ސިޔާސީ ޕާޓީތައް އުވާލުމާ ގުޅޭ ދުސްތޫރީ މައްސަލަ; 10 އަހަރު ފަހުން ނިންމީ ނުބެލޭނެ ކަމަށް!

ސުޕްރީމް ކޯޓުގައި އޮތް އަޑުއެހުމުގައި އިމާދު ސޯލިހު؛ ދިހަ އަހަރު ކުރިން އޭނާ ހުށަހެޅި މައްސަލަ ނުބެލޭނެ ކަމަށް ހުކުމްކޮށްފި

ސުޕްރީމް ކޯޓުގައި އޮތް އަޑުއެހުމުގައި އިމާދު ސޯލިހު؛ ދިހަ އަހަރު ކުރިން އޭނާ ހުށަހެޅި މައްސަލަ ނުބެލޭނެ ކަމަށް ހުކުމްކޮށްފި

މީގެ ދިހަ އަހަރު ކުރިން 2013 ވަނަ އަހަރު، ގައުމީ ޕާޓީގެ ފަރާތުން އިމާދު ސޯލިހު ސުޕްރީމް ކޯޓަށް ހުށަހެޅި ދުސްތޫރީ މައްސަލަ އެ ކޯޓަށް ބެލުމުގެ އިހުތިސޯސް ނެތް ކަމަށް ދިހަ އަހަރު ފަހުން މިއަދު ހުކުމްކޮށްފި އެވެ.

އޭރު ސިޔާސީ ޕާޓީތަކުގެ ގާނޫނުގައި އޮތް ގޮތުން ޕާޓީއެއް ދެމިއޮތުމަށް 10،000 މެންބަރުން ތިބެން ޖެހެ އެވެ. އިމާދު ސޯލިހު ސުޕްރީމް ކޯޓަށް ހުށަހެޅި މައްސަލާގައި ވަނީ އޭރު އެ ގާނޫނުގައި 10،000 މެންބަރުން ހަމަނުވާ ޕާޓީތައް އުވޭ ގޮތަށް އޮތް މާއްދާއެއް ބާތިލު ކޮށްދިނުމަށެވެ.

އޭރު އެ މާއްދާ ބާތިލްކުރުމަށް ބަންޑާރަ ނައިބުގެ އޮފީހުން ސުޕްރީމް ކޯޓަށް ހުށަހެޅި ދުސްތޫރީ މައްސަލައެއްގައި، ސުޕްރީމް ކޯޓުން ވަނީ ސެޕްޓެމްބަރު 2013 ގައި އެ މާއްދާ ބާތިލު ކޮށްފަ އެވެ.

އެހެންވެ މި މައްސަލަ އިތުރަށް ބެލިގެން ނުވާނެ ކަމަށް ބަންޑާރަ ނައިބުގެ އޮފީހުން އެދިފައި ވެސް ވެ އެވެ. ނަމަވެސް، އިމާދު ހުށަހަޅާފައިވާ މައްސަލާގައި އިތުރު ނުކުތާތަކެއް ވެސް ފާހަގަ ކޮށްފައި އޮތުމުން އޭނާ އެދުނީ އެ ކަމަށް ގާނޫނީ ފަރުވާއެއް ހޯދުމަށް މައްސަލަ ކުރިއަށް ގެންދިއުމަށެވެ.

ދިހަ އަހަރު ސުޕްރީމް ކޯޓުގައި އޮތް މައްސަލައަށް ހުކުމް ކުރަން މިއަދު ބޭއްވި އަޑުއެހުމުގައި، އުއްތަމަ ފަނޑިޔާރު އަހުމަދު މުއުތަސިމް އަދުނާން ފާހަގަ ކުރެއްވީ އެ މައްސަލައަކީ ސިޔާސީ ޕާޓީތަކުގެ ގާނޫނުގެ ވަކި މާއްދާތަކަކީ ގާނޫނު އަސާސީއާ ތައާރަޒުވާ ކަމަށް ބުނެ ހުށަހަޅާފައިވާ މައްސަލައެކެވެ.

ކޯޓުތަކުގެ ގާނޫނުގެ 37 ވަނަ މާއްދާއާ ހަވާލާދީ އުއްތަމަ ފަނޑިޔާރު ވިދާޅުވި ގޮތުގައި ގާނޫނެއް ނުވަތަ ގާނޫނެއްގެ ބައެއް ގާނޫނު އަސާސީއާ ތައާރަޒުވާ ކަމަށް ބުނެ ހުށަހަޅާ މައްސަލަތަކުގެ ފުރަތަމަ މަރުހަލާގައި ބެލުމުގެ އިހުތިސޯސް އޮންނަނީ ހައި ކޯޓަށެވެ.

އޭގެ އިތުރަށް ފުރަތަމަ މަރުހަލާގައި އެ މައްސަލަ ސުޕްރީމް ކޯޓުގައި ބަލަންވީ ސަބަބެއް އިމާދު ސޯލިހުގެ ފަރާތުން ބުނެދެވިފައި ނުވާތީ ފުރަތަމަ މަރުހަލާގައި އެ މައްސަލަ ބެލުމުގެ އިހުތިސޯސް ރާއްޖޭގެ އެންމެ މަތީ ކޯޓަށް ލިބިގެން ނުވާ ކަމަށް ހުކުމް ކުރެއްވި އެވެ.

ފަސް ފަނޑިޔާރުންގެ ބެންޗަކުން ބެއްލެވި މައްސަލާގައި އުއްތަމަ ފަނޑިޔާރުގެ ރައުޔައަށް ދެން ތިއްބެވި ފަނޑިޔާރުން ވެސް ތާއީދު ކުރެއްވި އެވެ. ބެންޗުގައި ދެން ތިއްބެވީ ފަނޑިޔާރު މަހާޒު އަލީ ޒާހިރާއި، ފަނޑިޔާރު އަލީ ރަޝީދާއި، ފަނޑިޔާރު އައިޝާ ޝުޖޫން، އަދި ފަނޑިޔާރު ޑރ. އަޒްމިރަލްދާ ޒާހިރެވެ.

އިމާދު ސޯލިހު ހުށަހެޅި މައްސަލައިގެ ފަސްފަހަތް؛

ސުޕްރީމް ކޯޓަށް ގައުމީ ޕާޓީގެ ފަރާތުން ހުށަހެޅި މައްސަލާގައި ވަނީ 10،000 މެންބަރުން ހަމަކުރަން އޮތް މާއްދާއަކީ ގާނޫނު އަސާސީގެ 31 ވަނަ މާއްދަގެ ދަށުން، ސިޔާސީ ޕާޓީ އުފެއްދުމާއި ސިޔާސީ ޕާޓީތަކުގައި ބައިވެރިވުމުގެ ހައްގު ހަނިވާ ގޮތަށް އޮތް މާއްދާއެއް ކަމަށެވެ.

10،000 މެންބަރުންގެ އަދަދު ހަމަނުވެއްޖެ ނަމަ، ސިޔާސީ ޕާޓީއެއް އުފައްދައިގެން ވަކި ސިޔާސީ ފިކުރެއް ހިންގައި ޕްރޮމޯޓްކުރަން ބޭނުންވާ ކޮންމެ ފަރުދަކަށް ލިބެން ޖެހޭ ކަމަށް ގާނޫނު އަސާސީން ދީފައިވާ ހައްގުން، ޕާޓީތަކުގެ ގާނޫނުގެ ސަބަބުން މަހުރޫމުކޮށްފައިވާ ކަމަށް ވެސް އެ މައްސަލާގައި ފާހަގަކޮށްފައިވެ އެވެ.

އޭގެ އިތުރަށް ސިޔާސީ ޕާޓީއެއްގެ ކާމިޔާބީ ވަޒަންކުރާނީ އިންތިހާބުތަކުގެ ނަތީޖާއިން ކަމަށް ގާނޫނުގައި ބަޔާންކޮށްފައި އޮތް ނަމަވެސް އެ ކަމަށް ރިއާޔަތްނުކޮށް 10،000 މެންބަރުން ހަމަވާ ޕާޓީތަކަށް އެކަނި ދައުލަތުގެ ބަޖެޓުން ފައިސާ ފޯރުކޮށްދޭ ގޮތަށް އޮތް މާއްދާ ގާނޫނާ ހިލާފު ކަމަށް އޭގައިވެ އެވެ.

10،000 މެންބަރުން ހަމަވާ ކޮންމެ ޕާޓީއަކަށް މާލެ ސިޓީ ކައުންސިލުން މާލެ ސަރަހައްދުގެ ބިމެއް ކަނޑައަޅާ ގޮތަށް ވެސް ގާނޫނުގައި ހިމަނާފައި އޮތް އޮތުމަކީ ސިޔާސީ ޕާޓީތަކުގެ މެދުގައި ތަފާތު ކުރުން އުފެދޭ ގޮތަށް އޮތް މާއްދާއެއް ކަމަށް ވެސް ހުށަހެޅި މައްސަލާގައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox