މިއަދު ހެނދުނު މާލޭގައި އިދިކޮޅު ޕީޕީއެމް/ޕީއެންސީ އިއްތިހާދުން ކުރިއަށް ގެންދިޔަ މުޒާހަރާ ކަވަރުކުރުމުގެ ތެރޭގައި އަނިޔާވި ނޫސްވެރިޔާއަށް އިތުރު ފަރުވާއަށް އަވަށްޓެރި ސްރީލަންކާއަށް ގެންދިއުމަށް އާއިލާއިންް ނިންމައިފި އެވެ.
މިއަދު އިދިކޮޅުން މުޒާހަރާކޮށްފައި ވަނީ ރައްޔިތުންގެ މަޖިލިސް މިއަހަރަށް ހުޅުވުމަށްޓަކާ، ރައީސުލްޖުމްހޫރިއްޔާ .އިބްރާހިމް މުހައްމަދު ސޯލިހު މަޖިލީހުގައި ރިޔާސީ ބަޔާން އިއްވުމާ ދިމާކޮށެވެ.
ރައީސް ރިޔާސީ ބަޔާން ފެއްޓެވި ވަގުތު މަޖިލިސް ތެރޭގައި ތިބި އިދިކޮޅު މެންބަރުން އިހުތިޖާޖު ކުރި އެވެ. ރިޔާސަތުން އޭގެ ތެރެއިން ބައެއް މެންބަރުންގެ ނަން އިއްވުމަށް ފަހު މަޖިލީހުގެ ތަޅުމުން ބޭރުކުރި އެވެ. އިދިކޮޅުގެ ގިނަ ސަޕޯޓަރުންތަކެއް އެއްވެ މުޒާހަރާކޮށްފައި ވަނީ މަޖީދިއްޔާ ސްކޫލްް ކަންްމަތީގަ އެވެ.
މި މުޒާހަރާ ކަވަރުކުރަމުންް ދިޔަ "ޗެނަލް 13" ގެ ނޫސްވެރިއަކަށް އަދި ވީޑިއޯގްރާފަރަކަށް މުޒާހަރާގެ ތެރެއިން ވަނީ އަނިޔާ ލިބިފަ އެވެ. ރާއްޖެއިން ބޭރަށް ގެންދިއުމަށް ނިންމާފައި ވަނީ ހަސަން ޝަހީދު ނަމަކަށް ކިޔާ ނޫސްވެރިއެކެވެ.
އެ ސަރަހައްދުގައި ތިބި މީހުން ފަހަތަށް ޖެއްސުމަށް ފުލުހުން ޕެޕަރ ސްޕްރޭގެ ބޭނުންކުރި އެވެ. އޭގެ އަސަރު މުޒާހަރާ ކަވަރުކުރި ބައެއް ނޫސްވެރިންނަށް ވެސް ވަނީ ކޮށްފަ އެވެ.
މި މުޒާހަރާގައި ދެ ނޫސްްވެރިއެއްގެ އިތުރުންް ހަތް މީހަކަށް އަނިޔާވެ ހޮސްޕިޓަލުގައި ފަރުވާދޭން ޖެހުނު ކަމަށް ޕީޕީއެމުން ވަނީ ބުނެފަ އެވެ. މި ހަމަނުޖެހުމުގައި 11 މީހަކު ހައްޔަރުކުރި އެވެ.
