ހުޅުމާލެއިން 18 އަހަރުގެ އަންހެނަކު ގެއްލިގެން ހޯދަން ފަށައިފި އެވެ.
ގެއްލިގެން ހޯދަމުންދަނީ ޅ. ނައިފަރު / ލޮޓަސްމާގެ، ޝިއުނީ ހުސައިން ސިޔާނު (18އ) އެވެ.
ފުލުހުން ބުނީ ޝިއުނީ ހުސައިން ސިޔާނު ވީނުވީއެއް ނޭނގި ހަބަރެއް ނުވެގެން އާއިލާގެ ފަރާތުން ފުލުހުންނަށް ރިޕޯޓްކޮށްފައިވަނީ މި މަހުގެ 24 ވަނަ ދުވަހު ކަމަށެވެ.
ފުލުހުންނަށް މިކަން ރިޕޯޓްކުރުމާ ގުޅިގެން އެ އަންހެން މީހާ ހޯދުމުގެ މަސައްކަތް ކުރަމުންދާއިރު، މިހާތަނަށް ކުރެވެނު މަސައްކަތުން އޭނާ ފެނިފައި ނުވާ ކަމަށްވެސް ފުލުހުން ބުންޏެވެ.
މިދިޔަ އޭޕްރީލް މަހު ވެސް 53 އަހަރުގެ މީހަކު ގެއްލިގެން ހޯދި އެވެ.
