އެކި ކުންފުނިތަކުގެ ނަމުގައި ފޭކް ބުކިން ހެއްދި ދެ މީހުން ހައްޔަރުކޮށް ބަންދުގެ މުއްދަތު ޖަހައިފި އެވެ.
މި މައްސަލައާ ގުޅިގެން ހައްޔަރުކޮށްފައި ވަނީ ގދ. ފަރެސްމާތޮޑާ ދެ ފިރިހެނުންނެވެ. އެއީ އެ ރަށު ޗަނބޭލީގެ އިޝްފާއު އަބްދުﷲ މުފީދު،20 އާއި މާތޮޑާއަވަށް, ސަންރައިޒް ތޯއިފް ތައުފީގު، 22 އެވެ.
ކްރިމިނަލް ކޯޓުން ބުނީ އެ މީހުންގެ މައްޗަށް ތުހުމަތުކުރެވޭ ވަރަށް ހެކި ހުށަހަޅާފައިވާ ކަމަށެވެ.
އެހެންވެ، ގާނޫނުއަސާސީގެ 49 ވަނަ މާއްދާ އާއި ޖިނާއީ އިޖުރާއަތުގެ ގާނޫނުގެ 59 ވަނަ މާއްދާއަށް ރިއާޔަތްކޮށް، ބަންދުކުރީ މުޖުތަމައުގެ ސަލާމަތާއި ރައްކާތެރިކަމަށްޓަކައި ކަމަށް ވެސް ކޯޓު އަމުރުގައިވެ އެވެ.
ފޭކް ބުކިން ހަދާ ވިޔަފާރި ކުރާ މައްސަލަ އާއި އެކި ކަންކަމަށް ފޭކް ބުކިންތައް ބޭނުންކުރާ މައްސަލަތައް މި ފަހުން ވަނީ ގިނަ އަދަދަކަށް ފެންމަތިވެފަ އެވެ.
އެގޮތުން ފޭކް ބުކިންގައި ފަތުރުވެރިން ރާއްޖެ ގެންނަ މައްސަލަ ވެސް ވަނީ ބޮޑުވެފަ އެވެ.
