ދެ މީހަކަށް ތޫނު ހަތިޔާރަކުން ހަމަލާދީ، އެއިން އެކަކުގެ އިނގިލީގައި ދަތް އަޅައި އިނގިލި ބުރިކޮށްލި ކަމުގެ ތުހުމަތުގައި ބިދޭސީއަކު ހައްޔަރުކޮށްފި އެވެ.
މި މައްސަލާގައި ހައްޔަރުކޮށްފައި ވަނީ ޕޮލަސް ނަމަކަށް ކިޔާ 28 އަހަރުގެ ބަންގްލަދޭޝް މީހެކެވެ.
ކްރިމިނަލް ކޯޓުން އިއްޔެ ވަނީ ތަހުގީގު އަދި ޝަރީއަތުގެ މަރުހަލާ ނިމެންދެން އޭނާ ބަންދު ކުރުމަށް އަމުރު ނެރެދީފަ އެވެ.
އެ އަމުރުގައި ބުނެފައިވާ ގޮތުން ހަތީޔަރަކުން ދެ މީހަކަށް އަނިޔާދީ ދަތް އަޅައިގެން މީހެއްގެ އިނގިލި ބުރިކޮށްލާފައިވާ ކަމުގެ ތުހުމަތު ކުރެވޭ ވަރަށް ފުލުހުން ހެކި ހުށަހަޅާފައިވެ އެވެ.
އޭގެ ތެރޭގައި އަނިޔާވި މީހުނަށް ލިބިފައިވާ އަނިޔާތަކާއި އިނގިލި ބުރިކޮށްލާފައިވާ ފޮޓޯތަކެއް ވެސް ހިމެނެ އެވެ.
