް ބަލައި ދިރާސާ ކުރެވެމުންދާ ކަމަށް އިމްރާން ވިދާޅުވި އެވެ. އެ މަސައްކަތް ކުރިއަށް ގެންދާއިރުގައި އެއްވެސް ބޭފުޅަކާ އަރައި ހަމަކުރާނަމަ، ފަހަތަށް ނުޖެހި އެކަން ކުރާނެ ކަމަށް ވެސް ވިދާޅުވި އެވެ.

"މިއަދު ވަރަށް ސާބިތުކަމާއެކު ދަންނަވަން ހުރިހާ ބޭފުޅުން ފެއަށް ޖެހިވަޑައިގަންނަވާށޭ. މި އަޑު އެންމެން އައްސަވާނެ ކަމަށް ގަބޫލުކުރަން. އަޅުގަނޑު ފަހަތަކަށް ނުޖެހޭނަން، އެކަމަކު ހުރިހާ ބޭފުޅުން ފަހަތަށް ޖެހިވަޑައިގަންނަވަންޖެހޭ. މިފަދަ ކަމަކާ ދައުލަތުގެ އެއްވެސް އިސްވެރިޔަކު ބަޔަކު ބައިވެރިވުމަކީ މި ދައުލަތަށް ލިބޭނެ ވަރަށް ބޮޑު ގެއްލުމެއް. މިކަމުން އަޅުގަނޑުމެން އެންމެން ސަލާމާތް ވާންޖެހޭ. އެހެން ނޫނީ އަޅުގަނޑުމެންނަށް ރައްކާތެރިކަމެއް ނެތް،" އޭނާ ވިދާޅުވި އެވެ.

މުހިންމު ބައެއް ހަބަރު

މިދިޔަ މަހު ހަތް ވަނަ ދުވަހުން ފެށިގެން ގެއްލިގެން ހޯދަނިކޮށް 12 ދުވަސް ފަހުން ވެލާނާ އިންޓަނޭޝަނަލް އެއާޕޯޓުގެ ޓާމިނަލް ތެރެއިން ފެނުނު ސ. މަރަދޫފޭދޫ، ގަސްކަރަ، މުހައްމަދު އާސިރު އަށް ވީ ގޮތެއް މިހާތަނަށް ހޯދިފައި ނުވަނީ އޭނާގެ ސިއްހީ މައްސަލައެއްގެ ސަބަބުން އެ ވާހަކަތައް ކިޔައި ނުދެވޭތީ ކަމަށް ފުލުހުން އިއްޔެ ބުނެފައިވެ އެވެ.

ޝަރީއަތްތަކުގައި ގާނޫނުއަސާސީ އާއި ގާނޫނުތައް މަނާކުރުމުގައި ފާހަގަވާ މައްސަލަތަކަށް ހައްލެއް ހޯދުމަށް، ގާނޫނުއަސާސީ ޑްރާފްޓްކުރި ކޮމިޓީގެ މުގައްރިރުކަން ކުރެއްވި އިބްރާހިމް އިސްމާއީލް (އިބުރާ) މަޖިލީހުގެ ޖުޑިޝަރީ ކޮމިޓީގައި އެދިވަޑައިގެންނެވި އެވެ.

އަމީނީމަގު ތަރައްގީ ކުރުމުގެ މަޝްރޫއުގެ ދަށުން ތާރުއަޅާފައިވާ ބައިގައި ފެންބޮޑު ވަނީ އެ މަގު އެއްކޮށް ހަދާ ނުނިމޭތީ ކަމަށާއި، މަގު އެއްކޮށް ހަދާ ނިމުމުން ފެންބޮޑުވުމުގެ މައްސަލަ ހައްލުވާނެ ކަމަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) ބުނިކަމަށް އިއްޔެ ރިޕޯޓުކުރި އެވެ.

މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތުގެ ތެރެއިން ހިންގި އޮޕަރޭޝަނެއްގައި ހަތަރު ކިލޯގެ ހެރޮއިން އަތުލައިގެންފި އެވެ.

ހުޅުމާލޭގައި ހައުންސިން ޔުނިޓެއް އެޅުމުގެ މަސައްކަތް ކުރުމަށް އެމްޓީސީސީގެ ހިއްސާ އޮންނަ މޯލްޑިވްސް ރިއަލް އެސްޓޭޓް އިންވެސްޓްމަންޓް ކޯޕަރޭޝަން ޕްރައިވެޓް ލިމިޓެޑް (އެމްއާރުއީއައިސީ)އިން އޮސްޓްރޭލިޔާގެ ކުންފުންޏަކަށް 2007 ވަނަ އަހަރު ދިން ފަސް ލައްކަ އެމެރިކާ ޑޮލަރު އަނބުރާ ހޯދުމަށް އެންޓި ކޮރަޕްޝަން ކޮމިޝަން (އޭސީސީ) އިން އަންގައިފި އެވެ.

ރައީސް އިބްރާހީމް މުހައްމަދު ސޯލިހް އާއި ނައިބު ރައީސް ފައިސަލް ނަސީމްގެ ތެރެއިން މި ވަގުތު ގާނޫނީ ރައީސުލްޖުމްހޫރިއްޔާއަކީ ކޮން ބޭފުޅެއް ކަން ޔަގީން ކުރަން އިދިކޮޅު ކޯލިޝަނުން ސުޕްރީމް ކޯޓަށް ހުށަހެޅި ދުސްތޫރީ މައްސަލަ އެ ކޯޓުން ބަލައިނުގަންނަން ނިންމައިފި އެވެ.

ދުވަހުގެ ކޯޓޭޝަން

ޑްރަގުގެ ބޮޑެތި މައްސަލަތަކުގައި ބޮޑު ބައިވެރިވާކަމަށް ކުރާ ތުހުމަތުތަކާ ގުޅޭ ގޮތުން ހޯމް މިނިސްޓަރު އިމްރާން އަބްދުﷲ ރައްޔިތުންގެ މަޖިލީހުގެ އިއްޔެގެ ޖަލްސާގައި ވިދާޅުވީ؛

މިއަދު ވަރަށް ސާބިތުކަމާއެކު ދަންނަވަން ހުރިހާ ބޭފުޅުން ފިއަށް ޖެހިވަޑައިގަންނަވާށޭ. މި އަޑު އެންމެން އައްސަވާނެ ކަމަށް ގަބޫލުކުރަން. އަޅުގަނޑު ފަހަތަކަށް ނުޖެހޭނަން، އެކަމަކު ހުރިހާ ބޭފުޅުން ފަހަތަށް ޖެހިވަޑައިގަންނަވަންޖެހޭ. މިފަދަ ކަމަކާ ދައުލަތުގެ އެއްވެސް އިސްވެރިޔަކު ބަޔަކު ބައިވެރިވުމަކީ މި ދައުލަތަށް ލިބޭނެ ވަރަށް ބޮޑު ގެއްލުމެއް. މިކަމުން އަޅުގަނޑުމެން އެންމެން ސަލާމާތް ވާންޖެހޭ. އެހެން ނޫނީ އަޅުގަނޑުމެންނަށް ރައްކާތެރިކަމެއް ނެތް،"

ދުވަހުގެ ފޮޓޯ

ރައްޔިތުންގެ މަޖިލީހުގެ އިއްޔެގެ ޖަލްސާގެ ރިޔާސަތުގައި، މަޖިލީހުގެ ނައިބު ރައީސް އީވާ އަބްދުﷲ.
ރައްޔިތުންގެ މަޖިލީހުގެ އިއްޔެގެ ޖަލްސާގެ ރިޔާސަތުގައި، މަޖިލީހުގެ ނައިބު ރައީސް އީވާ އަބްދުﷲ.

ރައްޔިތުންގެ މަޖިލީހުގެ އިއްޔެގެ ޖަލްސާގެ ރިޔާސަތުގައި، މަޖިލީހުގެ ނައިބު ރައީސް އީވާ އަބްދުﷲ. -- ފޮޓޯ: މަޖިލީހުގެ އިދާރާ

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox