ރާއްޖޭގެ ހާއްސަ އިގުތިސޯދީ ސަރަހައްދު (އީއީޒެޑު) ތެރެއަށް ގަވާއިދާ ހިލާފަށް ވަދެ އުޅުނު ބޭރުގެ ތިން މަސް ބޯޓެއް އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފި އެވެ.
އެމްއެންޑީއެފްއިން ބުނީ މި ބޯޓުތައް އަތުލައިގަތީ އެމްއެންޑީއެފް ކޯސްޓްގާޑާއި އެމްއެންޑީއެފް އެއާ ކޯ ގުޅިގެން ހިންގި ހާއްސަ އޮޕަރޭޝަނެއްގައި ކަމަށެވެ.
މި ތިން މަސް ބޯޓު އަތުލައިގަނެފައި ވަނީ އަރިއަތޮޅުގެ ހުޅަނގުން ގާތްގަނޑަކަށް 170 ނޯޓިކަލް މޭލު ބޭރުންނެވެ. މި އޮޕަރޭޝަން ހިންގާފައި ވަނީ ރޭގެ ވަގުތެއްގައި އެވެ.
ސިފައިން މައުލޫމާތު ދޭ ގޮތުގައި މި ބޯޓުތައް މިހާރު ދަނީ ކޯސްޓްގާޑުގެ ބެލުމުގެ ދަށުން މާލެ ސަރަހައްދަށް ގެނައުމުގެ މަސައްކަތް ކުރަމުންނެވެ. ނަމަވެސް، މިއީ ކޮން ގައުމަކަށް ނިސްބަތްވާ ބޯޓުތަކެއް ކަމެއް ކަމާބެހޭ އިދާރާތަކުން އަދި ހާމައެއް ނުކުރެއެވެ.
ރާއްޖޭގެ ބިޔަ އިގުތިސޯދީ ސަރަހައްދަކީ މިފަދަ ގޮތަކަށް ގަވާއިދާ ހިލާފަށް ބޭރުގެ ބޯޓުފަހަރު އަބަދުވެސް ވަންނަ ސަރަހައްދެކެވެ.
މި އަހަރުގެ ތެރޭގައި ވެސް މިގޮތަށް ރާއްޖޭގެ ކަނޑުގެ ސަރަހައްދަށް ވަދެ އުޅުނު ބޭރުގެ ބައެއް ބޯޓުތައް ސިފައިން ވަނީ އަތުލައިގަނެފަ އެވެ. އާންމު ގޮތެއްގައި މިފަދަ ބޯޓުތައް ރާއްޖޭގެ ސަރަހައްދަށް ވަންނަނީ ވަގަށް މަސް ބޭނުމުގެ ބޭނުމުގަ އެވެ. އެހެންނަމަވެސް، ބައެއް ފަހަރު މަސް ބޯޓުގެ ނަމުގައި މަސްތުވާތަކެތި އުފުލާ ބޯޓުފަހަރު ވެސް ރާއްޖޭގެ ކަނޑުގެ ސަރަހައްދަށް ވަންނަކަން ވަނީ ފާހަގަކުރެވިފަ އެވެ.
ރާއްޖޭގެ ކަނޑުގެ ސަރަހައްދު ފުރިހަމައަށް ބެލެހެއްޓުމަށް ބޭނުންވާ ވަސީލަތްތައް ދިވެހި ސިފައިންގެ އަތުގައި މަދުވުމަކީ އަބަދުވެސް އޮންނަ ބޮޑު ކަންބޮޑުވުމެކެވެ. މި ސަރުކާރުން ޑްރޯންތައް
