ގުރައިދޫ މަރުކަޒަށް ގިނަ އިސްލާހުތަކެއް ގެނެސް ކަންކަން ވަނީ ރަނގަޅުކޮށްފައި: ސަރުކާރު

ގުރައިދޫ މަރުކަޒު ބޭރުން ނަގާފައިވާ ފޮޓޯއެއް: ގުރައިދޫގައި ސަރުކާރުން ހިންގާ މަރުކަޒު އޮތީ ވަރަށް ދަށް ހާލަތެއްގައިކަން އދ އިންވެސް ވަނީ ފާހަގަ ކޮށްފައި--- ފޮޓޯ: އަދަދު

ގުރައިދޫ މަރުކަޒު ބޭރުން ނަގާފައިވާ ފޮޓޯއެއް: ގުރައިދޫގައި ސަރުކާރުން ހިންގާ މަރުކަޒު އޮތީ ވަރަށް ދަށް ހާލަތެއްގައިކަން އދ އިންވެސް ވަނީ ފާހަގަ ކޮށްފައި--- ފޮޓޯ: އަދަދު

ކ. ގުރައިދޫގައި ހުންނަ ހާއްސަ އެހީއަށް ބޭނުންވާ މީހުންގެ މަރުކަޒާ ގުޅިގެން ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން އެކުލަވައިލި ރިޕޯޓުގައި އިސްލާހުކުރަން ބުނެފައިވާ ކަންތައްތަކުގެ ތެރެއިން ވަރަށް ގިނަ ކަންކަން މިހާރު ހައްލުކޮށްފައިވާ ކަމަށް ސަރުކާރުން ބުނެފި އެވެ.

ހާއްސަ އެހީއަށް ބޭނުންވާ މީހުންގެ މަރުކަޒު މޮނިޓަރު ކުރުމުގެ ގޮތުން އެޗުއާރުސީއެމްގެ ފަރާތުން މިއަހަރުގެ އެތަނަށް ޒިޔާރަތެއް ކުރި އެވެ. އެ ޒިޔާރަތުުގައި ފާހަގަކުރެވުނު ކަންކަމުގެ މައްޗަށް އެޗުއާރުސީއެމުން ތައްޔާރު ކޮށްފައިވާ ރިޕޯޓް އާންމުކުރީ މިދިޔަ މަހު އެވެ.

އޭގައި ބުނެފައި ވަނީ އެތަނަށް ކުރިން އެޗުއާރުސީއެމުން ކޮށްފައިވާ ޒިޔާރަތްތަކުގައި އެތައް ފަހަރެއްގެ މަތިން ފާހަގަކޮށްފައިވާ ކަންކަން އަދި ވެސް ރަނގަޅު ކޮށްފައި ނުވާ ކަމަށާއި އެފަދަ މަރުކަޒެއްގައި ހުންނަން ޖެހޭ އަސާސީ ކަންކަން ވެސް ނުހުންނަ ކަމަށެވެ.

Advertisement

އެ ރިޕޯޓާ ގުޅިގެން އިއްޔެ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ސަރުކާރުގެ ތަރުޖަމާނު މިއުވާން މުހައްމަދު ވިދާޅުވީ އެޗްއާރުސީއެމްގެ ރިޕޯޓުގައި ފާހަގަ ކޮށްފައިވާ ގޮތަށް މިހާރު ގުރައިދޫ މަރުކަޒުގެ ވަރަށް ގިނަ ކަންކަން ރަނގަޅުކޮށްފައިވާ ކަމަށެވެ.

އެގޮތުން، އެ ރިޕޯޓްގައި އަވަހަށް އިސްލާހުކުރަން ޖެހޭ ހަ ކަމެއް ފާހަގަކޮށްފައި އޮތްއިރު، އެ ހުރިހާ ކަމެއް ވެސް މިހާރު ހައްލުކޮށްފައިވާ ކަމަށް ވެސް ވިދާޅުވި އެވެ.

"އެޗްއާރުސީއެމްގެ ރިޕޯޓަކީ މިދިޔަ ޖުލައި މަހު ޝައިއުކުރި ރިޕޯޓެއް. ބުދަ ދުވަހު އެ ރިޕޯޓް ޓުވީޓްކުރުމުން، އެއީ ފަހުގެ ރިޕޯޓެއް ކަމަށް ހީކޮށް މީޑިއާތަކަށް އޮޅުން އެރީ. އޭގަ ރަނގަޅު ކުރަން އޭރު އަންގާފަ ހުރި ގިނަ ކަންކަން މިހާރު ވަނީ ރަނގަޅު ކޮށްފައި،" މިއުވާން ވިދާޅުވި އެވެ.

"އެ ރިޕޯޓާ ގުޅޭ ގޮތުން މީޑިއާތަކުގައި ހުރި ވާހަކަތައް ހަގީގަތުގައި މިހާރުގެ ހާލަތު މުޅިން ރިޕްލެކްޓެއް ނުކުރާނެ،"

މިއުވާން އިތުރަށް ވިދާޅުވީ އެޗްއާރްސީއެމް ރިޕޯޓުގައި ފާހަގަ ކޮށްފައިވާ އިމާރާތުގެ މައްސަލައަށް ވެސް ހައްލު ގެނައުމަށް މަސައްކަތް ކުރަމުންދާ ކަމަށެވެ. އެގޮތުން، ގުރައިދޫ މަރުކަޒުގެ އެއް އިމާރާތް ފިޔަވައި އެހެން ހުރިހާ އިމާރާތެއްގެ މަރާމާތުގެ މަސައްކަތް ނިމިފައިވާ ކަމަށް ޖެންޑާ މިނިސްޓަރު މައުލޫމާތު ދެއްވާފައިވާ ކަމަށްވެސް ވިދާޅުވި އެވެ.

"މަރުކަޒުގައި މީހުންނަށް އެހީތެރިވުމަށް އުޅޭ މީހުންނަކީ ތަމްރީން ލިބިފައިވާ މީހުންނަށް ހެދުމަށް ޕްރޮގްރާމްތައް ހިންގަމުންވެސް އެބަދޭ،" މިއުވާން ވިދާޅުވި އެވެ.

އެޗްއާރްސީއެމް ރިޕޯޓުގައި ފާހަގަ ކޮށްފައިވާ ކަންކަން

  1. އެ މަރުކަޒުގެ ގިނަ ވޯޑުތަކުގެ ފާހާނާތައް ހަލާކުވެފައިވާއިރު ފާހާނާގެ ތަށިމުށިތައް ނެއްޓި ބައެއް ފާހާނާގެ ދޮރުތައް ހަލާކުވެފައި
  2. ބަލިމީހުން ބޭނުންކުރާ ބާލީހާއި ގޮދަޑި އާއި ބާލީސް އަދި އެނދުގައި ތަތްމަކުނު އަޅާފައި
  3. ބަލިމީހުން ބޭނުންކުރާ ފުރޮޅުލީ ގޮނޑި ފަދަ ތަކެތި ގިނަ ދުވަސްވެ ދަބަރު ޖެހުމުގެ ސަބަބުން ބޭނުންކުރަން ދަތިވެފައި
  4. މަރުކަޒުގެ ބަލި މީހުންނަށް ބައެއް މުވައްޒަފުންގެ ފަރާތުން އަނިޔާވެރި ގޮތަށް އަމަލުތައް ބަހައްޓާ (ހާއްސަ އެހީއަށް ބޭނުންވާ މަރުކަޒުން ފަރުވާ ހޯދަމުންދާ މީހުންނާ ދޭތެރޭގައި ބައެއް ކެއާވޯކަރުން ލާއިންސާނީ އިހާނެތި އަމަލު ހިންގާ، ބަލި މީހުންނާ ދިމާލަށް ބޭއަދަބީ ހަޑިހުތުރު ބަހުން މުއާމަލާތު ކުރުން)
  5. މަރުކަޒުގައި ފަރުވާ ހޯދަމުންދާ ބައެއް ބަލި މީހުން އެހެން ބަލި މީހުންނަށް ޖިންސީ ފުރައްސާރަ ކުރާ ކަމަށް ބަލިމީހުންގެ ފަރާތުން މައުލޫމާތު ލިބިފައިވާކަން
  6. ބަލިމީހުންނާ އެންމެ ގާތުން މަސައްކަތްކުރާ މުވައްޒަފުން ބޭނުން ކުރުމަށް މަރުކަޒުގައި ހާއްސަ ތަނެއް ނެތް
  7. މުވައްޒަފުންގެ އަންނައުނު ބަދަލުކޮށް ގައިން ތާހިރުވާން ޖެހޭ ހާލަތުގައި ޖެހެނީ ގެއަށް ދާން

ގުރައިދޫ މަރުކަޒަކީ 150 މީހުންގެ ޖާގައިގެ މަރުކަޒެއް ނަމަވެސް ޖުލައިގެ ނިޔަލަށް އެ މަރުކަޒުގައި 194 މީހުން ބަލަމުންދާ ކަމަށް އެޗްއާރްސީއެމްގެ ރިޕޯޓިގައިވެ އެވެ. އޭގެތެރެއިން 158 މީހުންނަކީ ނަފުސާނީ ބައްޔަށް ފަރުވާ ހޯދަމުންދާ މީހުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox