ބުދަ ދުވަހުގެ ރޭ މާލޭގައި ހިނގި ނުރައްކާތެރި އަލިފާނުގެ ހާދިސާގައި ރޯވެ ގެއްލުން ލިބުނު އިމާރާތް ތަޅާލައި، އެތަން ސާފުކުރުމުގެ މަސައްކަތް ޕްލޭނިން މިނިސްޓްރީން މިއަދު ފަށައިފި އެވެ.
އެ މިނިސްޓްރީން ބުނީ ރޯވި ގެ ސާފުކޮށް ތަޅާލުމުގެ މަސައްކަތް އެ މިނިސްޓްރީގެ ޕަބްލިކް ވޯކްސް ސާވިސަސް ޑިޕާޓްމަންޓުން ކުރަމުން އަންނަ ކަމަށެވެ.
އެ ގޭގައި ރޯވެ ހިނގި އަލިފާނުގެ ހާދިސާގައި ޖުމްލަ 10 މީހަކު ވަނީ މިހާތަނަށް މަރުވެފަ އެވެ. އަދި، އެކަކަށް އަންނަނީ ހޮސްޕިޓަލުގައި ފަރުވަ ދެމުންނެވެ.
ހާދިސާގައި މަރުވެފައިވަނީ އިންޑިއާގެ ތިން ފިރިހެނުންނާއި އެ ގައުމުގެ ހަތަރު ފިރިހެނުންގެ އިތުރުން ބަންގްލަދޭޝްގެ އަންހެނަކާއި ފިރިހެނެކެވެ. ދެން މަރުވި ފިރިހެން މީހާގެ ހަށިގަނޑު މިހާތަނަށް ދެނެގަނެވިފައިނުވެ އެވެ.
ގްރައުންޑް ފްލޯއާ އެކު ތިން ބުރިއަށް ހަދާފައި ހުރި މ. ނިރުފެހި ގޭގައި ރޭ 12:30 ހާއިރު ހިނގި އެ އަލިފާނުގެ ހާދިސާ ކޮންޓްރޯލް ކުރެވިފައިވަނީ އެ ރޭ ދޭއް ޖެހި ފަހުންނެވެ.
