10 މީހުންގެ މަރަށް މަހެއްވާއިރު ތަހުގީގަށް ކުރިއެރުމެއް ނުލިބި، ޖަވާބު ނުލިބޭ އެތައް ސުވާލެއް

ނިރުފެހިގެ އަލިފާނުގެ ހާދިސާގައި 10 މީހަކު މަރުވި އިރު ފުލުހުން މި މައްސަލައިގެ ކުރިއެރުންތައް ހިއްސާކުރަމުން ނުދޭ -- ގްރެފިކްސް: މުހައްމަދު އިސާމް ސާމިރު

ނިރުފެހިގެ އަލިފާނުގެ ހާދިސާގައި 10 މީހަކު މަރުވި އިރު ފުލުހުން މި މައްސަލައިގެ ކުރިއެރުންތައް ހިއްސާކުރަމުން ނުދޭ -- ގްރެފިކްސް: މުހައްމަދު އިސާމް ސާމިރު

މ. ނިރުފެހިގޭގައި މިދިޔަ މަހުގެ 10 ވަނަ ދުވަހު ހިނގި އަލިފާނުގެ ހާދިސާގައި 10 މީހަކު މަރުވި މައްސަލައިގައި ފުލުހުން ކުރަމުން އަންނަ ތަހުގީގުގެ ކުރިއެރުމެއް ހިއްސާނުކުރެވި، ފުލުހުން ހަމަހިމޭން ވެއްޖެ އެވެ.

މި މައްސަލައިގައި ފުލުހުންގެ މީޑިއާ އޮފިޝަލުންނާ "އަދަދު" ނޫހުން އެކި ފަހަރު މަތިން ސުވާލު ކުރުމުން ވެސް ދެނީ އެއް ޖަވާބެކެވެ. ވިދާޅުވަނީ "މައްސަލަ ދަނީ ބަލަމުން" ކަމަށެވެ. އިތުރުން އެހެން ތަފުސީލެއް ނުވަތަ ތަހުގީގުގެ ކުރިއެރުމެއް ހިއްސާއެއް ނުކުރެ އެވެ. ހާދިސާއަށް މަހެއް ވާއިރު އަދިވެސް މަރުވި 10 ބިދޭސީންގެ ތަފުސީލެއް ވެސް ހާމަކޮށްފައެއް ނެތެވެ. ހާދިސާ ހިނގަން މެދުވެރިވި ސަބަބެއް ވެސް ނުހޯދެ އެވެ. މަރުވި މީހުންގެ ހަށިގަނޑުތައް އެމީހުންގެ ގައުމަށް ފޮނުވާ އާއިލާ އާއި ހަވާލު ކުރިއިރުވެސް އެ މީހުންގެ ތަފުސީލާއި ތަހުގީގުގެ ކުރިއެރުމެއް ފުލުހުންނަށް ހާމައެއް ނުކުރެވުނެވެ.

އަލިފާން ރޯވިއިރު ގަރާޖު ކުރިމަތީގައި އޮތް ކާރެއް ދުރުކުރަނީ. --އަބްދުﷲ އިޔާން/އަދަދު
އަލިފާން ރޯވިއިރު ގަރާޖު ކުރިމަތީގައި އޮތް ކާރެއް ދުރުކުރަނީ. --އަބްދުﷲ އިޔާން/އަދަދު

އަލިފާން ރޯވިއިރު ގަރާޖު ކުރިމަތީގައި އޮތް ކާރެއް ދުރުކުރަނީ. --އަބްދުﷲ އިޔާން/އަދަދު

Advertisement

ބައެއްގެ އިހުމާލެއް އޮތްކަން ނުވަތަ ތަހުގީގަށް އެއްވެސް ބަޔަކާ ސުވާލު ކުރިކަންވެސް ފުލުހުންނަށް ކަށަވަރެއް ނުކޮށްދެވުނެވެ. ދިހަ މީހުން މަރުވި މިފަދަ ހާދިސާއެއްގެ ތަހުގީގު މިހާ ދިގުލައިގެންދާ ސަބަބެއް ވެސް ސާފުކޮށްދެވިފައެއް ނުވެ އެވެ.

ނިރުފެހިގޭގައި ރޯވި އަލިފާންގަނޑަކީ އެ އިމާރާތުގެ ތިރީ ބައިގައި ހިންގި ގަރާޖުގައި ހިފި އަލިފާންގަނޑެއް ކަމަށް ބެލެވޭ ކަމަށް ފުލުހުން ވަނީ ބުނެފަ އެވެ. އަދި އެ ގަރާޖަކީ ގަވާއިދާ ހިލާފަށް ހުއްދަ ނުނަގާ ހިންގަމުންދިޔަ ގަރާޖެއްކަމަށްވެސް ފުލުހުން ބުންޏެވެ. މީގެ ކުރިންވެސް އެ ތަނުގައި އަލިފާނުގެ ދެ ހާދިސާއެއް ހިނގާފައިވެ އެވެ. އިހުމާލުގެ ސުވާލުތައް ފެންމަތިވާން ފެށީ މި ސަބަބުތަކާ ހެދި އެވެ.

މީގެ އިތުރުން މަރުވި ބިދޭސީން ދިރިއުޅުނު އެކޮމޮޑޭޝަން ބްލޮކްގެ ހާލަތާއި މެދުވެސް ގިނަ ބަޔަކު ނުރުހުން ފާޅުކުރި އެވެ. ވިއްސަކަށް އެނދު ބަހައްޓާފައިހުރި އެ ކުޑަ ގޮޅި ހުރީ އިތުރު ކޮޓަރިތަކަކަށް ބަހާފަ އެވެ. މިތަނުގައި ބިދޭސީންނަށް އެކޮމޮޑޭޝަންގެ ހިދުމަތް ދިނުމުގެ ހުއްދައެއް އޮތްކަންވެސް މިހާތަނަށް އެނގިފައެއް ނުވެ އެވެ.

"ގަރާޖު ހިންގުމަށް ހުއްދަ ދީފައިވަނީ ހުޅުމާލޭގައި ކަމަށް މިހާތަނަށް ކުރެވުނު ތަހުގީގުން ވަނީ އެނގިފައި" ފުލުހުން މި މައްސަލައިގައި މިދިޔަ މަހުގެ 14 ވަނަ ދުވަހު ބޭއްވި ނޫސްވެރިންގެ ބައްދަލުވުމެއްގައި ބުންޏެވެ.

ނިރުފެހިގޭގައި ރޯވި އަލިފާންގަނޑު ނިއްވާލުމުގެ މަސައްކަތް ސިފައިން ކުރަނީ. -- ފޮޓޯ:އަބްދުﷲ އިޔާން/އަދަދު
ނިރުފެހިގޭގައި ރޯވި އަލިފާންގަނޑު ނިއްވާލުމުގެ މަސައްކަތް ސިފައިން ކުރަނީ. -- ފޮޓޯ:އަބްދުﷲ އިޔާން/އަދަދު

ނިރުފެހިގޭގައި ރޯވި އަލިފާންގަނޑު ނިއްވާލުމުގެ މަސައްކަތް ސިފައިން ކުރަނީ. -- ފޮޓޯ:އަބްދުﷲ އިޔާން/އަދަދު

މިއީ އެ ގަރާޖުގައި އަލިފާނުގެ ހާދިސާއެއް ހިނގި ފުރަތަމަ ފަހަރެއް ނޫނެވެ. މި އަހަރުގެ ކުރީ ކޮޅުވެސް ގަރާޖުގައި އަލިފާން ރޯވެގެން ސިފައިންނާއި ފުލުހުން އެ ގަރާޖަށް ދިޔަ ކަމަށް ވެ އެވެ. ފުލުހުން ބުނި ގޮތުގައި އެ ފަހަރު ގަރާޖު ހިންގާ ފަރާތަށް ކަންކަން އިސްލާހުކުރުމަށް ފުރުސަތެެއް ދެވުނެވެ. އެކަން ފުލުހުންވެސް ވަނީ ކަށަވަރު ކޮށްދީފަ އެވެ. ނަމަވެސް އޭގެ ފަހުން އެކަން ބަލާ މޮނީޓާ ކުރެވިފައެއް ނުވެ އެވެ.

މިފަދަ އެތައް ސުވާލެއް ފުނިޖެހިފައި ވަނިކޮށް މި ހާދިސާގައި ދެންވެސް ކުރިމަތިވީ ސުވާލު އުފެދޭ ކަމެކެވެ. ހާދިސާ ހިނގިތާ ފަސް ދުވަސް ފަހުން އެ ސަރަހައްދު ސާފުކުރަނިކޮށް އިންސާނެއްގެ ފައިތިލަ ފެނުނެވެ. އެއާއެކު އެއީ 11 ވަނަ މީހެއްތޯ ނުވަތަ 10 މީހުންގެ ތެރެއިން މީހެއްގެ ފައިތިލަ ތޯ ގިނަ ބަޔަކު ސުވާލު އުފެއްދި އެވެ. މިކަމުގައިވެސް ފުލުހުންނަށް މިހާތަނަށް ޔަގީންކަމެއް ދެވިފައެއް ނުވެ އެވެ. އެންމެ ފަހުން ފުލުހުން ބުނީ އެ ފައިތިލައިން އަދި މަރުވި މީހުންގެ ހަށިގަނޑުން ޑީއެންއޭ ސާމްޕަލް ނަގައިގެން ޓެސްޓު ކުރުމުގެ މަސައްކަތް ކުރަމުންދާ ކަމަށެވެ.

"ނިރުފެހިގެ ސާފުކުރަނިކޮށް ފެނުނު ފައިތިލައިގެ ތަހުގީގު ފުލުހުން ދަނީ ކުރަމުން، ތަހުގީގު ކުރެވެމުންދާ ވަރަކުން އިތުރު މައުލޫމާތު ހާމަކުރަމުންދާނެ" މިއީ ފުލުހުންގެ މީޑިއާ އޮފިޝަލް އޭގެ ހަފުތާއެއް ފަހުން ދިން ޖަވާބެވެ.

ނިރުފެހިގޭގައި އިނގި އަލިފާނުގެ ހާދިސާގައި މަރުވި މީހެއްގެ ހަށިގަނދު ނެރެނީ. -- ފޮޓޯ:އަބްދުﷲ އިޔާން/އަދަދު
ނިރުފެހިގޭގައި އިނގި އަލިފާނުގެ ހާދިސާގައި މަރުވި މީހެއްގެ ހަށިގަނދު ނެރެނީ. -- ފޮޓޯ:އަބްދުﷲ އިޔާން/އަދަދު

ނިރުފެހިގޭގައި އިނގި އަލިފާނުގެ ހާދިސާގައި މަރުވި މީހެއްގެ ހަށިގަނދު ނެރެނީ. -- ފޮޓޯ:އަބްދުﷲ އިޔާން/އަދަދު

ސުވާލަކީ 10 މީހުންގެ މަރަށް މަހެއް ވަމުންދާއިރުވެސް ފުލުހުންގެ ފުރިހަމަ 'ފޯކަސް' މި ކޭސް އިން ފެންނަމުން ނުދަނީ ކީއްވެ ކަމާމެދު ކުރެވޭ ސުވާލެވެ. މަރުވީ 10 ދިވެހިން ނަމަ ތަހުގީގު ކުރިއަށް ގެންދާނީ ހަމަ މި ދުވެލީގަ ކަމާމެދު އުފެދޭ ސުވާލެވެ. ފުލުހުން މި މައްސަލައަކީ "ހާއްސަ މައްސަލައެއް" ގޮތުގައި ސިފަކުރި ނަމަވެސް އެ ހާއްސަކަމާއި މުހިންމުކަން ދެވުނު މިންވަރު ނަތީޖާގެ ސިފައިގައި ފެންނަމުން ނުދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox