އެމެރިކާގެ ސެއިންޓް ލުއީ ޒޫގައި ގެންގުޅޭ ސާރިދޯޅެއް މި މަހުގެ ތެރޭގައި ދެ ވަނަ ފަހަރަށް ފިލައިފި އެވެ.
ބެން ނަމަކަށް ކިޔާ "އެންޑިއަން" ސާރިދޯޅު އެންމެ ފުރަތަމަ ފިލީ ފެބްރުއަރީ ހަތް ވަނަ ދުވަހު އެވެ. އޭގެ ފަހުން ޒޫގެ ސެކިއުރިޓީ ވަރުގަދަ ކުރި އެވެ.
އެހެން ނަމަވެސް އުމުރުން ހަތަރު އަހަރުގެ އެ ސާރިދޯޅު އަނެއްކާވެސް މިދިޔަ ބުރާސްފަތި ދުވަހު ފިލި ކަމަށް ރިޕޯޓުތައް ބުނެ އެވެ.
"އެންޑިއަން" ސާރިދޯޅަކީ ހަމައެކަނި ދެކުނު އެމެރިކާ ބައްރުން ފެންނަ ޖަނަވާރެކެވެ.
ބުރާސްފަތި ދުވަހު ޒޫއިން ސާރިދޯޅު ގެއްލިގެން ހޯދަން ފެށި އެވެ. ފަންސާސް މިނެޓު ފަހުން ފެނުނު އިރު، އެ ސާރިދޯޅު މިހާރު ވަނީ އަލުން ޒޫއަށް ގެންގޮސްފަ އެވެ.
ސެއިންޓް ލުއީ ޒޫއިން ބުނީ ސާރިދޯޅު ގެންގުޅޭ ސަރަހައްދު އިތުރަށް ވަރުގަަދަ ކުރުމަަށް ހަރުދަނާ ފިޔަވަޅުތަކެއް އަޅާނެ ކަމަށެވެ.
