ޓްރެވަލް އެންޑް ޓްރޭޑް ފެއާ އައިއެމްޓީއެމް 2022 ފަށައިފި

ހެރިޓޭޖް މިނިސްޓަަރު ޔުމްނާ މައުމޫނާއި އެމްއެމްޕީއާރްސީގެ އެމްޑީ ތޮއްޔިބު އައިއެމްޓީއެމްގެ ވިސިޓް މޯލްޑިވްސް ސްޓޯލުގައި: އައިއެމްޓީއެމް ފެއާގައި ބޭރުގެ ޓްރެވަލް އެޖެންސީތަކާއި ޓުވާ އޮޕަރޭޓަރުން ބައިވެރިވޭ. -- ފޮޓޯ:ވިސިޓް މޯލްޑިވްސް

ހެރިޓޭޖް މިނިސްޓަަރު ޔުމްނާ މައުމޫނާއި އެމްއެމްޕީއާރްސީގެ އެމްޑީ ތޮއްޔިބު އައިއެމްޓީއެމްގެ ވިސިޓް މޯލްޑިވްސް ސްޓޯލުގައި: އައިއެމްޓީއެމް ފެއާގައި ބޭރުގެ ޓްރެވަލް އެޖެންސީތަކާއި ޓުވާ އޮޕަރޭޓަރުން ބައިވެރިވޭ. -- ފޮޓޯ:ވިސިޓް މޯލްޑިވްސް

ޓޫރިޒަމް ވިޔަފާރިތަކަށް ހާއްސަކޮށްގެން އިންޓަނޭޝަނަލް މޯލްޑިވްސް ޓްރެވަލް މާކެޓް (އައިއެމްޓީއެމް)އިން އިންތިޒާމުކުރާ ބައިނަލްއަގުވާމީ ޓްރެވަލް އެންޑް ޓްރޭޑް ފެއާ މިއަދު ފަށައިފި އެވެ.

އައިއެމްޓީއެމް 2022 ގެ ނަމުގައި ބާއްވާ މި ފެއާގައި ބޭރުގެ ބޮޑެތި ޓްރެވަލް އެެޖެންސީތަކާއި ޓުއާ އޮޕަރޭޓަރުންނާ އެކީ ފެށި މި ފެއާގައި ޓޫރިޒަމް ދާއިރާގައި ހަރަކާތްތެރިވާ ރިސޯޓުތަކާއި ހޮޓާތަކާއި ގެސްޓްހައުސްތަކާއި ލިވްއެބޯޑުތަކުގެ އިތުރުން ދިވެހި ޓުއާ އޮޕަރޭޓަރުންނާއި ޓްރެވަލް އެޖެންޓުންގެ މަންދޫބުން ބައިވެރިވާ ގޮތަށް ވަނީ ހަމަޖެހިފަ އެވެ.

އައިއެމްޓީއެމްއިން ބުނި ގޮތުގައި މިއީ ޓޫރިޒަމާ ގުޅުންހުރި ހުރިހާ ވިޔަފާރިތަކަށް ފަހި ފުރުސަތުތަކެއް ލިބޭނެ ފެއާއެކެވެ. ހާއްސަކޮށް ބޭރުގެ މާކެޓުތަކުން ޓޫރިސްޓުން ގެންނަން ބޭނުންވާ ވިޔަފާރިތަކަށް ޓޫރިސްޓުން ހޯދައިދޭ މެދުވެރިޔެއްގެ ގޮތުގައި ހަރަކާތްތެރިވާ ކުންފުނިތަކާ މުއާމަލާތްކުރުމުގެ ފުރުސަތު ލިބޭނެ ކަމަށް ބުންޏެވެ.

މި ފެެއާގެ އަނެއް ބޭނުމަކީ ރާއްޖޭގައި މައިސް (މީޓީންސް، އިންސެންޓިވްސް، ކޮންފަރެންސް އަދި އެގްޒިބިޝަން) ޓޫރިޒަމް މަންޒިލެއްގެ ގޮތުގައި ޕްރޮމޯޓުކުރުމެވެ.

އައިއެމްޓީއެމް ފެއާ ފެއްޓުމަށް ބޭއްވި ހަފުލާގައި އައިއެމްޓީއެމްގެ މެނޭޖިން ޑިރެކްޓަރު ޝިއުނާ ހާލިދު ވިދާޅުވި ގޮތުގައި މި މަގުން ބޮޑެތި ކުރިއެރުންތަކެއް ހޯދިފައިވީ ނަމަވެސް ކޮންފަރެންސް ބާއްވަން ހުރި ތަންތަނުގައި ޖާގައިގެ ދަތިކަމާ ހުރެ މިފަދަ ބޮޑު އިވެންޓެއް ބާއްވަން ހުރި ގޮންޖެހުން ބޮޑެވެ. އަދި މިކަން ހައްލުކުރަން ސަރުކާރުން ކޮންވެންޝަން ސެންޓަރަކަށް އިންވެސްޓުކުރަން އިސްކަންދޭން ގޮވާލެއްވި އެވެ.

މި ފެއާގެ ޑެސްޓިނޭޝަން ޕާޓްނަރުގެ ގޮތުގައި ހަރަކާތްތެރިވާ އެމްއެމްޕީއާރުސީގެ ސީއީއޯ އަދި އެމްޑީ ތޮއްޔިބު ވަނީ މައިސް ޓޫރިޒަމް މަންޒިލެއްގެ ގޮތުގައި ރާއްޖެ ޕްރޮމޯޓު ކުރަމުން އަންނަ ކަމަށް ވިދާޅުވެފަ އެވެ. އޭނާ އިތުރަށް ވިދާޅުވީ މި އަހަރު އެކަމަށް ހާއްސަ އިސްކަމެއް ދީގެން އައިއެމްޓީއެމް ފަދަ އިވެންޓުތައް ބާއްވަން ބާރުއަޅަމުންދާ ކަމަށެވެ.

މާލޭގައި ހުންނަ މެންހަޓަން ބިޒްނަސް ހޮޓެލްގައި ކުރިޔަށްދާ އައިއެމްޓީއެމް ފެއާ އޮންނާނީ މާާދަމާ ހަވީރު 5:00 ގެ ނިޔަލަށެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox