މ.މުލި ރާޅުގަނޑު ސަަރަހައްދުގައި ރާޅާ އަޅަން ގޮސް އުޅުނު ފިރިހެން ފަތުރުވެރިޔަކު ގެއްލިގެން އެމްއެންޑީއެފް ކޯސްޓްގާޑުން ހަރަކާތްތެރިވާން ފަށައިފި އެވެ.
އެ ސަރަހައްދުގައި ރަޅާއަޅަން ގޮސް އުޅުނީ ހަތް ފަތުރުވެރިންނެވެ.
ފުލުހުން ބުނީ އޭގެ ތެރެއިން އެކަކު ގެއްލިގެން އުޅޭ ކަމުގެ މައުލޫމާތު އެމްއެންޑީއެފް ކޯސްޓްގާޑަށް ލިބިފައިވަނީ މިއަދު މެންދުރު ކަމަށެވެ.
އަދި އެ ހާދިސާގެ މައުލޫމާތު ލިބުމާއެކު ކޯސްޓްގާޑުން ވަނީ އެ ސަރަހައްދަށް ގޮސް، ގެއްލުނު ފަތުރުވެރިޔާ ހޯދުމުގެ މަސައްކަތް ފަށާފައި ކަމަށް އެމްއެންޑީއެފުން ބުންޏެވެ.
ގެއްލުނު ފަތުރުވެރިޔާ އެންމެ ފަހުން ލައިގެން ހުރީ ކަޅު ކުލައިގެ ޓީޝާޓެކެވެ.
މި ދުވަސްވަރަކީ ރާއްޖޭގެ އެކި ސަރަހައްދުތަކަށް މޫސުން ގޯސް ދުވަސްވަރެއްކަމަށް ވާއިރު، މިދިޔަ ހަފްތާ ވަނީ ލޯންޗެއް ބަންޑުން ޖަހާލި ހާދިސާއެއްގައި ވެސް މީހަކު ގެއްލިފަ އެވެ. އޭނާ ހޯދުމުގެ މަސައްކަތް ވެސް ދަނީ ކުރަމުންނެވެ.
