ރެކްޓާ މިންގަނޑުން 7.8 ގެ ބާރުމިނުގެ ބިންހެލުމަކާ ގުޅިގެން ތުރުކީގައި ކުއްލި ހާލަތު އިއުލާންކޮށްފި އެވެ.
ރިޕޯޓުތައް ބުނާ ގޮތުން މި ބިންހެލުމުގައި މިހާތަނަށް 15 މީހަކު ވަނީ މަރުވެފަ އެވެ. އަދި އެ އަދަދު އިތުރުވާނެ ކަމަށް ބެލެވޭ ކަމަށް ރިޕޯޓުތައް ބުނެ އެވެ.
ފަތިހުގެ ވަގުތެއްގައި މި ބިންހެލުން އައިސްފައިވަނީ އެ ގައުމާ ސީރިޔާގެ ބޯޑަރު ކައިރިއަށެވެ. މިއީ ސީރިއާއިން ތުރުކީއަށް އެތެރެވާ އެތައް މިލިއަން ރެފިއުޖީއިންނެއް ދިިރުޅޭ ހިސާބެއްކަމުން އެ ފަރާތްތަކަށް ބިންހެލުމުގެ ސީދާ އަސަރުކުރާނެ ކަމަށް ބެލެވެ އެވެ.
ޔޫއެން އިން ބުނާ ގޮތުގައި ތުރުކީއަކީ ދުނިޔޭގައި އެންމެ ގިނަ ރެފިއުޖީއިން މިވަގުތު ތިބި ގައުމެވެ. އެ އަދަދު މިހާރު ހުރީ 3.5 މިލިއަނުގަ އެވެ.
ސޯޝަލް މީޑިއާ އަދި އެ ގައުމުގެ މީޑިއާތަކުން ދައުރުކަރުމުންދާ މަންޒަރުތަކުން ފެންނަ ގޮތުން ގިނަ އަދަދެއްގެ އިމާރާތްތައް ވަނީ ބިމާ ހަމަވެފަ އެވެ.
ތުރުކީއަކީ ދުނިޔޭގެ އެންމެ ގިނައިން ބިންހެލުން އަންނަ އެއް ޓެކްޓޮނިކް އޭރިއާގެ މަތީގައި އޮންނަ ގައުމެކެވެ.
