މި މަހުގެ 14 ވަނަ ދުވަހަށް، ރާއްޖޭގައި ހިންގަމުން އަންނަ ސިޔާސީ ޕާޓީތަކުގެ ތެރެއިން 3000 މެންބަރުން ހަމަނުވާ ހުރިހާ ޕާޓީއެއް އުވާލަން އިލްކެޝަންސް ކޮމިޝަން(އީސީ)އިން އެ ޕާޓީތަކަށް ނޯޓިސް ދީފި އެވެ.
އިލެކްޝަންސް ކޮމިޝަނުން ވަނީ އެކި ސަބަބުތަކާ ގުޅިގެން މިވަގުތު 3000 މެންބަރުން ހަމަނުވާ ތިން ޕާޓީއަކަށް ނޯޓިސް ފޮނުވާފަ އެވެ. އެ ޕާޓީތަކަށް ދިން ތިން މަހުގެ މުއްދަތު ހަމަވުމުން، މި މަހުގެ 14 ވަނަ ދުވަހު މެންބަރުން ހަމަނުވާ ޕާޓީތައް އުވާލާނެ ކަމަށް އީސީން ބުނެ އެވެ.
ނޯޓިސް ދިން ފޮނުވި ޕާޓީތަކާއި ތިބި މެންބަރުންގެ އަދަދު
- ރައީސް މައުމޫންގެ މޯލްޑިވްސް ރީފޯމް މޫވްމަންޓް (އެމްއާރްއެމް) - 2303
- އަހުމަދު އަދީބްގެ މޯލްޑީވްސް ތާޑްވޭ ޑިމޮކްރެޓިކް (އެމްޓީޑީ) - 2489
- ސޯޝަލް ޑިމޮކްރަޓިކް ޕާޓީ (އެމްއެލްއެސްޑީ)- 2725
- ޖާބިރުގެ ދިވެހިރައްޔިތުންގެ ޕާޓީ (ޑީއާރްޕީ) - 2280
މި ޕާޓީތަކަށް އީސީން ނޯޓިސް ފޮނުވާފައިވާއިރު، މެމްބަރުން އިތުރު ކުރުމުގެ މަސައްކަތް އެ ޕާޓީތަކުން އަންނަނީ ކުރަމުންނެވެ.
އީސީގެ ނޯޓިހާ ގުޅިގެން އެމްއާރްއެމްއިން ވަނީ އެ ޕާޓީން އީސީއަށް 3000 މެންބަރުން ހަމަ ކުރުމަށް މީގެ ތިން މަސް ކުރިން ފޯމު ހުށަހަޅާފައިވާ ކަމަށް ބުނެފަ އެވެ. އެ ޕާޓީން ނެރުނު ބަޔާނެއްގައި ބުނީ މެންބަރުން ހަމަ ނުވާ ކަމަށް ދައްކަނީ އީސީން ފޯމުތައް ޕްރޮސެސްކުރުމަށް ލަސްވާތީ ކަމަށެވެ.
އިލެކްޝަންސް ކޮމިޝަނަށް މިހާރު ހުށަހަޅާފައިވާ ފޯމުތަކުގެ ތެރެއިން ބައެއް ފޯމުތަކަކީ، އެ ކޮމިޝަނަށް ހުށަހެޅިތާ ވަރަށް ގިނަ ދުވަސްތަކެއް ވެފައިވާ ފޯމުތަކެއްކަން ވެސް ފާހަގަ ކުރަމުން، ފޯމުތައް ޕްރޮސެސް ކުރުމަށް އެ ޕާޓީން ގޮވާލާފައިވެ އެވެ.
